Universal Dependencies - Maltese - MUDT

s-301

42_04F09:17

Xi drabi nixxemxu jew nixxarrbu bix-xita, nitbandlu mar-riħ u nirtogħdu fil-kesħa tax-xitwa Maltija.

s-302

42_04F09:18

Iżda qatt ma qtajna qalbna.

s-303

42_04F09:19

Konna determinati li nisfidaw l-elementi u nżommu sod.

s-304

42_04F09:20

Iż-żmien itir u hekk kif bdiet riesqa r-rebbiegħa erġajna bdejna ndoqqu t-trombi.

s-305

42_04F09:21

Dan hu ż-żmien meta aħna niffjorixxu u nfewwħu kullimkien.

s-306

42_04F09:22

Nimlew il-ġonna kollha lwien.

s-307

42_04F09:23

Jien safra, u sħabi uħud bojod, oħrajn ħomor, vjola, u anke oranġjo.

s-308

42_04F09:24

Ta' kull sena jkollna ħafna opportunitajiet u nferrħu ħafna nies.

s-309

42_04F09:25

Jien inkun fl-aqwa tiegħi.

s-310

42_04F09:26

Jisimni Fresja!

s-311

44_06F09:1

PERPETUUM MOBILE

s-312

44_06F09:2

Smajt ħoss u nħsadt.

s-313

44_06F09:3

Qomt minn bħal raqda fonda u ma kontx naf eżatt fejn ninsab.

s-314

44_06F09:4

Bdejt inħoss rasi ddur bija u bil-kemm ma ħassejtnix xi ftit imdardar ukoll.

s-315

44_06F09:5

Ippruvajt inqum fuq saqajja, iżda sibt dawra likwidu skur aħmar madwari.

s-316

44_06F09:6

X'kien ġara?

s-317

44_06F09:7

Irrealizzajt li kont ġo dari imma, kont waħdi?

s-318

44_06F09:8

Ma kien hemm l-ebda sinjal ta' vjolenza la fuq id-dar u wisq anqas fuqi.

s-319

44_06F09:9

Allura dan id-demm minn fejn ġie?

s-320

44_06F09:10

Bdejt insejjaħ biex nara kienx hemm xi ħadd, imma leħni maħnuq u dgħajjef instema' jidwi lura.

s-321

44_06F09:11

Ħarist madwari u lmaħt it-tapit kwadru tas-salott fejn kont, li kellu kantuniera minnu mgħawġa bħal meta xi ħadd jgħawwiġha b'saqajh u ma qagħadx jikkoppa jerġa' jirranġaha.

s-322

44_06F09:12

Kien maħsul bl-istess demm.

s-323

44_06F09:13

It-tavolina tal-ħġieġ li kien hemm fuqu kienet maqsuma b'daqqa ta' xi ħaġa iebsa u ċappa mudullun lewn il-kremżi mwaħħla magħha.

s-324

44_06F09:14

Bdejt nistaqsi bejni u bejn ruħi, ' X'ġara?

s-325

44_06F09:15

Kont fis-sakra u kelli xi ngħid ma' xi ħadd u weġġajtu? '

s-326

44_06F09:16

Min kien tilef ħafna demm u bħalissa jinsab mejjet x'imkien fid-dar żgur!

s-327

44_06F09:17

Bdejt nidħol kamra kamra nfittex.

s-328

44_06F09:18

La fil-kċina, la fil-kamra tal-banju u l-anqas fil-kamra tas-sodda ma sibt xejn u kollox kien kif ħallejtu jien.

s-329

44_06F09:19

Kif kont aljenat naħseb u inkwetat nisma' brejk qawwi ta' żewġ karozzi u ħabta.

s-330

44_06F09:20

Bumm!

s-331

44_06F09:21

Għat-tieni darba erġajt inħsadt u nfxilt.

s-332

44_06F09:22

Mort niġri ħa nara x'ġara barra.

s-333

44_06F09:23

Kif kont għaddej mis-salott tfixkilt fit-tapit li kont ħallejtu mgħawweġ u ħbatt rasi mat-tavolina tal-ħġieġ u din inqasmet.

s-334

44_06F09:24

Beda ħiereġ gelgul demm u jien intlift minn sensija, sakemm wara ftit ħin ... Smajt ħoss u nħsadt ...

s-335

48_02F09:1

Fil-kobor bla sura tal-belt li Erica qiegħda titgħallem tgħix fiha, l-arja tinħass għal kollox differenti minn dik li trewwaħ lill-belt ċkejkna fejn trabbiet.

s-336

48_02F09:2

Qishom iż-żewġt ibliet ma jagħmlux sehem minn dinja waħda, imma jinsabu fuq żewġ pjaneti mbiegħda li ma jafux bl-eżistenza ta' xulxin.

s-337

48_02F09:3

Illum tiskanta kif f'ambjent kwiet u miġbur bħal dak li ħalliet warajha, ma kienx jirnexxilha tisma' l-ħoss tas-sikta; l-aktar fid-dar kbira ta' missierha mibnija fuq daqsxejn ta' għolja f'tarf il-belt imkenna, u mxerrfa għal fuq kampanja li għal għajnejn nemmiesa tidher tħaddan eżistenza waħdanija fl-għamla tagħha għax bħallikieku mixtarra minnha nnifisha.

s-338

48_02F09:4

Missierha kien għaraf jitwaħħad mal-kalma tal-madwar u kien lest jirfed dan l-istat rebbieħ b'ħiltu kollha.

s-339

48_02F09:5

L-ispirtu qallieb tiegħu kellu jinbeżaq minn ġewwa għal barra bla ebda limitazzjoni, xi drabi wkoll taħt is-sura iebsa ta' stmerrija għal kull eżistenza li b'xi mod thedded li xxellef is-sikta misjuba minnu.

s-340

48_02F09:6

Forsi x-xejra merfugħa ta' ħsibijietu kienet gerrxitha mill-għarfien tal-ħemda ġewwiena u kontra r-rieda tiegħu ġagħlitha tissielet mad-dehra kwieta li, fl-opinjoni tagħha, ġiet minsuġa apposta madwarha.

s-341

48_02F09:7

Fl-appartament ċkejken ġol-qalba tal-belt il-ġdida l-kampanja naturali tinħass 'il bogħod u s-sikta mixtieqa tinsab mirfuda biss mill-qawwa ta' l-illużjoni.

s-342

48_02F09:8

Il-ħajt dejjaq li fuq naħa waħda jifridhom minn ġirien għaġġieba għall-aħħar, ma jitfix id-diwi ta' l-ilħna werżieqa u ma joħnoqx it-tħanxir ta' mużika b'ritmu mgħaġġel, li tinstama' f'mumenti meta ma tkunx mistennija.

s-343

48_02F09:9

Li kieku Erica kellha tkun imgħarrfa b'dawn iċ-ċirkustanzi minn qabel, kieku x'aktarx li kienet tieħu kollox biċ-ċajt għax dak iż-żmien kienet taħseb li tista' tinħamel ma' kull għamla ta' ħsejjes, imqar dawk mhux maħluqa minnha.

s-344

48_02F09:10

Iżda malli l-ispazju ta' madwarha ċkien fid-dieher, bdiet tħoss il-ħtieġa li s-skiet li qatt ma tatu ċ-ċans jitnissel minn ġewwa, jiġi sostitwit minn ieħor imnibbet fl-ambjent li sabet ruħha fih.

s-345

48_02F09:11

Karl ma kienx jidher milqut bħalha miċ-ċirkustanzi li bdew jinħassu jagħfsu fuqha bi pressjoni li ma setgħetx ma tagħtix kas tagħha.

s-346

48_02F09:12

Kellu fiex jedha fil-pittura u ma kienx imdorri jżomm il-kont ta' kif iqatta' l-ħin.

s-347

48_02F09:13

L-importanti għalih li ż-żmien jibqa' għaddej kemm jista' jkun bla tfixkil u bla ma jazzarda jsabbtu wiċċ imb'wiċċ miegħu nnifsu.

s-348

48_02F09:14

Hi wkoll kienet taħseb li la jkollha 'l Karl jgħix magħha, il-ħin jitlef mis-siwi tiegħu għaliha.

s-349

48_02F09:15

F'li ma tkun tixtieq xejn għajr ir-raġel li tħobb, jingħelbu d-distanzi kważi illużorji u l-ħin ma jibqagħlux ma' xiex jitkejjel.

s-350

48_02F09:16

Qatt ma basret li setgħet titqarraq u li ħajjitha kienet teħtieġ xi ħaġa aktar mill-preżenza fiżika ta' l-artist meqjum minnha.

s-351

48_02F09:17

Kienu għaddew biss ftit xhur minn meta bdiet tgħammar miegħu u ġa setgħet tagħraf ix-xenqa mliġġma li jkollha tarbija li tkun tiegħu daqskemm tkun tagħha u li forsi twassalhom biex jillegalizzaw ir-rabta ta' bejniethom.

s-352

48_02F09:18

Iżda Karl ma kienx ta' l-istess fehma.

s-353

48_02F09:19

Mill-ewwel urieha biċ-ċar li ma kellu ebda ħajra la li jerġa' jintrabat biż-żwieġ u wisq anqas li jibda jrabbi.

s-354

48_02F09:20

Hi kienet aċċettatu kif inhu, waħdu, u hu kien laqagħha fi ħdanu bla kompromessi jew tamiet li, fl-opinjoni tiegħu, faċli jirriżultaw fiergħa.

s-355

48_02F09:21

Dak in-nhar ipprovat tifhmu u għamlet ħilitha biex twarrab l-idea bikrija minn moħħha.

s-356

48_02F09:22

Għalkemm hi u Karl kienu sabu 'l xulxin, ma kinitx żgura jekk bħala individwi kinux sabu lilhom infushom.

s-357

48_02F09:23

Kienu jeħtieġu ż-żmien u l-ispazju li kien ġa limitat.

s-358

48_02F09:24

Karl kien għadu bla xogħol u wara t-tweġiba t'ommha għall-ittra tagħha, għeb kull pjan ta' rikonċiljazzjoni ma' niesha.

s-359

48_02F09:25

Missierha ma kienx lest jaħfrilha u t-triq li għażlet kellha tkejjilha waħedha, 'il bogħod minnhom kemm jista' jkun.

s-360

48_02F09:26

Id-deċiżjoni iebsa li ma tgħarrafhomx aktar bi ħbarha u li tinjora l-eżistenza tagħhom, għenitha tinsa kull ħsieb jew riżoluzzjoni oħra li ma kellhiex x'taqsam direttament magħhom.

s-361

48_02F09:27

Ix-xewqa li jkollha tarbija kellha titwarrab fil-ġenb.

s-362

48_02F09:28

L-imħabba ta' Karl biss setgħet ittaffi xi ftit mir-rabja li kienet qiegħda tħoss għaliha u għall-ġens uman kollu.

s-363

48_02F09:29

Ix-xogħol monotonu fil-fabbrika ma kienx jgħinha tinsa, iżda anqas ma kien għadu jweġġa' s-sentimenti tagħha.

s-364

48_02F09:30

Fil-belt il-kbira, miżgħuda bin-nies, mhux faċli ssib ix-xogħol kif u xħin tixtieq u Erica kienet tgħodd ruħha b'ixxurtjata li bdiet taħdem ħmistax wara li waslu.

s-365

48_02F09:31

Kellhom bżonn il-flus u s-sodisfazzjon li ma setgħetx tikseb fin-nisġa tax-xogħol il-ġdid kien jinstab fir-rieda li ssaħħaħ ir-rabta ta' bejniethom.

s-366

48_02F09:32

Fl-istess waqt kienet qiegħda tgħin lir-raġel li tħobb, iwettaq l-ideal tiegħu.

s-367

48_02F09:33

Jekk jistabbilixxi ruħu fil-ħajja u jsib is-sliem mixtieq, jagħmilha ħienja miegħu.

s-368

48_02F09:34

Il-ħsieb imbejjet fit-tama li l-impjieg maħtuf minnha kellu jkun temporanju u x'aktarx għal żmien qasir, kien joħloq fiha aspett negattiv aktar milli pożittiv.

s-369

48_02F09:35

Ma kellhiex ħajra ttejjeb il-qagħda tagħha f'dik il-fabbrika magħġuna b'għan wieħed ta' żieda sfrenata fil-produzzjoni, imqar jekk spejjeż tal-ħaddiema u xi drabi wkoll tal-prodott innifsu.

s-370

48_02F09:36

Fiċ-ċaħda volontarja ta' kull sens t'oriġinalità jew kreattività f'dak l-ambjent imgħaġġel, kienet tagħżel li ssir biċċa mill-magna biex tinħamel mal-pass tax-xogħol li ma setgħetx iġġerragħ.

s-371

48_02F09:37

Il-qagħda mirżuħa la tgħinha tinsa l-qadim u anqas tiftakar il-ġdid.

s-372

48_02F09:38

B'ħażna ta' ħsibijiet ippakkjati fis-subkonxju, tasal li taddotta l-magna b'biċċa minnha.

s-373

48_02F09:39

Iżda xħin isir il-ħin biex titlaq minn fuq il-post tax-xogħol terġa' tħoss in-nifs tal-ħajja jirfidha u għalkemm fiżikament għajjiena, tħaffef lejn id-dar biex taqsam ħajjitha mar-raġel li tħobb.

s-374

48_02F09:40

Sakemm beda ż-żmien tal-prova tiegħu mad-ditta tar-reklamar, Karl kien ikun lest jistennieha kull filgħaxija biex jilqagħha fi ħdanu.

s-375

48_02F09:41

Matul il-jum kien jilħaq ipinġi u jistrieħ kemm irid bla xkiel ta' ħadd, u li jħejji xi ħaġa ta' l-ikel għalih u għal Erica kienet tiswielu ta' mogħdija tal-ħin.

s-376

48_02F09:42

Il-preżenza tal-maħbuba tiegħu wara ġurnata 'l bogħod minnu tkattarlu ssodisfazzjon li jkun kiseb, jew jekk ikun hemm bżonn, twittilu l-ħotob tad-delużjoni.

s-377

48_02F09:43

Biha jew mingħajrha ma kienx xorta la għalih u anqas għall-arti tiegħu u din id-darba l-għażla ta' sieħba kienet tirrendi u lilu tagħmillu ġieħ.

s-378

48_02F09:44

Iżda malli beda jaħdem, il-ħin għad-dispożizzjoni tiegħu naqas b'mod drastiku.

s-379

48_02F09:45

L-effett tal-bidla fuqu ma kienx dak mistenni minn Erica.

s-380

48_02F09:46

Kienet ħasbet li fl-ewwel jiem tax-xogħol kien se jiġi lura d-dar igerger fuq il-kundizzjonijiet imfellka u jisħet il-mument li fih mar japplika għall-impjieg.

s-381

48_02F09:47

Minn rajha ħejjiet ruħha biex tgħinu u tkun qrib tiegħu aktar mis-soltu malli jistqarr li ma kienx jista' jsib is-sodisfazzjon mixtieq.

s-382

48_02F09:48

Iżda b'sorpriża għaliha, Karl donnu ma kienx jixtieq jaqsam l-esperjenza l-ġdida tiegħu magħha.

s-383

48_02F09:49

Għall-ewwel ipprovat taħseb li kien qiegħed ikun għajjien u mingħajr aptit li jitkellem fit-tul fuq it-tip ta' xogħol li daħal għalih.

s-384

48_02F09:50

Fuq kollox anqas hi ma kienet qatt tiddiskuti miegħu x'jgħaddi mingħaliha fil-fabbrika.

s-385

48_02F09:51

Dak kien ambjent differenti mill-appartament tagħhom u ż-żewġ ambjenti ma kellhomx jitħalltu flimkien.

s-386

48_02F09:52

Imma li jgħaddi ż-żmien u tibqa' ma tkun taf xejn dwar jekk kienx qiegħed jikseb sodisfazzjon jew le fit-twettiq tal-ħidma l-ġdida li suppost kellha tkun ukoll artistika, kien qiegħed jagħtiha ġewwa.

s-387

48_02F09:53

Ħafna mistoqsijiet minn dejjem kienu jdejquh.

s-388

48_02F09:54

Karl ma jiħux gost iħossu mgħarbel, għalkemm mhux is-soltu tiegħu li jingħalaq fit-tul fih innifsu.

s-389

48_02F09:55

Imqar jekk kellha għalfejn tkun kburija li l-personalità tagħha kienet ħalliet timbru fuq il-personalità tiegħu, ma setgħetx tixtieq li l-artist jibda jimitaha fit-tendenzi merfugħa tal-karattru tagħha.

s-390

48_02F09:56

Kien jeħtiġilha żżomm is-sabar.

s-391

48_02F09:57

Karl ma kienx jonqosha mill-imħabba għadilli l-ħin li qabel kien jiddedika għaliha waħedha issa kellu jiġi mnaqqas sew.

s-392

48_02F09:58

Ix-xogħol tal-pittura li kien l-aktar għal qalbu kien jista' jitkompla biss filgħaxijiet, wara sigħat twal ta' xogħol ieħor b'impenn kummerċjali barra mid-dar, u waqt li l-maħbub tagħha jkun ipinġi ma jkunx f'burdata li jaqsam l-eżistenza tiegħu ma' ħaddieħor.

s-393

48_02F09:59

Forsi minħabba l-qawwa tal-komunikazzjoni ulterjuri ma' l-oħrajn permezz ta' l-arti, fl-aktar mumenti li l-artist ikun waħdu u maqtugħ għalih joħloq fuq it-tila, l-anqas li jħossu maħkum mill-biża' tas-solitudni.

s-394

48_02F09:60

Iżda għaliha xort'oħra, għax ta' kull darba l-preżenza tagħha tinħass tinxtorob ġewwa fiha mqar jekk tkun qiegħda tippoża ta' mudella għalih, u l-ħsejjes bla kontroll tal-madwar jinħassu mġelġla u jheżżu l-fdalijiet tal-preżenza mġannta.

s-395

48_02F09:61

Kien jeħtiġilha taljena ruħha u ssib ftuħ ieħor fejn moħħha jkun jista' jimraħ, biex waqt li Karl ikun jinħass 'il bogħod minnha, tibqa' tiġġustifika s-siwi ta' l-eżistenza tagħha.

s-396

48_02F09:62

Ix-xewqa mwarrba li jkollha tarbija mhux biss kienet reġgħet bdiet tfeġġ, iżda nbidlet fi bżonn ewlieni li kien essenzjali għat-twettiq ta' ħajjitha.

s-397

48_02F09:63

Għalkemm ma kinitx żgura jekk ir-raġel li għażlet għaliha kellux jippersevera jew le fl-impjieg li sab, u forsi jerġa' kollox għal li kien, din id-darba wiegħdet lilha nnifisha li ma tilħaq ebda kompromess miegħu.

s-398

48_02F09:64

Kienet lesta li tieħu d-deċiżjoni mixtieqa waħedha u tidħol responsabbli għal kulma jista' jiġri wara.

s-399

48_02F09:65

Dak li waħħlet f'rasha li twettaq, ukoll jekk bħas-soltu jiġi magħdud minn ħaddieħor b'għemil għaġġieli u mferfex, ma kien se jisfrattahulha ħadd.

s-400

48_02F09:66

Fl-opinjoni tagħha, min ma kellux ir-rieda li jgħinha tgħix ħajjitha fis-sħiħ, ma kellux il-jedd jikkritikaha.