Universal Dependencies - Ancient Greek - Perseus

s-301

tlg0008.tlg001.perseus-grc1.12.tb.xml@666

οἱ δὲ ὑπερτείνοντες οὐρανίσκοι διάχρυσοι ποικίλμασιν ἐκπεπονημένοι πολυτελέσιν ἐσκέπαζον τὸν ἄνω τόπον·

s-302

tlg0008.tlg001.perseus-grc1.12.tb.xml@667

καὶ πρῶτοι μὲν Πέρσαι φ̓ μηλοφόροι περὶ αὐτὴν ἐντὸς εἱστήκεσαν πορφυραῖς καὶ μηλίναις ἐσθῆσιν ἐξησκημένοι·

s-303

tlg0008.tlg001.perseus-grc1.12.tb.xml@669

προειστήκεσαν δὲ τούτων ἀργυράσπιδες Μακεδόνες πεντακόσιοι.

s-304

tlg0008.tlg001.perseus-grc1.12.tb.xml@670

κατὰ δὲ μέσην τὴν σκηνὴν χρυσοῦς ἐτίθετο δίφρος, ἐφ̓ οὗ καθήμενος ἐχρημάτιζεν ὁ Ἀλέξανδρος τῶν σωματοφυλάκων πανταχόθεν ἐφεστηκότων.

s-305

tlg0008.tlg001.perseus-grc1.12.tb.xml@671

ἔξωθεν δὲ κύκλῳ τῆς σκηνῆς τὸ τῶν ἐλεφάντων ἄγημα διεσκευασμένον ἐφειστήκει καὶ Μακεδόνες χίλιοι Μακεδονικὰς στολὰς ἔχοντες, εἶτα μύριοι Πέρσαι, τό τε τὴν πορφύραν ἔχον πλῆθος εἰς πεντακοσίους ἦν, οἷς Ἀλέξανδρος ἔδωκε φορεῖν τὴν στολὴν ταύτην.

s-306

tlg0008.tlg001.perseus-grc1.12.tb.xml@672

τοσούτων δὲ ὄντων καὶ τῶν φίλων καὶ τῶν θεραπευόντων οὐδεὶς ἐτόλμα προσπορεύεσθαι Ἀλεξάνδρῳ·

s-307

tlg0008.tlg001.perseus-grc1.12.tb.xml@673

τοιοῦτον ἐγεγόνει τὸ περὶ αὐτὸν ἀξίωμα.

s-308

tlg0008.tlg001.perseus-grc1.12.tb.xml@674

ἔγραψεν δὲ καὶ ποτε Ἀλέξανδρος ταῖς ἐν Ἰωνίᾳ πόλεσιν καὶ πρώτοις Χίοις, ὅπως αὐτῷ πορφύραν ἀποστείλωσιν.

s-309

tlg0008.tlg001.perseus-grc1.12.tb.xml@675

ἤθελεν γὰρ τοὺς ἑταίρους ἅπαντας ἁλουργὰς ἐνδῦσαι στολάς.

s-310

tlg0008.tlg001.perseus-grc1.12.tb.xml@676

ἀναγνωσθείσης δὲ τῆς ἐπιστολῆς Χίοις παρὼν Θεόκριτος ὁ σοφιστὴς νῦν ἐγνωκέναι ἔφη τὸ παῤ Ὁμήρῳ εἰρημένον·

s-311

tlg0008.tlg001.perseus-grc1.12.tb.xml@677

ἔλλαβε πορφύρεος θάνατος καὶ μοῖρα κραταιή.

s-312

tlg0008.tlg001.perseus-grc1.12.tb.xml@678

Ἀντίοχον δὲ τὸν Γρυπὸν ἐπικαλούμενον βασιλέα φησὶ Ποσειδώνιος ἐν τῇ ὀγδόῃ καὶ εἰκοστῇ τῶν Ἱστοριῶν τὰς ἐπὶ Δάφνῃ πανηγύρεις ἐπιτελοῦντα ὑποδοχὰς λαμπρὰς ἐπιτελεῖν.

s-313

tlg0008.tlg001.perseus-grc1.12.tb.xml@680

ἀνεδίδοντο δέ, φησίν, καὶ χρυσοῖ στέφανοι τοῖς δειπνοῦσιν καὶ ἀργυρωμάτων πλῆθος καὶ θεραπόντων καὶ ἵππων καὶ καμήλων.

s-314

tlg0008.tlg001.perseus-grc1.12.tb.xml@681

ἔδει τε ἀναβάντα ἐπὶ τὴν κάμηλον ἕκαστον πιεῖν καὶ λαβεῖν τὴν κάμηλον καὶ τὰ ἐπὶ τὴν κάμηλον καὶ τὸν παρεστῶτα παῖδα.

s-315

tlg0008.tlg001.perseus-grc1.12.tb.xml@682

ἐν δὲ τῇ τεσσαρεσκαιδεκάτῃ περὶ τοῦ ὁμωνύμου αὐτοῦ Ἀντιόχου λέγων τοῦ ἐπ̓ Ἀρσάκην εἰς Μηδίαν στρατεύσαντός φησιν ὅτι ὑποδοχὰς ἐποιεῖτο καθ̓ ἡμέραν ὀχλικάς·

s-316

tlg0008.tlg001.perseus-grc1.12.tb.xml@683

ἐν αἷς χωρὶς τῶν ἀναλισκομένων καὶ ἐκφατνιζομένων σωρευμάτων ἕκαστος ἀπέφερε τῶν ἑστιατόρων ὁλομελῆ κρέα χερσαίων τε καὶ πτηνῶν καὶ θαλαττίων ζῴων ἀδιαίρετα ἐσκευασμένα, ἅμαξαν πληρῶσαι δυνάμενα·

s-317

tlg0008.tlg001.perseus-grc1.12.tb.xml@685

Κλύτος δ̓ ὁ Ἀριστοτελικὸς ἐν τοῖς περὶ Μιλήτου Πολυκράτην φησὶ τὸν Σαμίων τύραννον ὑπὸ τρυφῆς τὰ πανταχόθεν συνάγειν, κύνας μὲν ἐξ ἠπείρου, αἶγας δὲ ἐκ Σκύρου, ἐκ δὲ Μιλήτου πρόβατα, ὗς δ̓ ἐκ Σικελίας.

s-318

tlg0008.tlg001.perseus-grc1.12.tb.xml@686

Ἄλεξις δ̓ ἐν τρίτῳ Σαμίων Ὥρων ἐκ πολλῶν πόλεών φησιν κοσμηθῆναι τὴν Σάμον ὑπὸ τοῦ Πολυκράτους, κύνας μὲν Μολοττικὰς καὶ Λακαίνας εἰσαγαγόντος, αἶγας δ̓ ἐκ Σκύρου καὶ Νάξου, πρόβατα δ̓ ἐκ Μιλήτου καὶ τῆς Ἀττικῆς.

s-319

tlg0008.tlg001.perseus-grc1.12.tb.xml@687

μετεστέλλετο δέ, φησί, καὶ τεχνίτας ἐπὶ μισθοῖς μεγίστοις.

s-320

tlg0008.tlg001.perseus-grc1.12.tb.xml@688

πρὸ δὲ τοῦ τυραννῆσαι κατασκευασάμενος στρωμνὰς πολυτελεῖς καὶ ποτήρια ἐπέτρεπε χρῆσθαι τοῖς ἢ γάμον ἢ μείζονας ὑποδοχὰς ποιουμένοις.

s-321

tlg0008.tlg001.perseus-grc1.12.tb.xml@690

ὅτε καὶ δἰ ὀργὴν ἀπέκειρε τὸν ἐρώμενον.

s-322

tlg0008.tlg001.perseus-grc1.12.tb.xml@691

πρῶτος δ̓ ὁ Πολυκράτης καὶ ναῦς τινας πήξας ἀπὸ τῆς πατρίδος Σαμαίνας ἐκάλεσεν.

s-323

tlg0008.tlg001.perseus-grc1.12.tb.xml@692

Κλέαρχος δέ φησιν ὡς Πολυκράτης ὁ τῆς ἁβρᾶς Σάμου τύραννος διὰ τὴν περὶ τὸν βίον ἀκολασίαν ἀπώλετο, ζηλώσας τὰ Λυδῶν μαλακά.

s-324

tlg0008.tlg001.perseus-grc1.12.tb.xml@693

ὅθεν τῷ τ̓ ἐν Σάρδεσιν Ἀγκῶνι Γλυκεῖ προσαγορευομένῳ τὴν παρὰ τοῖς Σαμίοις λαύραν ἀντικατεσκεύασεν ἐν τῇ πόλει καὶ τοῖς Λυδῶν ἄνθεσιν ἀντέπλεξε τὰ διαγγελθέντα Σαμίων ἄνθεα.

s-325

tlg0008.tlg001.perseus-grc1.12.tb.xml@698

οἶδα δὲ κἀγὼ παρὰ τοῖς ἐμοῖς Ἀλεξανδρεῦσιν λαύραν τινὰ καλουμένην μέχρι καὶ νῦν Εὐδαιμόνων, ἐν ᾗ πάντα τὰ πρὸς τρυφὴν ἐπωλεῖτο,

s-326

tlg0008.tlg001.perseus-grc1.12.tb.xml@700

οὗ φασι κυριεύσαντα Διονύσιον τὸν πρεσβύτερον ἀποδόσθαι Καρχηδονίοις ῤ καὶ κ̓ ταλάντων.

s-327

tlg0008.tlg001.perseus-grc1.12.tb.xml@701

ἱστορεῖ δὲ καὶ Πολέμων περὶ αὐτοῦ ἐν τῷ ἐπιγραφομένῳ περὶ τῶν ἐν Καρχηδόνι Πέπλων.

s-328

tlg0008.tlg001.perseus-grc1.12.tb.xml@703

εἵποντο γοῦν αὐτῷ χίλιοι μάγειροι καὶ ὀρνιθευταί.

s-329

tlg0008.tlg001.perseus-grc1.12.tb.xml@704

ἱστορεῖ περὶ αὐτοῦ καὶ Τίμαιος διὰ τῆς ἑβδόμης.

s-330

tlg0008.tlg001.perseus-grc1.12.tb.xml@705

περὶ δὲ τῆς Διονυσίου τοῦ νεωτέρου Σικελίας τυράννου τρυφῆς Σάτυρος ὁ περιπατητικὸς ἱστορῶν ἐν τοῖς Βίοις πληροῦσθαί φησιν παῤ αὐτῷ τριακοντακλίνους οἴκους ὑπὸ τῶν εὐωχουμένων.

s-331

tlg0008.tlg001.perseus-grc1.12.tb.xml@706

καὶ Κλέαρχος δὲ ἐν τῷ τετάρτῳ τῶν Βίων γράφει οὕτως·

s-332

tlg0008.tlg001.perseus-grc1.12.tb.xml@708

καὶ γυμνὸς μετὰ γυμνῶν οὐδὲν αἰσχύνης παρέλιπεν ἐπὶ τοῦ στρώματος κυλινδούμενος.

s-333

tlg0008.tlg001.perseus-grc1.12.tb.xml@709

τοιγαροῦν μετ̓ οὐ πολὺν χρόνον οἱ ὑβρισθέντες γυναῖκα καὶ τέκνα ἐκείνου λαβόντες ὑποχείρια ἐπὶ τῆς ὁδοῦ στήσαντες μεθ̓ ὕβρεως ἐνηκολάσταινον αὐτοῖς·

s-334

tlg0008.tlg001.perseus-grc1.12.tb.xml@712

ὅθεν πρὸς τὴν ἀνόσιον ἀρὰν κατήλεσαν αὐτῶν τὰς σάρκας, ἵν̓ ἡ τροφὴ σιτοποιουμένων κατεδεσθῇ·

s-335

tlg0008.tlg001.perseus-grc1.12.tb.xml@713

τὰ δὲ λείψανα κατεπόντωσαν.

s-336

tlg0008.tlg001.perseus-grc1.12.tb.xml@714

αὐτὸς δὲ Διονύσιος τέλος μητραγυρτῶν καὶ τυμπανοφορούμενος οἰκτρῶς τὸν βίον κατέστρεψεν.

s-337

tlg0008.tlg001.perseus-grc1.12.tb.xml@715

εὐλαβητέον οὖν τὴν καλουμένην τρυφὴν οὖσαν τῶν βίων ἀνατροπὴν ἁπάντων τε ὀλέθριον ἡγεῖσθαι τὴν ὕβριν.

s-338

tlg0008.tlg001.perseus-grc1.12.tb.xml@716

Διόδωρος δ̓ ὁ Σικελιώτης ἐν τοῖς περὶ Βιβλιοθήκης Ἀκραγαντίνους φησὶ κατασκευάσαι Γέλωνι κολυμβήθραν πολυτελῆ τὸ περίμετρον ἔχουσαν σταδίων ζ̓, βάθος δὲ πηχῶν κ̓, εἰς ἣν ἐπαγομένων ποταμίων καὶ κρηναίων ὑδάτων ἰχθυοτροφεῖον εἶναι καὶ πολλοὺς παρέχεσθαι ἰχθῦς εἰς τὴν τρυφὴν καὶ ἀπόλαυσιν τῷ Γέλωνι·

s-339

tlg0008.tlg001.perseus-grc1.12.tb.xml@718

ὕστερον δὲ αὕτη διεφθάρη καταχωσθεῖσα.

s-340

tlg0008.tlg001.perseus-grc1.12.tb.xml@720

Σιληνὸς δ̓ ὁ Καλακτῖνος ἐν τρίτῳ Σικελικῶν περὶ Συρακούσας φησὶν κῆπον εἶναι πολυτελῶς κατεσκευασμένον ὃν καλεῖσθαι Μῦθον, ἐν ᾧ χρηματίζειν Ἱέρωνα τὸν βασιλέα

s-341

tlg0008.tlg001.perseus-grc1.12.tb.xml@721

ἡ δὲ Πανορμῖτις τῆς Σικελίας πᾶσα κῆπος προσαγορεύεται διὰ τὸ πᾶσα εἶναι πλήρης δένδρων ἡμέρων, ὥς φησιν Καλλίας ἐν ὀγδόῃ τῶν περὶ Ἀγαθοκλέα Ἱστοριῶν.

s-342

tlg0008.tlg001.perseus-grc1.12.tb.xml@723

τρυφῆς οὖν δοῦλος ἦν καὶ κακουργίας, διὰ μὲν τῆς χώρας τετρακύκλους ἀπήνας περιαγόμενος καὶ ἵππους καὶ θεράποντας ὡραίους καὶ παραδρομὴν ἀνάγωγον κολάκων τε καὶ παίδων στρατιωτικῶν.

s-343

tlg0008.tlg001.perseus-grc1.12.tb.xml@724

ὕστερον δὲ πανοικίᾳ ἐφυβρίστως κατέστρεψε τὸν βίον ὑπὸ τῶν οἰκετῶν περιυβρισθείς.

s-344

tlg0008.tlg001.perseus-grc1.12.tb.xml@725

Δημήτριος δ̓ ὁ Φαληρεύς, ὥς φησι Δοῦρις ἐν τῇ ἑκκαιδεκάτῃ τῶν Ἱστοριῶν, χιλίων καὶ διακοσίων ταλάντων κατ̓ ἐνιαυτὸν κύριος γενόμενος καὶ ἀπὸ τούτων βραχέα δαπανῶν εἰς τοὺς στρατιώτας καὶ τὴν τῆς πόλεως διοίκησιν τὰ λοιπὰ πάντα διὰ τὴν ἔμφυτον ἀκρασίαν ἠφάνιζεν, θοίνας καθ̓ ἑκάστην ἡμέραν λαμπρὰς ἐπιτελῶν καὶ πλῆθός τι συνδείπνων ἔχων.

s-345

tlg0008.tlg001.perseus-grc1.12.tb.xml@727

ῥάσματά τε μύρων ἔπιπτεν ἐπὶ τὴν γῆν, ἀνθινά τε πολλὰ τῶν ἐδαφῶν ἐν τοῖς ἀνδρῶσιν κατεσκευάζετο διαπεποικιλμένα ὑπὸ δημιουργῶν.

s-346

tlg0008.tlg001.perseus-grc1.12.tb.xml@729

ἐπεμελεῖτο δὲ καὶ τῆς ὄψεως, τήν τε τρίχα τὴν ἐπὶ τῆς κεφαλῆς ξανθιζόμενος καὶ παιδέρωτι τὸ πρόσωπον ὑπαλειφόμενος καὶ τοῖς ἄλλοις ἀλείμμασιν ἐγχρίων ἑαυτόν·

s-347

tlg0008.tlg001.perseus-grc1.12.tb.xml@730

ἠβούλετο γὰρ τὴν ὄψιν ἱλαρὸς καὶ τοῖς ἀπαντῶσιν ἡδὺς φαίνεσθαι.

s-348

tlg0008.tlg001.perseus-grc1.12.tb.xml@731

ἐν δὲ τῇ πομπῇ τῶν Διονυσίων ἣν ἔπεμψεν ἄρχων γενόμενος, ᾖδεν ὁ χορὸς εἰς αὐτὸν ποιήματα Καστορίωνος τοῦ Σολέως, ἐν οἷς ἡλιόμορφος προσηγορεύετο·

s-349

tlg0008.tlg001.perseus-grc1.12.tb.xml@732

ἐξόχως δ̓ εὐγενέτας ἡλιόμορφος ζαθέοις ἄρχων σε τιμαῖσι γεραίρει.

s-350

tlg0008.tlg001.perseus-grc1.12.tb.xml@734

Κασάνδρῳ δὲ γενόμενος φίλος μέγα ἴσχυσεν.

s-351

tlg0008.tlg001.perseus-grc1.12.tb.xml@735

καὶ κατ̓ ἀρχὰς μὲν ἦν αὐτοῦ τὸ ἄριστον ὀξύβαφα παντοδαπὰς ἐλάας ἔχοντα καὶ τυρὸν νησιωτικόν.

s-352

tlg0008.tlg001.perseus-grc1.12.tb.xml@736

ὡς δ̓ ἐπλούτησε, Μοσχίωνα τὸν ἄριστον τῶν τότε μαγείρων καὶ δειπνοποιῶν ἐωνήσατο, καὶ τοσαῦτα ἦν αὐτῷ τὰ ἐν δείπνοις παρασκευαζόμενα καθ̓ ἡμέραν ὥστε χαρισαμένου τῷ Μοσχίωνι τὰ λείψανα Μοσχίων ἐν ἔτεσι δύο τρεῖς συνοικίας ἐωνήσατο παῖδάς τε ἐλευθέρους ὕβριζεν καὶ γυναῖκας τὰς τῶν ἐπιφανεστάτων.

s-353

tlg0008.tlg001.perseus-grc1.12.tb.xml@737

ἐζηλοτύπουν δὲ πάντες οἱ παῖδες τὸν ἐρώμενον αὐτοῦ Δίογνιν·

s-354

tlg0008.tlg001.perseus-grc1.12.tb.xml@738

καὶ τοσοῦτον ἦν τῷ Δημητρίῳ προσελθεῖν ὥστε μετ̓ ἄριστον αὐτοῦ περιπατήσαντος παρὰ τοὺς Τρίποδας συνῆλθον εἰς τὸν τόπον παῖδες οἱ κάλλιστοι ταῖς ἑξῆς ἡμέραις, ἵν̓ ὀφθεῖεν αὐτῷ,

s-355

tlg0008.tlg001.perseus-grc1.12.tb.xml@740

διαβόητος δ̓ ἦν παρὰ Ῥωμαίοις καὶ Σίττιος ἐπὶ τρυφῇ καὶ μαλακίᾳ, ὥς φησι Ῥουτίλιος.

s-356

tlg0008.tlg001.perseus-grc1.12.tb.xml@741

περὶ γὰρ Ἀπικίου προειρήκαμεν.

s-357

tlg0008.tlg001.perseus-grc1.12.tb.xml@742

Παυσανίαν δὲ καὶ Λύσανδρον ἐπὶ τρυφῇ διαβοήτους γενέσθαι σχεδὸν πάντες ἱστοροῦσι.

s-358

tlg0008.tlg001.perseus-grc1.12.tb.xml@743

διόπερ καὶ Ἆγις ἐπὶ Λύσανδρον ἔφη ὅτι δεύτερον τοῦτον ἡ Σπάρτη φέρει Παυσανίαν.

s-359

tlg0008.tlg001.perseus-grc1.12.tb.xml@744

Θεόπομπος δὲ ἐν τῇ δεκάτῃ τῶν Ἑλληνικῶν τἀναντία φησὶ περὶ τοῦ Λυσάνδρου, ὅτι φιλόπονος ἦν καὶ θεραπεύειν δυνάμενος καὶ ἰδιώτας καὶ βασιλεῖς, σώφρων ὢν καὶ τῶν ἡδονῶν ἁπασῶν κρείττων.

s-360

tlg0008.tlg001.perseus-grc1.12.tb.xml@745

γενόμενος γοῦν τῆς Ἑλλάδος σχεδὸν ἁπάσης κύριος ἐν οὐδεμιᾷ φανήσεται τῶν πόλεων οὔτε πρὸς τὰς ἀφροδισίους ἡδονὰς ὁρμήσας οὔτε μέθαις καὶ πότοις ἀκαίροις χρησάμενος.

s-361

tlg0008.tlg001.perseus-grc1.12.tb.xml@746

οὕτω δὲ παρὰ τοῖς ἀρχαίοις τὰ τῆς τρυφῆς καὶ τῆς πολυτελείας ἠσκεῖτο ὡς καὶ Παρράσιόν τὸν Ἐφέσιον ζωγράφον πορφύραν ἀμπέχεσθαι, χρυσοῦν στέφανον ἐπὶ τῆς κεφαλῆς ἔχοντα, ὡς ἱστορεῖ Κλέαρχος ἐν τοῖς Βίοις.

s-362

tlg0008.tlg001.perseus-grc1.12.tb.xml@747

οὗτος γὰρ παρὰ μέλος ὑπὲρ τὴν γραφικὴν τρυφήσας λόγῳ τῆς ἀρετῆς ἀντελαμβάνετο καὶ ἐπέγραφεν τοῖς ὑπ̓ αὐτοῦ ἐπιτελουμένοις ἔργοις·

s-363

tlg0008.tlg001.perseus-grc1.12.tb.xml@748

ἁβροδίαιτος ἀνὴρ ἀρετήν τε σέβων τάδ̓ ἔγραψεν.

s-364

tlg0008.tlg001.perseus-grc1.12.tb.xml@749

καί τις ὑπεραλγήσας ἐπὶ τούτῳ παρέγραψεν ῥαβδοδίαιτος ἀνήρ.

s-365

tlg0008.tlg001.perseus-grc1.12.tb.xml@750

ἐπέγραψεν δ̓ ἐπὶ πολλῶν ἔργων αὐτοῦ καὶ τάδε·

s-366

tlg0008.tlg001.perseus-grc1.12.tb.xml@752

οὐδὲ πατρὸς λαθόμην Εὐήνορος, ὃς ῥὰ μ̓ ἔφυσε γνήσιον, Ἑλλήνων πρῶτα φέροντα τέχνης.

s-367

tlg0008.tlg001.perseus-grc1.12.tb.xml@753

ηὔχησε δ̓ ἀνεμεσήτως ἐν τούτοις·

s-368

tlg0008.tlg001.perseus-grc1.12.tb.xml@754

εἰ καὶ ἄπιστα κλύουσι, λέγω τάδε·

s-369

tlg0008.tlg001.perseus-grc1.12.tb.xml@755

φημὶ γὰρ ἤδη τέχνης εὑρῆσθαι τέρματα τῆσδε σαφῆ χειρὸς ὑφ̓ ἡμετέρης·

s-370

tlg0008.tlg001.perseus-grc1.12.tb.xml@756

ἀνυπέρβλητος δὲ πέπηγεν οὖρος.

s-371

tlg0008.tlg001.perseus-grc1.12.tb.xml@757

ἀμώμητον δ̓ οὐδὲν ἔγεντο βροτοῖς.

s-372

tlg0008.tlg001.perseus-grc1.12.tb.xml@759

ἐφόρει δὲ ὑπὸ τρυφῆς πορφυρίδα καὶ στρόφιον λευκὸν ἐπὶ τῆς κεφαλῆς εἶχεν σκίπωνί τε ἐπεστηρίζετο χρυσᾶς ἕλικας ἐμπεπαισμένῳ χρυσοῖς τε ἀνασπαστοῖς ἐπέσφιγγε τῶν βλαυτῶν τοὺς ἀναγωγέας.

s-373

tlg0008.tlg001.perseus-grc1.12.tb.xml@760

ἀλλ̓ οὐδὲ τὰ κατὰ τήν τέχνην ἀηδῶς ἐποιεῖτο ἀλλὰ ῥᾳδίως, ὡς καὶ ᾄδειν γράφοντα, ὡς ἱστορεῖ Θεόφραστος ἐν τῷ περὶ Εὐδαιμονίας·

s-374

tlg0008.tlg001.perseus-grc1.12.tb.xml@761

τερατευόμενος δὲ ἔλεγεν, ὅτε τὸν ἐν Λίνδῳ Ἡρακλέα ἔγραφεν, ὡς ὄναρ αὐτῷ ἐπιφαινόμενος ὁ θεὸς σχηματίζοι αὑτὸν πρὸς τὴν τῆς γραφῆς ἐπιτηδειότητα.

s-375

tlg0008.tlg001.perseus-grc1.12.tb.xml@762

ὅθεν καὶ ἐπέγραψεν τῷ πίνακι·

s-376

tlg0008.tlg001.perseus-grc1.12.tb.xml@763

οἷος δ̓ ἐννύχιος φαντάζετο πολλάκι φοιτῶν Παρρασίῳ δἰ ὕπνου, τοῖος ὅδ̓ ἐστὶν ὁρᾶν.

s-377

tlg0008.tlg001.perseus-grc1.12.tb.xml@767

ὁποῖον καὶ οἱ τρυφῶντες πάσχουσι τὸ παρὸν εὖ ποιεῖν ἀξιοῦντες.

s-378

tlg0008.tlg001.perseus-grc1.12.tb.xml@769

Λαίδα γοῦν ἀναφανδὸν εἶχε τὴν ἑταίραν καὶ ταῖς Διονυσίου πολυτελείαις ἔχαιρεν καίτοι πολλάκις ἐνυβριζόμενος.

s-379

tlg0008.tlg001.perseus-grc1.12.tb.xml@770

Ἡγήσανδρος γοῦν φησιν ὡς καὶ ἀδόξου ποτὲ κλισίας παῤ αὐτῷ τυχὼν ἤνεγκεν ἐρωτήσαντός τε τοῦ Διονυσίου τί φαίνεται ἡ κατάκλισις πρὸς τὴν χθὲς ἔφησεν παραπλησίαν εἶναι.

s-380

tlg0008.tlg001.perseus-grc1.12.tb.xml@772

καὶ ἐν ἄλλοις δὲ φησιν ὁ Ἡγήσανδρος·

s-381

tlg0008.tlg001.perseus-grc1.12.tb.xml@773

Ἀρίστιππος ῥαινόμενος μὲν ὑπὸ τῶν τοῦ Διονυσίου θεραπόντων, σκωπτόμενος δ̓ ἐπὶ τῷ ἀνέχεσθαι ὑπ̓ Ἀντιφῶντος, εἰ δ̓ ἁλιευόμενος ἐτύγχανον ἔφη, καταλιπὼν τὴν ἐργασίαν ἂν ἀπῆλθον;

s-382

tlg0008.tlg001.perseus-grc1.12.tb.xml@774

διέτριβεν δ̓ ὁ Ἀρίστιππος τὰ πολλὰ ἐν Αἰγίνῃ τρυφῶν·

s-383

tlg0008.tlg001.perseus-grc1.12.tb.xml@775

διὸ καὶ ὁ Ξενοφῶν ἐν τοῖς Ἀπομνημονεύμασί φησιν ὅτι πολλάκις ἐνουθέτει αὐτὸν ὁ Σωκράτης καὶ τὴν ἠθοποιίαν πλάσας τῆς Ἀρετῆς καὶ τῆς Ἡδονῆς εἰσῆγεν.

s-384

tlg0008.tlg001.perseus-grc1.12.tb.xml@776

ὁ δ̓ Ἀρίστιππος ἐπὶ τῆς Λαίδος ἔλεγεν ἔχω καὶ οὐκ ἔχομαι.

s-385

tlg0008.tlg001.perseus-grc1.12.tb.xml@777

καὶ παρὰ Διονυσίῳ διηνέχθη τισὶ περὶ τῆς ἐκλογῆς τῶν τριῶν γυναικῶν.

s-386

tlg0008.tlg001.perseus-grc1.12.tb.xml@780

κωμῳδῶν δὲ αὐτὸν Ἄλεξις ἐν Γαλατείᾳ ποιεῖ τινα θεράποντα διηγούμενον περί τινος τῶν μαθητῶν τάδε·

s-387

tlg0008.tlg001.perseus-grc1.12.tb.xml@781

ὁ δεσπότης οὑμὸς περὶ λόγους γάρ ποτε διέτριψε μειρακίσκος ὢν καὶ φιλοσοφεῖν ἐπέθετο.

s-388

tlg0008.tlg001.perseus-grc1.12.tb.xml@784

Ἀντιφάνης δ̓ ἐν Ἀνταίῳ περὶ τῆς τῶν φιλοσόφων τρυφερότητος διαλεγόμενός φησιν·

s-389

tlg0008.tlg001.perseus-grc1.12.tb.xml@786

ὦ τάν, κατανοεῖς τίς ποτ̓ ἐστὶν οὑτοσὶ ὁ γέρων;

s-390

tlg0008.tlg001.perseus-grc1.12.tb.xml@790

ὅλως αὐτὴν ὁρᾶν γὰρ τὴν Ἀκαδημίαν δοκῶ.

s-391

tlg0008.tlg001.perseus-grc1.12.tb.xml@791

Ἀριστόξενος δ̓ ὁ μουσικὸς ἐν τῷ Ἀρχύτα βίῳ ἀφικέσθαι φησὶ παρὰ Διονυσίου τοῦ νεωτέρου πρεσβευτὰς πρὸς τὴν Ταραντίνων πόλιν, ἐν οἷς εἶναι καὶ πολύαρχον τὸν ἡδυπαθῆ ἐπικαλούμενον, ἄνδρα περὶ τὰς σωματικὰς ἡδονὰς ἐσπουδακότα καὶ οὐ μόνον τῷ ἔργῳ ἀλλὰ καὶ τῷ λόγῳ.

s-392

tlg0008.tlg001.perseus-grc1.12.tb.xml@794

ἐμοὶ μέν, ὦ ἄνδρες, πολλάκις ἤδη πέφηνεν ἐπισκοποῦντι κομιδῇ ἄτοπον τὸ τῶν ἀρετῶν τούτων κατασκεύασμα καὶ πολὺ τῆς φύσεως ἀφεστηκὸς εἶναι.

s-393

tlg0008.tlg001.perseus-grc1.12.tb.xml@795

ἡ γὰρ φύσις ὅταν φθέγγηται τὴν ἑαυτῆς φωνήν, ἀκολουθεῖν κελεύει ταῖς ἡδοναῖς καὶ τοῦτό φησιν εἶναι νοῦν ἔχοντος·

s-394

tlg0008.tlg001.perseus-grc1.12.tb.xml@798

προφέρειν δ̓ ἔξεστι νῦν μὲν τοὺς Περσῶν βασιλεῖς καὶ εἲ τίς που τυραννίδος ἀξιολόγου κύριος ὢν τυγχάνει·

s-395

tlg0008.tlg001.perseus-grc1.12.tb.xml@800

οἷς οὐδὲν γένος ἡδονῆς ἀζήτητον γενέσθαι, ἀλλὰ καὶ δῶρα παρὰ τοῖς Πέρσαις προκεῖσθαι λέγεται τοῖς δυναμένοις ἐξευρίσκειν καινὴν ἡδονὴν·

s-396

tlg0008.tlg001.perseus-grc1.12.tb.xml@803

ὥστε ἐπεὶ μεγάλην ἔχει δύναμιν ἡ καινότης πρὸς τὸ μείζω φανῆναι τὴν ἡδονήν, οὐκ ὀλιγωρητέον, ἀλλὰ πολλὴν ἐπιμέλειαν αὐτῆς ποιητέον.

s-397

tlg0008.tlg001.perseus-grc1.12.tb.xml@808

πλεῖσται γάρ εἰσιν αὐτῷ καὶ τελειόταται παρεσκευασμέναι ἡδοναί.

s-398

tlg0008.tlg001.perseus-grc1.12.tb.xml@809

δεύτερον δέ, φησί, τὸν ἡμέτερον τύραννον θείη τις ἂν καίπερ πολὺ λειπόμενον.

s-399

tlg0008.tlg001.perseus-grc1.12.tb.xml@810

ἐκείνῳ μὲν γὰρ ἥ τε Ἀσία ὅλη χορηγεῖ..., τὸ δὲ Διονυσίου χορηγεῖον παντελῶς ἂν εὐτελές τι φανείη πρὸς ἐκεῖνο συγκρινόμενον.

s-400

tlg0008.tlg001.perseus-grc1.12.tb.xml@813

αὕτη δ̓ ἐστὶν ἡ τῶν σωματικῶν ἡδονῶν ἀπόλαυσις.