z roku 1609, f.—15. července. 435
tiones, quibus animum laborum et negotiorum avidum expleat, seribendum tamen
illi duxi aliquid, ut intelligeret, quomodo res nostrae se habuissent hactenus. Magnum
quid moliti sunt adversarii nostri. sed detectis quibusdam indiciis conticuerunt, ut
solent, qui insidiis latent, quolibet strepitu pavidam conscientiam stimulante et
simul remorante gressum. Certo tamen certius est non immutatam esse voluntatem
nocendi rebus nostris, sed vel consiliis aliam formam indui vel occasionem magis
opportunam expectari.
Porro, ut rem omnem melius percipiat, scire eam operae pretium est, ante
mensem circiter interceptas esse litteras cuiusdam Nicolai Narcandri, decani Oppa-
viensis, qui civibus oppidi illius puriorem religionem ab ipsis doctrinae evangelicae
primordiis profitentibus ab aliquot annis multum exhibuit negotii. Is artibus Ladislai
Berka, cuius pastorem olim Mesricii egit, eruditus Pragae cum praefecto ducatus
Oppaviensis et aliis complicibus eonspirationem iniit in perniciem principio quidem
ilius provinciae, deinde nostram et aliorum, quos contumaces suis litteris appellat.
ki conspirationi, ut ex lis, quas ad socios dedit, apparet, ducem Teschinensem
implicuit opera Brabansky cuiusdam, nobili quidem familia, sed moribus non valde
ingenuis: аб quia dux rem pernegat strenue et tum ad regem, tum ad ordines Sile-
siae, tum etiam ad me ampla excusatione innocentiam suam contestatus est, malo
principi illustribus natalibus orto adhibere fidem. quam hominis malae famae indicio
non satis certo pertinacius insistere.
Res primum ad notitiam meam pervenit, deinde per occasionem comitiorum,
quae Olomucii rex celebravit, a legatis Opaviensibus ad ordines nostros delata est,
nec multo post tracta in deliberationem, ac post varias disceptationes tandem reus
careeri mancipatus, apud cardinalem discrimine admisso accusandus.
Interim ad probationes liquidiores eliciendas institerunt nostri per litteras
tum apud Opavienses, tum Silesiae principes, ut ex praecipuis complicibus quidam,
qui Opaviae in vincula coniectus est, examini acriori et, si res postularet, quaestioni
subiceretur. Nihil equidem adhuc publici responsi accepimus, sed faciunt me pri-
vatim certiorem amici, rem nihil habituram difficultatis. Si contingat hominem inter
tormenta deponere aliquid, quod huius nostri eulpam aggravet, valde vereor, ne
brevi ultimum videat diem; sin minus, poenam tamen condignam non effugiturum
perspicuum est. Tenemus enim litteras proprio pugno ab ipso exaratas, quibus serio
moneri ducem. l'eschinensem magnis oneratum promissis postulat, ut fortunam peri-
clitaretur et nulla expensarum habita ratione in Oppavienses primo, deinde in Mora-
viam ac demum ceteros minus dictis obsequentes irruptionem faceret; quas scriptas
à se negare cum non ausit, molliore interpretatione verborum atrocitatem lenire co-
natur, sed rem successuram ili ex sententia vix existimo.
z
o
