Universal Dependencies - Classical_Armenian - CAVaL

s-201

MARK_7.24a

Եւ անտի յարուցեալ եկն ի սահմանս Տիւրոսի եւ Սիդովնի՝

s-202

MARK_7.24b

եւ մտեալ ի տուն ոչ ումեք կամէր յայտնել: Եւ ոչ կարաց ծածկել:

s-203

MARK_7.25

Լուաւ կին մի զնմանէ որո դուստր իւր նեղեալ էր յայսոյ պղծոյ՝ եկն անկաւ առաջի նորա՝

s-204

MARK_7.26a

եւ կինն էր հեթանոս՝ Փինիկ Ասորի յազգէ՝

s-205

MARK_7.26b

եւ աղաչէր զնա՝ զի զդեւն հանցէ ի դստերէ նորա:

s-206

MARK_7.27

Եւ Յիսուս ասէ ցնա՝ թոյլ տուր. նախ յագեսցին մանկունք՝ զի ոչ է բարւոք առնուլ զհաց մանկանց եւ արկանել շանց:

s-207

MARK_7.28

Նա պատասխանի ետ եւ ասէ Տէր՝ եւ շունք ի փշրանաց սեղանոյ մանկանցն կերակրին:

s-208

MARK_7.29a

Եւ ասէ ցնա՝ վասն այդր բանի երթ՝

s-209

MARK_7.29b

ել դեւն ի դստերէ քումմէ:

s-210

MARK_7.30

Գնաց ի տուն իւր՝ եւ եգիտ ելեալ զդեւն. եւ զդուստրն զի անկեալ դնէր ի մահիճս:

s-211

MARK_7.31

Եւ ելեալ միւսանգամ ի սահմանացն Տիւրոսի եւ Սիդովնի՝ եւ եկն ի ծովեզրն Գաղիղեացւոց՝ ի մէջ սահմանացն ի Դեկապողիս:

s-212

MARK_7.32

Եւ բերին առաջի նորա խուլ մի եւ համր. եւ աղաչեին զի ձեռն դիցէ ի վերայ նորա:

s-213

MARK_7.33-34

Եւ առեալ զնա մեկուսի ի ամբոխէ անտի. արկ զմատունս իւր ընդ ականջս նորա՝ եւ եթուք անդր՝ եւ կալաւ զլեզուէ նորա՝ հայեցաւ յերկինս յոգւոց եհան եւ ասէ եփփաթա՝ որ է բացիր:

s-214

MARK_7.35

Եւ նոյնժամայն բացան լսելիք նորա՝ եւ լուծան կապանք լեզուի նորա. եւ խաւսէր ուղիղ:

s-215

MARK_7.36a

Եւ պատուիրեաց նոցա զի մի ումեք ասիցեն:

s-216

MARK_7.36b

Եւ որչափ նա պատուիրէր նոցա՝ նոքա եւս առաւել քարոզեին՝

s-217

MARK_7.37

եւ եւս քան զեւս զարմանային եւ ասեին: Զամենայն ինչ բարւոք գործեաց սա՝ զի խլից լսել տայ. եւ համերց խաւսել:

s-218

LUKE_6.1

եղեւ ի շաբաթու յերկրորդում առաջնոյն՝ անցանել նմա ընդ արտորայսն՝ եւ աշակերտքն նորա կորզեին հասկ, շփեին ընդ ափ եւ ուտեին:

s-219

LUKE_6.2

Եւ ոմանք ի փարիսացւոցն ասեն ցնոսա զի՞նչ գործէք որ չէ աւրէն ի շաբաթու:

s-220

LUKE_6.3

Պատասխանի ետ նոցա Յիսուս եւ ասէ չիցէ՞ ընթերցեալ ձեր զոր արարն Դաւիթ. յորժամ քաղցեաւ ինքն եւ որ ընդ նմայն եին՝

s-221

LUKE_6.4

Զիա՞րդ եմուտ նա ի տունն Աստուածոյ, եւ զհացն զառաջաւորութեան եկեր եւ ետ այնոցիկ որ ընդ նմայն եին՝ զոր ոչ էր աւրէն ումեք ուտել, բայց միայն քահանայապետիցն:

s-222

LUKE_6.5

Եւ ասէ ցնոսա՝ Տէր է̈ որդի մարդոյ եւ շաբաթու:

s-223

LUKE_6.6a

Եւ եղեւ ի միւսում շաբաթուն մտանել նմա ի ժողովուրդն եւ ուսուցանել՝

s-224

LUKE_6.6b

եւ էր անդ այր մի, եւ ձեռն իւր աջ գաւսացեալ էր:

s-225

LUKE_6.7

Եւ սպասեին նմա դպիրքն եւ փարիսեցիք թե ի շաբաթուն բժշկիցէ. զի գտանիցեն չարախաւսութիւն զնմանէ:

s-226

LUKE_6.8a

Եւ նա գիտէր զխորհուրդս նոցա:

s-227

LUKE_6.8b

Ասէ ցայրն որոյ ձեռնն գաւսացեալ էր՝ արի անց ի մէջ:

s-228

LUKE_6.8c

Եւ նա յարուցեալ եկաց

s-229

LUKE_6.9

Ասէ ցնոսա Յիսուս՝ հարցից ինչ ցձեզ զի՞նչ արժան է ի շաբաթու՝ բարի՞ ինչ առնել. եթե չար գործել՝ ոգի մի ապրեցուցանե՞լ թե կորուսանել:

s-230

LUKE_6.10a

Եւ հայեցեալ շուրջ զամենեքումբք զայրագին. ասէ ցնա՝ ձգեա զձեռն քո:

s-231

LUKE_6.10b

Եւ նա ձգեաց՝ եւ հաստատեցաւ ձեռն նորա իբրեւ զմիւսն:

s-232

LUKE_6.11

Նոքա լցան յիմարութեամբ՝ եւ խաւսեին ընդ միմեանս եթե զի՞նչ առնիցեն Յիսուսի:

s-233

LUKE_6.12

Եւ եղեւ ընդ աւուրսն ընդ այնոսիկ ել ի լեառն կալ յաղաւթս՝ եւ հանէր զգիշերն ի գլուխ յաղաւթսն Աստուածոյ:

s-234

LUKE_6.13-16

Եւ իբրեւ այգ եղեւ կոչեաց զաշակերտսն իւր՝ եւ ընտրեաց ի նոցանէ երկոտասանս զորս եւ առաքեալս անուանեաց՝ զՍիմովն զոր եւ Պետրոսն անուանեաց. եւ զԱնդրեաս զեղբայրն նորին՝ եւ զՅակովբոս եւ զՅովհաննէս, եւ զՓիղիպպոս եւ զԲարթողոմեոս. եւ զՄատթեոս. եւ զԹովմաս, եւ զՅակովբոս Աղփեայ, եւ զՍիմովն զկոչեցեալն նախանձայոյս, եւ զՅուդա Յակովբայ, եւ զՅուդա Իսկարիովտացի. որ եղեւ իսկ մատնիչ:

s-235

LUKE_6.17-18

Եւ իջեալ նոքաւք հանդերձ ի տեղի մի տափարակ՝ եւ ժողով աշակերտացն նորա. եւ բազմութիւն յոյժ ժողովրդեանն յամենայն Հրէաստանէ եւ յԵրուսաղեմէ, եւ յայնմ կողմանէ, եւ ի ծովեզերէն Տիւրոսի. եւ Սիդովնի՝ որ եկին լսել ի նմանէ. եւ բժշկել ի հիւանդութենէ իւրեանց, եւ նեղեալքն յայսոց պղծոց բժշկեին՝

s-236

LUKE_6.19

եւ ամենայն ժողովուրդն խնդրէր մերձանալ ի նա՝ զի զաւրութիւն բազում ելանէր ի նմանէ. եւ բժշկէր զամենեսին:

s-237

LUKE_6.20a

Եւ նա ամբարձ զաչս իւր յաշակերտսն իւր եւ ասէ:

s-238

LUKE_6.20b

Երանի աղքատացդ հոգւով. զի ձեր է արքայութիւն Աստուածոյ:

s-239

LUKE_6.21a

Երանի է որ քաղցեալ իցեն այժմ զի յագեսցին:

s-240

LUKE_6.21b

Երանի է որ լան այժմ զի ծիծաղեսցին:

s-241

LUKE_6.22

Երանի է ձեզ յորժամ նախատիցեն զձեզ մարդիկ՝ եւ յորժամ որոշիցեն զձեզ, եւ նախատիցեն՝ եւ հանիցեն անուն չար զձէնջ, վասն որդւոյ մարդոյ՝

s-242

LUKE_6.23a

ուրախ լիջիք յաւուր յայնմիկ եւ ցնծասջիք, զի ահա վարձք ձեր բազում են յերկինս՝

s-243

LUKE_6.23b

դմին աւրինակի առնեին մարգարէիցն հարք իւրեանց:

s-244

LUKE_6.24

Բայց վայ ձեզ մեծատանցդ՝ զի ընկալայք զմխիթարութիւն ձեր:

s-245

LUKE_6.25a

Վայ ձեզ որ յագեալդ էք այժմ՝ զի քաղցիցէք:

s-246

LUKE_6.25b

Վայ ձեզ որ ծիծաղիքդ այժմ՝ զի սգայցէք եւ լայցէք:

s-247

LUKE_6.26

Վայ ձեզ յորժամ բարի ասիցեն զձէնջ ամենայն մարդիկ՝ զի այդպէս առնեին սուտ մարգարէիցն հարք նոցա:

s-248

LUKE_6.27a

Այլ ձեզ ասեմ որ լսէքդ սիրեցէք զթշնամիս ձեր՝

s-249

LUKE_6.27b

բարի արարէք ատելեաց ձերոց՝

s-250

LUKE_6.28a

աւհրնեծէք զանիծիչս ձեր.

s-251

LUKE_6.28b

աղաւթս արարէք ի վերայ նեղչաց ձերոց:

s-252

LUKE_6.29

Որ հարկանէ զծնաւտ քո. մատո նմա եւ զմիւսն՝ եւ որ հանէ ի քէն զբաճկոն քո. մի արգելուր ի նմանէ եւ զշապիկս՝

s-253

LUKE_6.30

ամենայնի որ խնդրէ ոք ի քէն. տուր՝ եւ զոր ինչ հանէ ոք ի քէն. մի պահանջեր:

s-254

LUKE_6.31

Եւ որպէս կամիք թե արասցեն ձեզ մարդիկ, այնպէս արասջիք եւ դուք նոցա:

s-255

LUKE_6.32a

Եւ եթե սիրէք դուք զսիրելիս ձեր. զի՞նչ շնորհ է ձեր՝

s-256

LUKE_6.32b

զի եւ մեղաւորք սիրեն զսիրելիս իւրեանց՝

s-257

LUKE_6.33a

եւ եթե բարի առնէք բարերարաց ձերոց. ո՞ր շնորհ է ձեր՝

s-258

LUKE_6.33b

զի եւ մեղաւորք զնոյն գործեն

s-259

LUKE_6.34a

եւ եթե տայք փոխ այնոցիկ. յորոց ակն ունիք առնուլ. ո՞ր շնորհ է ձեր՝

s-260

LUKE_6.34b

քանզի եւ մեղաւորք մեղաւորաց փոխ տան զի առցեն անդրէն զկշիռն:

s-261

LUKE_6.35a

Բայց սիրեցէք զթշնամիս ձեր, եւ բարի արարէք ատելեաց ձերոց՝

s-262

LUKE_6.35b

եւ տուք փոխ ուստի ոչ ակն ունիցիք առնուլ. եւ եղիցին վարձք ձեր բազում՝ եւ եղիջիք որդիք բարձրելոյ՝ զի նա քաղցր է ի վերայ չարաց եւ ապաշնորհաց:

s-263

LUKE_6.36

Եւ եղերուք գթածք՝ որպէս եւ հայրն ձեր գթած է:

s-264

LUKE_6.37a

Մի դատիք. եւ ոչ դատիցիք՝

s-265

LUKE_6.37b

մի պատժէք. եւ ոչ պատժիցիք՝

s-266

LUKE_6.37c

արձակեցէք. եւ արձակիցիք՝

s-267

LUKE_6.38a

տուք. եւ տացի ձեզ՝

s-268

LUKE_6.38b

չափ բարւոք թաթաղուն շարժուն զեղուն տացեն ի գոգս ձեր՝

s-269

LUKE_6.38c

նովին չափով որով չափէք, չափեսցի ձեզ:

s-270

LUKE_6.39a

Ասաց եւ առակ մի առ նոսա՝ միթե կարիցէ՞ կոյր կուրի առաջնորդել.

s-271

LUKE_6.39b

ոչ ապաքէն երկոքին ի խորխորատ անկանիցին

s-272

LUKE_6.40a

ոչ է աշակերտ լաւ քան զվարդապետ իւր՝

s-273

LUKE_6.40b

ամենայն կատարեալն եղիցի իբրեւ զվարդապետ իւր:

s-274

LUKE_6.41

Զի՞ տեսանես զշիւղ յական եղբաւր քո. եւ ի քում ական զգերանդ ոչ նշմարես:

s-275

LUKE_6.42a

Կամ զիա՞րդ կարես ասել ցեղբայր քո, եղբայր՝ թող հանից զշիւղդ յականէ քումմէ. եւ դու ի քում ական զգերանդ ոչ տեսանես:

s-276

LUKE_6.42b

Կեղծաւոր հան նախ զգերանդ յականէ քումմէ. եւ ապա հայեսջիր հանել զշիւղ յականէ եղբաւր քո:

s-277

LUKE_6.43

Զի ոչ է ծառ բարի. որ առնէ պտուղ չար՝ եւ ոչ դարձեալ ծառ չար. որ առնէ պտուղ բարի՝

s-278

LUKE_6.44a

զի իւրաքանչիւր ծառ ի պտղոյ իւրմէ ճանաչի

s-279

LUKE_6.44b

Զի ոչ եթե ի փշոց քաղեն թուզ՝ եւ ոչ ի մորենւոյ կթեն խաղող:

s-280

LUKE_6.45a

Մարդ բարի. ի բարի գանձուց սրտի իւրոյ բղխէ զբարի՝ եւ մարդ չար. ի չարէն բղխէ զչար՝

s-281

LUKE_6.45b

քանզի ի յաւելուածոյ սրտին խաւսի բերան նորա:

s-282

LUKE_6.46

Զի՞ կոչէք զիս Տէր Տէր. եւ զոր ասեմն ոչ առնէք:

s-283

LUKE_6.47

Ամենայն որ գայ առ իս եւ լսէ զբանս իմ եւ առնէ զնոսա. ցուցից ձեզ ում նման է՝

s-284

LUKE_6.48a

նման է առն որ շինիցէ տուն՝ որ փորեաց եւ խորեաց. եւ եդ հիմն ի վերայ վիմի՝

s-285

LUKE_6.48b

ի յառնել հեղեղաց՝ բախեաց գետ զտունն՝ եւ ոչ կարաց շարժել զնա. զի հաստատեալ էր հիմնն ի վերայ վիմի:

s-286

LUKE_6.49

Իսկ որ լսէ զբանս իմ եւ ոչ առնէ. նման է առն որ շինիցէ տուն ի վերայ հողոյ առանց հիման՝ զոր բախեաց գետ, եւ վաղվաղակի անկաւ. եւ եղեւ կործանումն տանն այնորիկ մեծ:

s-287

LUKE_7.1

իբրեւ կատարեաց զամենայն բանս իւր ի լսելիս ժողովրդեանն. եմուտ ի Կափառնաում՝

s-288

LUKE_7.2

Հարիւրապետի ուրումն ծառայ չարաչար հիւանդացեալ մերձ էր վախճանել. որ էր նմա պատուական՝

s-289

LUKE_7.3

եւ իբրեւ լուաւ զՅիսուսէ՝ առաքեաց զծերսն ի հրէից. աղաչէր զնա զի եկեցէ ապրեցուսցէ զծառայն նորա:

s-290

LUKE_7.4-5

Եւ նոքա եկեալ առ Յիսուս՝ աղաչեին զնա ստէպ. եւ ասեին թե արժանի է որում զշնորհս զայս առնես՝ զի սիրէ զազգս մեր. եւ զժողովրդանոցն նա շինեաց մեզ:

s-291

LUKE_7.6a

Եւ Յիսուս գնաց ընդ նոսա՝

s-292

LUKE_7.6b-7a

իբրեւ ոչ ինչ կարի հեռի էր ի տանէն. յղեաց առ նա հարիւրապետն բարեկամս եւ ասէ ցնա՝ Տէր, մի ինչ աշխատ լինիր՝ զի չեմ բաւական եթե ընդ յարկաւ իմով մտանիցես՝ վասն որոյ եւ ոչ զանձն համարեցայ արժանի առ քեզ գալոյ՝

s-293

LUKE_7.7b-8

այլ ասա բանիւ, եւ բժշկեսցի մանուկս իմ՝ քանզի եւ ես այր մի եմ կարգեալ ընդ իշխանութեամբ՝ ունիմ ընդ ինեւ զինուորս. եւ ասեմ սմա երթ եւ երթայ՝ եւ այլում թե եկ՝ եւ գայ՝ եւ ծառայի իմում թե արա զայս. եւ առնէ:

s-294

LUKE_7.9

Եւ իբրեւ լուաւ զայս Յիսուս. զարմացաւ՝ դարձաւ առ ժողովուրդն որ երթային զհետ նորա եւ ասէ՝ ամէն ասեմ ձեզ՝ թե եւ ոչ յԻսրայեղի այսչափ հաւատս գտի:

s-295

LUKE_7.10

Եւ դարձան անդրէն պատգաւորքն ի տուն. եւ գտին զծառայն հիւանդ բժշկեալ:

s-296

LUKE_7.11

Եւ եղեւ ի վաղիւն՝ երթայր ի քաղաք մի որում անուն էր Նային՝ երթային ընդ նմա եւ աշակերտք նորա. եւ ժողովուրդ բազում՝

s-297

LUKE_7.12

իբրեւ մերձ եղեւ ի դուռն քաղաքին՝ եւ ահա ելանէր մեռեալ մի որդի միամաւր մաւր իւրոյ՝ եւ նա էր այրի՝ եւ ժողովուրդ բազում քաղաքին էր ընդ նմա:

s-298

LUKE_7.13

Իբրեւ ետես զնա Տէր. գըթացաւ ի նա եւ ասէ. մի լար:

s-299

LUKE_7.14a

Եւ մատուցեալ մերձեցաւ ի դագաղսն՝ եւ որ բարձեալն տանեին զտեղի առին:

s-300

LUKE_7.14b

Եւ ասէ՝ պատանի դու՝ քեզ ասեմ՝ արի: