Universal Dependencies - Ancient Greek - Perseus

s-201

tlg0008.tlg001.perseus-grc1.12.tb.xml@511

ἅπασι γάρ εἰσι χαλεποί·

s-202

tlg0008.tlg001.perseus-grc1.12.tb.xml@513

καὶ περὶ τοῦ Χάρητος ἐν τῇ πέμπτῃ καὶ τεσσαρακοστῇ φησιν·

s-203

tlg0008.tlg001.perseus-grc1.12.tb.xml@519

ἀφ̓ ὧν ἐδείπνισεν Ἀθηναίους ἐν τῇ ἀγορᾷ θύσας τὰ ἐπινίκια τῆς γενομένης μάχης πρὸς τοὺς Φιλίππου ξένους.

s-204

tlg0008.tlg001.perseus-grc1.12.tb.xml@520

ὧν ἡγεῖτο μὲν Ἀδαῖος ὁ Ἀλεκτρυὼν ἐπικαλούμενος·

s-205

tlg0008.tlg001.perseus-grc1.12.tb.xml@521

περὶ οὗ καὶ Ἡρακλείδης ὁ τῶν κωμῳδιῶν ποιητὴς μέμνηται οὕτως·

s-206

tlg0008.tlg001.perseus-grc1.12.tb.xml@522

Αλεκτρυόνα τὸν τοῦ Φιλίππου παραλαβὼν ἀωρὶ κοκκύζοντα καὶ πλανώμενον κατέκοψεν·

s-207

tlg0008.tlg001.perseus-grc1.12.tb.xml@523

οὐ γὰρ εἶχεν οὐδέπω λόφον.

s-208

tlg0008.tlg001.perseus-grc1.12.tb.xml@524

ἕνα κατακόψας μάλα συχνοὺς ἐδείπνισεν Χάρης Ἀθηναίων τόθ̓·

s-209

tlg0008.tlg001.perseus-grc1.12.tb.xml@525

ὡς γενναῖος ἦν.

s-210

tlg0008.tlg001.perseus-grc1.12.tb.xml@526

τὰ αὐτὰ ἱστορεῖ καὶ Δοῦρις.

s-211

tlg0008.tlg001.perseus-grc1.12.tb.xml@527

Ἰδομενεὺς δέ φησι καὶ τοὺς Πεισιστρατίδας Ἱππίαν καὶ Ἵππαρχον εὑρεῖν θαλίας καὶ κώμους·

s-212

tlg0008.tlg001.perseus-grc1.12.tb.xml@530

καίτοι ὁ πατὴρ αὐτῶν Πεισίστρατος μετρίως ἐχρῆτο ταῖς ἡδοναῖς·

s-213

tlg0008.tlg001.perseus-grc1.12.tb.xml@531

ὥστε οὐδ̓ ἐν τοῖς χωρίοις οὐδ̓ ἐν τοῖς κήποις φύλακας ἐφίστα, ὡς Θεόπομπος ἱστορεῖ ἐν τῇ πρώτῃ καὶ εἰκοστῇ, ἀλλ̓ εἴα τὸν βουλόμενον εἰσιόντα ἀπολαύειν καὶ λαμβάνειν ὧν δεηθείη·

s-214

tlg0008.tlg001.perseus-grc1.12.tb.xml@532

ὅπερ ὕστερον ἐποίησε καὶ κίμων μιμησάμενος ἐκεῖνον.

s-215

tlg0008.tlg001.perseus-grc1.12.tb.xml@533

περὶ οὗ καὶ αὐτοῦ ἱστορῶν ἐν τῇ δεκάτῃ τῶν Φιλιππικῶν ὁ Θεόπομπός φησι·

s-216

tlg0008.tlg001.perseus-grc1.12.tb.xml@534

Κίμων ὁ Ἀθηναῖος ἐν τοῖς ἀγροῖς καὶ τοῖς κήποις οὐδένα τοῦ καρποῦ καθίστα φύλακα, ὅπως οἱ βουλόμενοι τῶν πολιτῶν εἰσιόντες ὀπωρίζωνται καὶ λαμβάνωσιν εἴ τινος δέοιντο τῶν ἐν τοῖς χωρίοις.

s-217

tlg0008.tlg001.perseus-grc1.12.tb.xml@535

ἔπειτα τὴν οἰκίαν παρεῖχε κοινὴν ἅπασι·

s-218

tlg0008.tlg001.perseus-grc1.12.tb.xml@537

ἐθεράπευεν δὲ καὶ τοὺς καθ̓ ἑκάστην ἡμέραν αὐτοῦ τι δεομένους, καὶ λέγουσιν ὡς περιήγετο μὲν ἀεὶ νεανίσκους δύ̓ ἢ τρεῖς ἔχοντας κέρματα τούτοις τε διδόναι προσέταττεν, ὁπότε τις προσέλθοι αὐτῷ δεόμενος.

s-219

tlg0008.tlg001.perseus-grc1.12.tb.xml@538

καί φασι μὲν αὐτὸν καὶ εἰς ταφὴν εἰσφέρειν.

s-220

tlg0008.tlg001.perseus-grc1.12.tb.xml@540

ἐκ δὴ τούτων ἁπάντων ηὐδοκίμει καὶ πρῶτος ἦν τῶν πολιτῶν.

s-221

tlg0008.tlg001.perseus-grc1.12.tb.xml@542

Περικλέα δὲ τὸν Ὀλύμπιόν φησιν Ἡρακλείδης ὁ Ποντικὸς ἐν τῷ περὶ Ἡδονῆς ὡς ἀπήλλαξεν ἐκ τῆς οἰκίας τὴν γυναῖκα καὶ τὸν μεθ̓ ἡδονῆς βίον προείλετο ᾤκει τε μετ̓ Ἀσπασίας τῆς ἐκ Μεγάρων ἑταίρας καὶ τὸ πολὺ μέρος τῆς οὐσίας εἰς ταύτην κατανάλωσε.

s-222

tlg0008.tlg001.perseus-grc1.12.tb.xml@543

Θεμιστοκλῆς δὲ οὔπω Ἀθηναίων μεθυσκομένων οὐδ̓ ἑταίραις χρωμένων ἐκφανῶς τέθριππον ζεύξας ἑταιρίδων διὰ τοῦ Κεραμεικοῦ πληθύοντος ἑωθινὸς ἤλασεν.

s-223

tlg0008.tlg001.perseus-grc1.12.tb.xml@545

Πόσσις δ̓ ἐν τρίτῳ Μαγνητικῶν τὸν Θεμιστοκλέα φησὶν ἐν Μαγνησίᾳ τὴν στεφανηφόρον ἀρχὴν ἀναλαβόντα θῦσαι Ἀθηνᾷ καὶ τὴν ἑορτὴν Παναθήναια ὀνομάσαι καὶ Διονύσῳ Χοοπότῃ θυσιάσαντα καὶ τὴν Χοῶν ἑορτὴν αὐτόθι καταδεῖξαι.

s-224

tlg0008.tlg001.perseus-grc1.12.tb.xml@548

καὶ γὰρ Ἀνακρέων αὐτὸν ἐκ πενίας εἰς τρυφὴν ὁρμῆσαί φησιν ἐν τούτοις·

s-225

tlg0008.tlg001.perseus-grc1.12.tb.xml@550

νῦν δ̓ ἐπιβαίνει σατινέων, χρύσεα φορέων καθέρματα, πάις Κύκης, καὶ σκιαδίσκην ἐλεφαντίνην φορεῖ γυναιξὶν αὕτως

s-226

tlg0008.tlg001.perseus-grc1.12.tb.xml@553

κάλλιστος δὲ ὢν τὴν μορφὴν κόμην τε ἔτρεφεν ἐπὶ πολὺ τῆς ἡλικίας καὶ ὑποδήματα παρηλλαγμένα ἐφόρει, ἃ ἀπ̓ αὐτοῦ Ἀλκιβιάδες καλεῖται.

s-227

tlg0008.tlg001.perseus-grc1.12.tb.xml@554

ὅτε δὲ χορηγοίη πομπεύων ἐν πορφυρίδι εἰσιὼν εἰς τὸ θέατρον, ἐθαυμάζετο οὐ μόνον ὑπὸ τῶν ἀνδρῶν ἀλλὰ καὶ ὑπὸ τῶν γυναικῶν.

s-228

tlg0008.tlg001.perseus-grc1.12.tb.xml@555

διὸ καὶ Ἀντισθένης ὁ Σωκρατικὸς ὡς δὴ αὐτὸς αὐτόπτης γεγονὼς τοῦ Ἀλκιβιάδου ἰσχυρὸν αὐτὸν καὶ ἀνδρώδη καὶ εὐπαίδευτον καὶ τολμηρὸν καὶ ὡραῖον ἐφ̓ ἡλικίας πάσης γενέσθαι φησίν.

s-229

tlg0008.tlg001.perseus-grc1.12.tb.xml@557

σκηνὴν μὲν γὰρ αὐτῷ Περσικὴν ἔπησσον Ἐφέσιοι, τροφὴν δὲ τοῖς ἵπποις αὐτοῦ Χῖοι παρεῖχον, ἱερεῖα δὲ παρίστασαν εἰς τὰς θυσίας καὶ κρεανομίας Κυζικηνοί, Λέσβιοι δὲ οἶνον παρεῖχον καὶ τὰ ἄλλα τὰ πρὸς τὴν καθ̓ ἡμέραν δίαιταν.

s-230

tlg0008.tlg001.perseus-grc1.12.tb.xml@558

ἀφικόμενος δ̓ Ἀθήνησιν ἐξ Ὀλυμπίας δύο πίνακας ἀνέθηκεν, Ἀγλαοφῶντος γραφὴν·

s-231

tlg0008.tlg001.perseus-grc1.12.tb.xml@560

καὶ στρατηγῶν δὲ ἔτι καλὸς εἶναι ἤθελεν·

s-232

tlg0008.tlg001.perseus-grc1.12.tb.xml@561

ἀσπίδα γοῦν εἶχεν ἐκ χρυσοῦ καὶ ἐλέφαντος πεποιημένην, ἐφ̓ ἧς ἦν ἐπίσημον Ἔρως κεραυνὸν ἠγκυλημένος.

s-233

tlg0008.tlg001.perseus-grc1.12.tb.xml@563

εἶθ̓ οὕτω φιλοφρονησάμενος τὸν Ἄνυτον ἀπηλλάσσετο.

s-234

tlg0008.tlg001.perseus-grc1.12.tb.xml@565

ἔχων γὰρ ἐξουσίαν ἅπαντα λαβεῖν τὰ ἡμίση κατέλιπεν.

s-235

tlg0008.tlg001.perseus-grc1.12.tb.xml@566

Λυσίας δὲ ὁ ῥήτωρ περὶ τῆς τρυφῆς αὐτοῦ λέγων φησὶν·

s-236

tlg0008.tlg001.perseus-grc1.12.tb.xml@568

ἔπειτα αὐτοῖν γίνεται θυγάτηρ, ἣν οὐκ ἔφαντο δύνασθαι γνῶναι ὁποτέρου εἴη.

s-237

tlg0008.tlg001.perseus-grc1.12.tb.xml@569

ἐπεὶ δὲ ἦν ἀνδρὸς ὡραία, ξυνεκοιμῶντο καὶ ταύτῃ, καὶ εἰ μὲν χρῷτο καὶ ἔχοι Ἀλκιβιάδης, Ἀξιόχου ἔφασκεν εἶναι θυγατέρα·

s-238

tlg0008.tlg001.perseus-grc1.12.tb.xml@572

Ἀλκιβιάδης ἐκ τῶν γυναικῶν ἐξίτω.

s-239

tlg0008.tlg001.perseus-grc1.12.tb.xml@574

τί ληρεῖς;

s-240

tlg0008.tlg001.perseus-grc1.12.tb.xml@575

οὐκ οἴκαδ̓ ἐλθὼν τὴν σεαυτοῦ γυμνάσεις δάμαρτα;

s-241

tlg0008.tlg001.perseus-grc1.12.tb.xml@576

καὶ Φερεκράτης δέ φησιν·

s-242

tlg0008.tlg001.perseus-grc1.12.tb.xml@577

οὐκ ὢν ἀνὴρ γὰρ Ἀλκιβιάδης, ὡς δοκεῖν, ἀνὴρ ἁπασῶν τῶν γυναικῶν ἐστι νῦν.

s-243

tlg0008.tlg001.perseus-grc1.12.tb.xml@580

στρατηγῶν δὲ συμπεριήγετο αὑτῷ τήν τε Λαίδος τῆς Κορινθίας μητέρα Τιμάνδραν καὶ Θεοδότην τὴν Ἀττικὴν ἑταίραν.

s-244

tlg0008.tlg001.perseus-grc1.12.tb.xml@582

ἡ δὲ τριήρης ἐφ̓ ἧς αὐτὸς κατέπλει μέχρι μὲν τῶν κλείθρων τοῦ Πειραιέως προέτρεχεν ἁλουργοῖς ἱστίοις·

s-245

tlg0008.tlg001.perseus-grc1.12.tb.xml@584

διὸ καὶ χαριέντως εἶπέν τις·

s-246

tlg0008.tlg001.perseus-grc1.12.tb.xml@587

Δοῦρις δ̓ ἐν τῇ δευτέρᾳ καὶ εἰκοστῇ τῶν Ἱστοριῶν Παυσανίας μὲν, φησίν, ὁ τῶν Σπαρτιατῶν βασιλεὺς καταθέμενος τὸν πάτριον τρίβωνα τὴν Περσικὴν ἐνεδύετο στολήν.

s-247

tlg0008.tlg001.perseus-grc1.12.tb.xml@589

Ἀλέξανδρος δ̓ ὡς τῆς Ἀσίας ἐκυρίευσεν Περσικαῖς ἐχρῆτο στολαῖς.

s-248

tlg0008.tlg001.perseus-grc1.12.tb.xml@590

Δημήτριος δὲ πάντας ὑπερέβαλεν·

s-249

tlg0008.tlg001.perseus-grc1.12.tb.xml@591

τὴν μὲν γὰρ ὑπόδεσιν ἣν εἶχεν κατεσκεύαζεν ἐκ πολλοῦ δαπανήματος·

s-250

tlg0008.tlg001.perseus-grc1.12.tb.xml@592

ἦν γὰρ κατὰ μὲν τὸ σχῆμα τῆς ἐργασίας σχεδὸν ἐμβάτης πίλημα λαμβάνων τῆς πολυτελεστάτης πορφύρας·

s-251

tlg0008.tlg001.perseus-grc1.12.tb.xml@593

τούτῳ δὲ χρυσοῦ πολλὴν ἐνύφαινον ποικιλίαν ὀπίσω καὶ ἔμπροσθεν ἐνιέντες οἱ τεχνῖται.

s-252

tlg0008.tlg001.perseus-grc1.12.tb.xml@594

αἱ δὲ χλαμύδες αὐτοῦ ἦσαν ὄρφνινον ἔχουσαι τὸ φέγγος τῆς χρόας, τὸ δὲ πᾶν ἐνύφαντο χρυσοῦς ἀστέρας ἔχον καὶ τὰ δώδεκα ζῴδια.

s-253

tlg0008.tlg001.perseus-grc1.12.tb.xml@596

γινομένων δὲ τῶν Δημητρίων Ἀθήνησιν ἐγράφετο ἐπὶ τοῦ προσκηνίου ἐπὶ τῆς Οἰκουμένης ὀχούμενος.

s-254

tlg0008.tlg001.perseus-grc1.12.tb.xml@598

μνᾶμ̓ ἀρετᾶς ἀνέθηκε Ποσειδάωνι ἄνακτι Παυσανίας, ἄρχων Ἑλλάδος εὐρυχόρου, πόντου ἐπ̓ Εὐξείνου, Λακεδαιμόνιος γένος, υἱὸς Κλεομβρότου, ἀρχαίας Ἡρακλέος γενεᾶς.

s-255

tlg0008.tlg001.perseus-grc1.12.tb.xml@599

ἐτρύφησεν δὲ καὶ Φάραξ ὁ Λακεδαιμόνιος, ὡς Θεόπομπος ἐν τῇ τεσσαρακοστῇ ἱστορεῖ·

s-256

tlg0008.tlg001.perseus-grc1.12.tb.xml@603

καὶ Ταραντίνων πρεσβευσαμένων περὶ συμμαχίας ἔσπευσε συνεξελθεῖν αὐτοῖς βοηθός·

s-257

tlg0008.tlg001.perseus-grc1.12.tb.xml@604

κἀκεῖ γενόμενος καὶ ἐν τῷ πολέμῳ ἀποθανὼν οὐδὲ ταφῆς κατηξιώθη, καίτοι Ταραντίνων πολλὰ χρήματα ὑποσχομένων τοῖς πολεμίοις ὑπὲρ τοῦ ἀνελέσθαι αὐτοῦ τὸ σῶμα.

s-258

tlg0008.tlg001.perseus-grc1.12.tb.xml@605

Φύλαρχος δὲ ἐν τῇ ι τῶν Ἱστοριῶν Θρᾳκῶν φησι τῶν καλουμένων Κροβύζων βασιλέα γενέσθαι Ἰσάνθην, τρυφῇ πάντας τοὺς καθ̓ ἑαυτὸν ὑπερβαλλόμενον.

s-259

tlg0008.tlg001.perseus-grc1.12.tb.xml@606

ἦν δὲ καὶ πλούσιος καὶ καλός.

s-260

tlg0008.tlg001.perseus-grc1.12.tb.xml@608

κατατεινόμενον οὖν ὑπὸ ποδάγρας πλείους ἡμέρας, ὣς ποτ̓ οὖν ἐρράισεν καὶ κατεῖδεν διά τινων ὑπολαμπάδων τοὺς Αἰγυπτίους παρὰ τὸν ποταμὸν ἀριστοποιουμένους καὶ τὰ τυχόντα προσφερομένους ἐπί τε τῆς ἄμμου χύδην ἐρριμμένους, εἶπεν·

s-261

tlg0008.tlg001.perseus-grc1.12.tb.xml@610

περὶ δὲ Καλλίου καὶ τῶν τούτου κολάκων φθάνομεν καὶ πρότερον εἰπόντες·

s-262

tlg0008.tlg001.perseus-grc1.12.tb.xml@611

ἀλλ̓ ἐπεὶ καινῶς Ἡρακλείδης ὁ Ποντικὸς ἐν τῷ περὶ Ἡδονῆς ἱστορεῖ περὶ αὐτοῦ, ἄνωθεν ἀναλαβὼν διηγήσομαι.

s-263

tlg0008.tlg001.perseus-grc1.12.tb.xml@612

ὅτε τὸ πρῶτον εἰς Εὔβοιαν ἐστράτευσαν οἱ Πέρσαι, τότε, ὥς φασιν, Ἐρετριεὺς ἀνὴρ Διόμνηστος κύριος ἐγένετο τῶν τοῦ στρατηγοῦ χρημάτων,.

s-264

tlg0008.tlg001.perseus-grc1.12.tb.xml@613

ἔτυχεν γὰρ ἐν τῷ ἀγρῷ τῷ ἐκείνου σκηνῶν καὶ τὰ χρήματα εἰς οἴκημά τι θέμενος τῆς οἰκίας.

s-265

tlg0008.tlg001.perseus-grc1.12.tb.xml@614

τελευτησάντων δὲ πάντων διέλαθεν ἔχων ὁ Διόμνηστος τὸ χρυσίον.

s-266

tlg0008.tlg001.perseus-grc1.12.tb.xml@615

ἐπεὶ δὲ πάλιν ὁ τῶν Περσῶν βασιλεὺς ἀπέστειλεν εἰς τὴν Ἐρέτριαν στράτευμα, προστάξας ἀνάστατον ποιῆσαι τὴν πόλιν, εἰκότως ὑπεξετίθεντο ὅσοι χρημάτων ηὐπόρουν.

s-267

tlg0008.tlg001.perseus-grc1.12.tb.xml@617

ὥστε Ἱππόνικος ὁ ἀπ̓ ἐκείνου γεγονὼς τοῦ τὴν παρακαταθήκην λαβόντος ᾔτησεν Ἀθηναίους ποτὲ ἐν ἀκροπόλει τόπον ἵν̓ οἰκοδομήσηται τοῖς χρήμασιν ὅπου κείσεται, λέγων ὡς οὐκ ἀσφαλὲς ἐν ἰδιωτικῇ οἰκίᾳ πολλὰ χρήματα εἶναι.

s-268

tlg0008.tlg001.perseus-grc1.12.tb.xml@618

καὶ ἔδοσαν Ἀθηναῖοι·

s-269

tlg0008.tlg001.perseus-grc1.12.tb.xml@619

νουθετηθεὶς δ̓ ὑπὸ τῶν φίλων μετενόησεν.

s-270

tlg0008.tlg001.perseus-grc1.12.tb.xml@621

τὸν δὲ Νικίου, φησί, τοῦ Περγασῆθεν πλοῦτον ἢ τὸν Ἰσχομάχου τίνες ἀπώλεσαν;

s-271

tlg0008.tlg001.perseus-grc1.12.tb.xml@623

περὶ δὲ τῆς Ἀλεξάνδρου τοῦ πάνυ τρυφῆς Ἔφιππος μὲν ὁ Ὀλύνθιος ἐν τῷ περὶ τῆς Ἡφαιστίωνος καὶ Ἀλεξάνδρου Τελευτῆς φησιν ὅτι ἐν τῷ παραδείσω ἔκειτο αὐτῷ χρυσοῦς θρόνος καὶ κλῖναι ἀργυρόποδες, ἐφ̓ ὧν καθεζόμενος ἐχρημάτιζε μετὰ τῶν ἑταίρων.

s-272

tlg0008.tlg001.perseus-grc1.12.tb.xml@624

Νικοβούλη δέ φησιν ὅτι παρὰ τὸ δεῖπνον πάντες οἱ ἀγωνισταὶ ἐσπούδαζον τέρπειν τὸν βασιλέα καὶ ὅτι ἐν τῷ τελευταίῳ δείπνῳ αὐτὸς ὁ Ἀλέξανδρος ἐπεισόδιόν τι μνημονεύσας ἐκ τῆς Εὐριπίδου Ἀνδρομέδας ἠγωνίσατο καὶ τὸν ἄκρατον προθύμως προπίνων καὶ τοὺς ἄλλους ἠνάγκαζεν.

s-273

tlg0008.tlg001.perseus-grc1.12.tb.xml@628

ἔρρανε δὲ ὁ Ἀλέξανδρος καὶ μύρῳ σπουδαίῳ καὶ οἴνῳ εὐώδει τὸ δάπεδον.

s-274

tlg0008.tlg001.perseus-grc1.12.tb.xml@629

ἐθυμιᾶτο δὲ αὐτῷ σμύρνα καὶ τὰ ἄλλα θυμιάματα·

s-275

tlg0008.tlg001.perseus-grc1.12.tb.xml@630

εὐφημία τε καὶ σιγὴ κατεῖχε πάντας ὑπὸ δέους τοὺς παρόντας.

s-276

tlg0008.tlg001.perseus-grc1.12.tb.xml@631

ἀφόρητος γὰρ ἦν καὶ φονικός.

s-277

tlg0008.tlg001.perseus-grc1.12.tb.xml@632

ἐδόκει γὰρ εἶναι μελαγχολικός.

s-278

tlg0008.tlg001.perseus-grc1.12.tb.xml@633

ἐν Ἐκβατάνοις δὲ ποιήσας τῷ Διονύσῳ θυσίαν καὶ πάντων δαψιλῶς ἐν τῇ θοίνῃ παρασκευασθέντων, καὶ Σατραβάτης ὁ σατράπης τοὺς στρατιώτας εἱστίασε πάντας.

s-279

tlg0008.tlg001.perseus-grc1.12.tb.xml@634

ἀθροισθέντων δὲ πολλῶν ἐπὶ τὴν θέαν, φησὶν ὁ Ἔφιππος, κηρύγματα ἐγίνετο ὑπερήφανα καὶ τῆς Περσικῆς ὑπεροψίας αὐθαδέστερα.

s-280

tlg0008.tlg001.perseus-grc1.12.tb.xml@636

Χάρης δ̓ ἐν τῇ δεκάτῃ τῶν περὶ Ἀλέξανδρον Ἱστοριῶν ὅτε, φησίν, εἷλε Δαρεῖον, γάμους συνετέλεσεν ἑαυτοῦ τε καὶ τῶν ἄλλων φίλων, ἐνενήκοντα καὶ δύο θαλάμους κατασκευασάμενος ἐν τῷ αὐτῷ τόπῳ.

s-281

tlg0008.tlg001.perseus-grc1.12.tb.xml@637

ἦν δὲ ὁ οἶκος ἑκατοντάκλινος, ἐν ᾧ ἑκάστη ἦν κλίνη κεκοσμημένη στολῇ γαμικῇ εἴκοσι μνῶν ἀργυρᾶ·

s-282

tlg0008.tlg001.perseus-grc1.12.tb.xml@638

ἡ δὲ αὐτοῦ χρυσόπους ἦν.

s-283

tlg0008.tlg001.perseus-grc1.12.tb.xml@641

τοῦ δὲ μένειν τὴν σκηνὴν ὑπέκειντο κίονες εἰκοσαπήχεις περίχρυσοι καὶ διάλιθοι καὶ περιάργυροι.

s-284

tlg0008.tlg001.perseus-grc1.12.tb.xml@642

περιεβέβληντο δὲ ἐν τῷ περιβόλῳ πολυτελεῖς αὐλαῖαι ζῳωτοὶ καὶ διάχρυσοι, κανόνας ἔχουσαι περιχρύσους καὶ περιαργύρους.

s-285

tlg0008.tlg001.perseus-grc1.12.tb.xml@643

τῆς δ̓ αὐλῆς ἦν τὸ περίμετρον στάδιοι τέσσαρες.

s-286

tlg0008.tlg001.perseus-grc1.12.tb.xml@646

μεθ̓ οὓς ἐπεδείξατο ῥαψῳδὸς Ἄλεξις Ταραντῖνος.

s-287

tlg0008.tlg001.perseus-grc1.12.tb.xml@647

παρῆλθον δὲ καὶ ψιλοκιθαρισταὶ Κρατῖνος Μηθυμναῖος, Ἀριστώνυμος Ἀθηναῖος, Ἀθηνόδωρος Τήιος·

s-288

tlg0008.tlg001.perseus-grc1.12.tb.xml@648

ἐκιθαρῴδησαν δὲ Ἡράκλειτός τε ὁ Ταραντῖνος καὶ Ἀριστοκράτης ὁ Θηβαῖος.

s-289

tlg0008.tlg001.perseus-grc1.12.tb.xml@649

αὐλῳδοὶ δὲ παρῆλθον Διονύσιος ὁ Ἡρακλεώτης, Ὑπέρβολος Κυζικηνός·

s-290

tlg0008.tlg001.perseus-grc1.12.tb.xml@651

καὶ ἔκτοτε οἱ πρότερον καλούμενοι Διονυσοκόλακες Ἀλεξανδροκόλακες ἐκλήθησαν διὰ τὰς τῶν δώρων ὑπερβολάς, ἐφ̓ οἷς καὶ ἥσθη ὁ Ἀλέξανδρος.

s-291

tlg0008.tlg001.perseus-grc1.12.tb.xml@652

ὑπεκρίθησαν δὲ τραγῳδοὶ μὲν Θεσσαλὸς καὶ Ἀθηνόδωρος καὶ Ἀριστόκριτος, κωμῳδοὶ δὲ Λύκων καὶ Φορμίων καὶ Ἀρίστων,.

s-292

tlg0008.tlg001.perseus-grc1.12.tb.xml@653

παρῆν δὲ καὶ Φασίμηλος ὁ ψάλτης.

s-293

tlg0008.tlg001.perseus-grc1.12.tb.xml@654

οἱ δὲ πεμφθέντες, φησί, στέφανοι ὑπὸ τῶν πρεσβευτῶν καὶ τῶν λοιπῶν ταλάντων ἦσαν μυρίων πεντακισχιλίων.

s-294

tlg0008.tlg001.perseus-grc1.12.tb.xml@656

Κλέαρχος δ̓ ἐν τοῖς περὶ Βίων περὶ Δαρείου λέγων τοῦ καθαιρεθέντος ὑπὸ τοῦ Ἀλεξάνδρου φησὶν·

s-295

tlg0008.tlg001.perseus-grc1.12.tb.xml@657

ὁ Περσῶν βασιλεὺς ἀθλοθετῶν τοῖς τὰς ἡδονὰς αὐτῷ πορίζουσιν ὑπὸ πάντων τῶν ἡδέων ἡττωμένην ἀπέδειξε τὴν βασιλείαν καὶ καταγωνιζόμενος ἑαυτὸν οὐκ ᾔσθετο πρότερον ἢ τὸ σκῆπτρον ἕτεροι λαβόντες ἀνεκηρύχθησαν.

s-296

tlg0008.tlg001.perseus-grc1.12.tb.xml@660

Κλεῖτος δ̓ ὁ Λευκὸς καλούμενος ὅτε χρηματίζειν μέλλοι, ἐπὶ πορφυρῶν ἱματίων διαπεριπατῶν τοῖς ἐντυγχάνουσιν διελέγετο.

s-297

tlg0008.tlg001.perseus-grc1.12.tb.xml@661

Περδίκκᾳ δὲ καὶ Κρατερῷ φιλογυμναστοῦσιν ἠκολούθουν διφθέραι σταδιαῖαι τοῖς μεγέθεσιν, ὑφ̓ αἷς περιλαμβάνοντες τόπον ἐν ταῖς καταστρατοπεδείαις ἐγυμνάζοντο·

s-298

tlg0008.tlg001.perseus-grc1.12.tb.xml@662

ἠκολούθει δὲ αὐτοῖς καὶ ὑποζύγια πολλὰ τὰ τὴν κόνιν κομίζοντα πρὸς τὴν ἐν τῇ παλαίστρᾳ χρείαν.

s-299

tlg0008.tlg001.perseus-grc1.12.tb.xml@663

Λεοννάτῳ δὲ καὶ Μενελάῳ φιλοκυνήγοις οὖσιν αὐλαῖαι σταδίων ἑκατὸν ἠκολούθουν, αἷς περιιστάντες τὰς θήρας ἐκυνήγουν.

s-300

tlg0008.tlg001.perseus-grc1.12.tb.xml@665

ἦν γὰρ αὐτοῦ ἡ σκηνὴ κλινῶν ῤ, χρυσοῖ δὲ κίονες ν̓ κατεῖχον αὐτήν.