Universal Dependencies - Ancient Greek - Perseus

s-101

tlg0008.tlg001.perseus-grc1.12.tb.xml@350

αἱ δὲ γυναῖκες αὐτῶν τὰς Θρᾳκῶν τῶν πρὸς ἑσπέραν καὶ ἄρκτον περιοίκων γυναῖκας ἐποίκιλλον τὰ σώματα, περόναις γραφὴν ἐνεῖσαι.

s-102

tlg0008.tlg001.perseus-grc1.12.tb.xml@351

ὅθεν πολλοῖς ἔτεσιν ὕστερον αἱ ὑβρισθεῖσαι τῶν Θρᾳκῶν γυναῖκες ἰδίως ἐξηλείψαντο τὴν συμφορὰν προσαναγραψάμεναι τὰ λοιπὰ τοῦ χρωτός, ἵν̓ ὁ τῆς ὕβρεως καὶ τῆς αἰσχύνης ἐπ̓ αὐταῖς χαρακτὴρ εἰς ποικιλίαν καταριθμηθεὶς κόσμου προσηγορίᾳ τοὔνειδος ἐξαλείψῃ·

s-103

tlg0008.tlg001.perseus-grc1.12.tb.xml@352

πάντων δὲ οὕτως ὑπερηφάνως προέστησαν ὥστε οὐδένων ἄδακρυς ἡ τῆς δουλείας ὑπουργία γιγνομένη διήγγειλεν εἰς τοὺς ἐπιγινομένους τὴν ἀπὸ Σκυθῶν ῥῆσιν οἵα τις ἦν.

s-104

tlg0008.tlg001.perseus-grc1.12.tb.xml@353

διὰ τὸ πλῆθος οὖν τῶν κατασχουσῶν αὐτοὺς συμφορῶν, ἐπεὶ διὰ τὸ πένθος ἅμα τόν τε τῶν βίων ὄλβον καὶ τὰς κόμας περιεσπάσθησαν, παντὸς ἔθνους οἱ ἔξω τὴν ἐφ̓ ὕβρει κουρὰν ἀπεσκυθίσθαι προσηγόρευσαν.

s-105

tlg0008.tlg001.perseus-grc1.12.tb.xml@354

τοὺς δὲ σύμπαντας Ἴωνας ἐπισκώπτων Καλλίας ἢ Διοκλῆς ἐν Κύκλωψί φησιν·

s-106

tlg0008.tlg001.perseus-grc1.12.tb.xml@355

τί γὰρ ἡ τρυφερὰ καὶ καλλιτράπεζος Ἰωνία εἴφ̓ ὅ τι πράσσει.

s-107

tlg0008.tlg001.perseus-grc1.12.tb.xml@357

χαῖῤ, ὦ διαπόντιον στράτευμα, τί πράττομεν;

s-108

tlg0008.tlg001.perseus-grc1.12.tb.xml@363

ἦν δὲ πάνθ̓ ὅκως.

s-109

tlg0008.tlg001.perseus-grc1.12.tb.xml@364

περὶ δὲ τῶν Ἀβυδηνῶν Ἀντιφῶν ἐν τῷ κατὰ Ἀλκιβιάδου λοιδορίας γράφει οὕτως·

s-110

tlg0008.tlg001.perseus-grc1.12.tb.xml@365

ἐπειδὴ ἐδοκιμάσθης ὑπὸ τῶν ἐπιτρόπων, παραλαβὼν παῤ αὐτῶν τὰ σαυτοῦ χρήματα ᾤχου ἀποπλέων εἰς Ἄβυδον, οὔτε χρέος ἴδιον σαυτοῦ πραξόμενος οὐδὲν οὔτε προξενίας οὐδεμιᾶς ἕνεκεν, ἀλλὰ τῇ σαυτοῦ παρανομίᾳ καὶ ἀκολασίᾳ τῆς γνώμης ὁμοίους ἔργων τρόπους μαθησόμενος παρὰ τῶν ἐν Ἀβύδῳ γυναικῶν, ὅπως ἐν τῷ ἐπιλοίπῳ βίῳ ἔχοις χρῆσθαι αὐτοῖς.

s-111

tlg0008.tlg001.perseus-grc1.12.tb.xml@367

ἑάλωσαν γὰρ ὑπὸ Ἐφεσίων.

s-112

tlg0008.tlg001.perseus-grc1.12.tb.xml@368

καὶ περὶ αὐτῶν δὲ τῶν Ἐφεσίων Δημόκριτος ὁ Ἐφέσιος ἐν τῷ προτέρῳ περὶ τοῦ ἐν Ἐφέσῳ Ναοῦ διηγούμενος περὶ τῆς χλιδῆς αὐτῶν καὶ ὧν ἐφόρουν βαπτῶν ἱματίων γράφει καὶ τάδε·

s-113

tlg0008.tlg001.perseus-grc1.12.tb.xml@374

λάβοι δ̓ ἄν τις καὶ φλογίνας καὶ θαλασσοειδεῖς.

s-114

tlg0008.tlg001.perseus-grc1.12.tb.xml@375

ὑπάρχουσιν δὲ καὶ Περσικαὶ καλασίρεις, αἵπερ εἰσὶ κάλλισται πασῶν.

s-115

tlg0008.tlg001.perseus-grc1.12.tb.xml@376

ἴδοι δ̓ ἄν τις, φησίν, καὶ τὰς καλουμένας ἀκταίας, ὅπερ ἐστὶ καὶ πολυτελέστατον ἐν τοῖς Περσικοῖς περιβλήμασιν.

s-116

tlg0008.tlg001.perseus-grc1.12.tb.xml@377

ἐστὶν δὲ τοῦτο σπαθητὸν ἰσχύος καὶ κουφότητος χάριν καταπέπασται δὲ χρυσοῖς κέγχροις·

s-117

tlg0008.tlg001.perseus-grc1.12.tb.xml@378

οἱ δὲ κέγχροι νήματι πορφυρῷ πάντες εἰς τὴν εἴσω μοῖραν ἅμματ̓ ἔχουσιν ἀνὰ μέσον.

s-118

tlg0008.tlg001.perseus-grc1.12.tb.xml@379

τούτοις πᾶσι χρῆσθαί φησι τοὺς Ἐφεσίους ἐπιδόντας εἰς τρυφήν.

s-119

tlg0008.tlg001.perseus-grc1.12.tb.xml@380

περὶ δὲ τῆς Σαμίων τρυφῆς Δοῦρις ἱστορῶν παρατίθεται Ἀσίου ποιήματα, ὅτι ἐφόρουν χλιδῶνας περὶ τοῖς βραχίοσιν καὶ τὴν ἑορτὴν ἄγοντες τῶν Ἡραίων ἐβάδιζον κατεκτενισμένοι τὰς κόμας ἐπὶ τὸ μετάφρενον καὶ τοὺς ὤμους.

s-120

tlg0008.tlg001.perseus-grc1.12.tb.xml@382

ἐστὶ δὲ τὰ τοῦ Ἀσίου ἔπη οὕτως ἔχοντα·

s-121

tlg0008.tlg001.perseus-grc1.12.tb.xml@383

οἱ δ̓ αὔτως φοίτεσκον ὅπως πλοκάμους κτενίσαιντο εἰς Ἥρας τέμενος, πεπυκασμένοι εἵμασι καλοῖς, χιονέοισι χιτῶσι πέδον χθονὸς εὐρέος εἶχον·

s-122

tlg0008.tlg001.perseus-grc1.12.tb.xml@388

Κολοφώνιοι δ̓, ὥς φησι Φύλαρχος, τὴν ἀρχὴν ὄντες σκληροὶ ἐν ταῖς ἀγωγαῖς, ἐπεὶ εἰς τρυφὴν ἐξώκειλαν πρὸς Λυδοὺς φιλίαν καὶ συμμαχίαν ποιησάμενοι, προῄεσαν διησκημένοι τὰς κόμας χρυσῷ κόσμῳ, ὡς καὶ Ξενοφάνης φησὶν·

s-123

tlg0008.tlg001.perseus-grc1.12.tb.xml@390

οὕτω δ̓ ἐξελύθησαν διὰ τὴν ἄκαιρον μέθην ὥστε τινὲς αὐτῶν οὔτε ἀνατέλλοντα τὸν ἥλιον οὔτε δυόμενον ἑωράκασιν.

s-124

tlg0008.tlg001.perseus-grc1.12.tb.xml@392

ἀπὸ δὲ τούτου τὴν λοιπὴν νύκτα ἦσαν πρὸς τῷ μεθύειν.

s-125

tlg0008.tlg001.perseus-grc1.12.tb.xml@393

Θεόπομπος δ̓ ἐν πεντεκαιδεκάτῃ Ἱστοριῶν χιλίους φησὶν ἄνδρας αὐτῶν ἁλουργεῖς φοροῦντας στολὰς ἀστυπολεῖν·

s-126

tlg0008.tlg001.perseus-grc1.12.tb.xml@394

ὃ δὴ καὶ βασιλεῦσιν σπάνιον τότ̓ ἦν καὶ περισπούδαστον.

s-127

tlg0008.tlg001.perseus-grc1.12.tb.xml@395

ἰσοστάσιος γὰρ ἦν ἡ πορφύρα πρὸς ἄργυρον ἐξεταζομένη.

s-128

tlg0008.tlg001.perseus-grc1.12.tb.xml@396

τοιγαροῦν διὰ τὴν τοιαύτην ἀγωγὴν ἐν τυραννίδι καὶ στάσεσι γενόμενοι αὐτῇ πατρίδι διεφθάρησαν.

s-129

tlg0008.tlg001.perseus-grc1.12.tb.xml@397

ταὐτὰ εἴρηκεν περὶ αὐτῶν καὶ Διογένης ὁ Βαβυλώνιος ἐν τῷ πρώτῳ τῶν Νόμων.

s-130

tlg0008.tlg001.perseus-grc1.12.tb.xml@398

κοινῶς δὲ περὶ πάντων Ἰώνων τρυφῆς Ἀντιφάνης ἐν Δωδώνῃ τάδε λέγει·

s-131

tlg0008.tlg001.perseus-grc1.12.tb.xml@401

ἔτι καὶ νῦν ἡ χρυσῆ παροιμία διαμεμένηκε

s-132

tlg0008.tlg001.perseus-grc1.12.tb.xml@402

καὶ τῶν παρωκεανιτῶν δὲ τινάς φησι Θεόπομπος ἐν ὀγδόῃ Φιλιππικῶν ἁβροδιαίτους γενέσθαι.

s-133

tlg0008.tlg001.perseus-grc1.12.tb.xml@403

περὶ δὲ Βυζαντίων καὶ Καλχηδονίων ὁ αὐτός φησι Θεόπομπος τάδε·

s-134

tlg0008.tlg001.perseus-grc1.12.tb.xml@404

ἦσαν δὲ οἱ Βυζάντιοι καὶ διὰ τὸ δημοκρατεῖσθαι πολὺν ἤδη χρόνον καὶ τὴν πόλιν ἐπ̓ ἐμπορίου κειμένην ἔχειν καὶ τὸν δῆμον ἅπαντα περὶ τὴν ἀγορὰν καὶ τὸν λιμένα διατρίβειν ἀκόλαστοι καὶ συνουσιάζειν καὶ πίνειν εἰθισμένοι ἐπὶ τῶν καπηλείων.

s-135

tlg0008.tlg001.perseus-grc1.12.tb.xml@407

περὶ δὲ Θετταλῶν λέγων ἐν τῇ τετάρτῃ φησὶν ὅτι ζῶσιν οἱ μὲν σὺν ταῖς ὀρχηστρίσιν καὶ ταῖς αὐλητρίσιν διατρίβοντες, οἱ δ̓ ἐν κύβοις καὶ πότοις καὶ ταῖς τοιαύταις ἀκολασίαις διημερεύοντες, καὶ μᾶλλον σπουδάζουσιν ὅπως ὄψων παντοδαπῶν τὰς τραπέζας παραθήσονται πλήρεις ἢ τὸν αὑτῶν βίον ὅπως παρασχήσονται κεκοσμημένον.

s-136

tlg0008.tlg001.perseus-grc1.12.tb.xml@408

Φαρσάλιοι δὲ πάντων, φησίν, ἀνθρώπων εἰσὶν ἀργότατοι καὶ πολυτελέστατοι.

s-137

tlg0008.tlg001.perseus-grc1.12.tb.xml@409

ὡμολόγηνται δ̓ οἱ Θετταλοί, ὡς καὶ Κριτίας φησί, πάντων Ἑλλήνων πολυτελέστατοι γεγενῆσθαι περί τε τὴν δίαιταν καὶ τὴν ἐσθῆτα·

s-138

tlg0008.tlg001.perseus-grc1.12.tb.xml@410

ὅπερ αὐτοῖς αἴτιον ἐγένετο κατὰ τῆς Ἑλλάδος ἐπαγαγεῖν τοὺς Πέρσας, ζηλώσαντας τὴν τούτων τρυφὴν καὶ πολυτέλειαν.

s-139

tlg0008.tlg001.perseus-grc1.12.tb.xml@411

περὶ δὲ Αἰτωλῶν Πολύβιος μὲν ἐν τρισκαιδεκάτῃ Ἱστοριῶν φησιν ὡς διὰ τὴν τῶν πολέμων συνέχειαν καὶ τὴν τῶν βίων πολυτέλειαν κατάχρεοι ἐγένοντο.

s-140

tlg0008.tlg001.perseus-grc1.12.tb.xml@412

Ἀγαθαρχίδης δ̓ ἐν δωδεκάτῃ Ἱστοριῶν Αἰτωλοί, φησί, τοσούτῳ τῶν λοιπῶν ἑτοιμότερον ἔχουσι πρὸς θάνατον ὅσῳπερ καὶ ζῆν πολυτελῶς ἐκτενέστερον ζητοῦσι τῶν ἄλλων.

s-141

tlg0008.tlg001.perseus-grc1.12.tb.xml@413

διαβόητοι δ̓ εἰσὶ περὶ τρυφὴν Σικελιῶται τε καὶ Συρακόσιοι, ὡς καὶ Ἀριστοφάνης φησὶν ἐν Δαιταλεῦσιν·

s-142

tlg0008.tlg001.perseus-grc1.12.tb.xml@415

Πλάτων δ̓ ἐν ταῖς Ἐπιστολαῖς φησιν·

s-143

tlg0008.tlg001.perseus-grc1.12.tb.xml@416

ταύτην δὴ τὴν διάνοιαν ἔχων εἰς Ἰταλίαν τε καὶ Σικελίαν ἦλθον ὅτε πρῶτον ἀφικόμην.

s-144

tlg0008.tlg001.perseus-grc1.12.tb.xml@417

ἐλθόντα δέ με ὁ ταύτῃ βίος οὐδαμῇ οὐδαμῶς ἤρεσεν, δίς τε τῆς ἡμέρας ἐμπιπλάμενον ζῆν καὶ μηδέποτε κοιμώμενον μόνον νύκτωρ καὶ ὅσα τούτῳ ἐπιτηδεύματα συνέπεται τῷ βίῳ.

s-145

tlg0008.tlg001.perseus-grc1.12.tb.xml@418

ἐκ γὰρ τούτων τῶν ἐθῶν οὔτ̓ ἂν φρόνιμος οὐδείς ποτε γενέσθαι τῶν ὑπὸ τὸν οὐρανὸν ἀνθρώπων ἐκ νέου ἐπιτηδεύων δύναιτο, σώφρων δ̓ οὐδ̓ ἂν μελλήσαι ποτὲ γενέσθαι.

s-146

tlg0008.tlg001.perseus-grc1.12.tb.xml@419

κἀν τρίτῳ δὲ Πολιτείας γράφει οὕτως·

s-147

tlg0008.tlg001.perseus-grc1.12.tb.xml@420

Συρακοσίαν δέ, ὦ φίλε, τράπεζαν καὶ Σικελικὴν ποικιλίαν ὄψου, ὡς ἔοικας, οὐκ αἰνεῖς·

s-148

tlg0008.tlg001.perseus-grc1.12.tb.xml@422

Ποσειδώνιος δ̓ ἑκκαιδεκάτῃ Ἱστοριῶν περὶ τῶν κατὰ τὴν Συρίαν πόλεων λέγων ὡς ἐτρύφων γράφει καὶ ταῦτα·

s-149

tlg0008.tlg001.perseus-grc1.12.tb.xml@425

ἐν δὲ τῇ λἀ Ζακυνθίους φησὶν ἀπείρους εἶναι πολέμου διὰ τὸ ἐν εὐπορίᾳ καὶ πλούτῳ τρυφῶντας ἐθίζεσθαι.

s-150

tlg0008.tlg001.perseus-grc1.12.tb.xml@427

οὐ δυνάμενοι οὖν, φησίν, φέρειν τὴν παροῦσαν εὐδαιμονίαν ἐκάλουν τὸν Ἀννίβαν·

s-151

tlg0008.tlg001.perseus-grc1.12.tb.xml@428

διόπερ ὑπὸ Ῥωμαίων ἀνήκεστα ἔπαθον.

s-152

tlg0008.tlg001.perseus-grc1.12.tb.xml@432

ὅθεν καλεῖν Κουρῆτα λαὸν ᾔνεσαν.

s-153

tlg0008.tlg001.perseus-grc1.12.tb.xml@435

καὶ Κυμαῖοι δὲ οἱ ἐν Ἰταλίᾳ, ὥς φησιν Ὑπέροχος ἢ ὁ ποιήσας τὰ εἰς αὐτὸν ἀναφερόμενα Κυμαικά, διετέλεσαν χρυσοφοροῦντες καὶ ἀνθιναῖς ἐσθῆσι χρώμενοι καὶ μετὰ γυναικῶν εἰς τοὺς ἀγροὺς ἐξιόντες ἐπὶ ζευγῶν ὀχούμενοι.

s-154

tlg0008.tlg001.perseus-grc1.12.tb.xml@436

περὶ μὲν οὖν ἐθνῶν καὶ πόλεων τρυφῆς τοσαῦτα μνημονεύω.

s-155

tlg0008.tlg001.perseus-grc1.12.tb.xml@437

περὶ δὲ τῶν κατ̓ ἄνδρα τάδ̓ ἤκουσα.

s-156

tlg0008.tlg001.perseus-grc1.12.tb.xml@442

οἱ μὲν πολλοί, ὧν ἐστι καὶ Δοῦρις, ἱστοροῦσιν ὑπὸ τούτου ἀγανακτήσαντος εἰ τοιοῦτος αὐτῶν βασιλεύει συγκεντηθέντα ἀποθανεῖν.

s-157

tlg0008.tlg001.perseus-grc1.12.tb.xml@443

Κτησίας δὲ λέγει εἰς πόλεμον αὐτὸν καταστῆναι καὶ ἀθροίσαντα πολλὴν στρατιὰν καὶ καταλυθέντα ὑπὸ τοῦ Ἀρβάκου τελευτῆσαι ἑαυτὸν ἐμπρήσαντα ἐν τοῖς βασιλείοις, πυρὰν νήσαντα ὕψος τεσσάρων πλέθρων, ἐφ̓ ἧς ἐπέθηκεν χρυσᾶς κλίνας ἑκατὸν καὶ πεντήκοντα καὶ ἴσας τραπέζας καὶ ταύτας χρυσᾶς.

s-158

tlg0008.tlg001.perseus-grc1.12.tb.xml@444

ἐποίησε δὲ ἐν τῇ πυρᾷ καὶ οἴκημα ἑκατόμπεδον ἐκ ξύλων κἀνταῦθα κλίνας ὑπεστόρεσε καὶ κατεκλίθη αὐτός τε μετὰ καὶ τῆς γυναικὸς καὶ αἱ παλλακίδες ἐν ταῖς ἄλλαις κλίναις.

s-159

tlg0008.tlg001.perseus-grc1.12.tb.xml@445

τοὺς γὰρ τρεῖς υἱοὺς καὶ δύο θυγατέρας ὁρῶν τὰ πράγματα κακούμενα προπεπόμφει εἰς Νίνον πρὸς τὸν ἐκεῖ βασιλέα, δοὺς αὐτοῖς τρισχίλια χρυσίου τάλαντα·

s-160

tlg0008.tlg001.perseus-grc1.12.tb.xml@448

ἔπειτα ὑφάψαι ἐκέλευσε τὴν πυράν, καὶ ἐκαίετο πεντεκαίδεκα ἡμέρας.

s-161

tlg0008.tlg001.perseus-grc1.12.tb.xml@449

οἱ δὲ ἐθαύμαζον ὁρῶντες τὸν καπνὸν καὶ ἐδόκουν αὐτὸν θυσίας ἐπιτελεῖν·

s-162

tlg0008.tlg001.perseus-grc1.12.tb.xml@450

ταῦτα δὲ μόνοι ᾔδεσαν οἱ εὐνοῦχοι.

s-163

tlg0008.tlg001.perseus-grc1.12.tb.xml@451

ὁ μὲν οὖν Σαρδανάπαλλος ἐκτόπως ἡδυπαθήσας ὡς ἐνῆν γενναίως ἐτελεύτησεν.

s-164

tlg0008.tlg001.perseus-grc1.12.tb.xml@455

ὅθεν ὁ πάντων εὐδαιμονέστατος Σαρδανάπαλλος, ὁ παῤ ὅλον τὸν βίον τιμήσας τὰς ἀπολαύσεις, καὶ τελευτήσας δείκνυσιν ἐν τῷ τοῦ μνήματος τύπῳ τοῖς δακτύλοις ἀποκροτοῦντι οἵου καταγέλωτός ἐστιν ἄξια τὰ τῶν ἀνθρώπων πράγματα, οὐκ ἄξια ὄντα ψόφου δακτύλων ὃν πεποίηται ποιούμενος δὶς ἐν χορῷ...

s-165

tlg0008.tlg001.perseus-grc1.12.tb.xml@457

φαίνεται γοῦν οὐκ ἄπρακτος γενόμενος Σαρδανάπαλλος·

s-166

tlg0008.tlg001.perseus-grc1.12.tb.xml@458

καὶ γὰρ ἐπιγέγραπται αὐτοῦ τῷ μνήματι.

s-167

tlg0008.tlg001.perseus-grc1.12.tb.xml@459

Σαρδανάπαλλος Ἀνακυνδαράξεω Ἀγχιάλην ἔδειμε καὶ Ταρσὸν μιῇ ἡμέρῃ, ἀλλὰ νῦν τέθνηκεν.

s-168

tlg0008.tlg001.perseus-grc1.12.tb.xml@460

Ἀμύντας δὲ ἐν τρίτῳ Σταθμῶν ἐν τῇ Νίνῳ φησὶν εἶναι χῶμα ὑψηλόν, ὅπερ κατασπάσαι Κῦρον ἐν τῇ πολιορκίᾳ ἀντιχωννύντα τῇ πόλει·

s-169

tlg0008.tlg001.perseus-grc1.12.tb.xml@464

διὸ κἀγὼ ἡμέραν οὐδεμίαν παρέλιπον τοῦτο ποιῶν.

s-170

tlg0008.tlg001.perseus-grc1.12.tb.xml@465

Κλείταρχος δ̓ ἐν τῇ τετάρτῃ τῶν περὶ Ἀλέξανδρον γήρᾳ τελευτῆσαί φησιν Σαρδανάπαλλον μετὰ τὴν ἀπόπτωσιν τῆς Σύρων ἀρχῆς.

s-171

tlg0008.tlg001.perseus-grc1.12.tb.xml@466

Ἀριστόβουλος δ̓ ἐν Ἀγχιάλῃ, ἣν ἐδείματο, φησί, Σαρδανάπαλλος, Ἀλέξανδρος ἀναβαίνων εἰς Πέρσας κατεστρατοπεδεύσατο.

s-172

tlg0008.tlg001.perseus-grc1.12.tb.xml@467

καὶ ἦν οὐ πόρρω τὸ τοῦ Σαρδαναπάλλου μνημεῖον, ἐφ̓ οὗ ἑστάναι τύπον λίθινον συμβεβληκότα τῆς δεξιᾶς χειρὸς τοὺς δακτύλους, ὡς ἂν ἀποκροτοῦντα.

s-173

tlg0008.tlg001.perseus-grc1.12.tb.xml@469

Σαρδανάπαλλος Ἀνακυνδαράξεω παῖς Ἀγχιάλην καὶ Ταρσὸν ἔδειμεν ἡμέρῃ μιῇ.

s-174

tlg0008.tlg001.perseus-grc1.12.tb.xml@470

ἔσθιε, πῖνε, παῖζε·

s-175

tlg0008.tlg001.perseus-grc1.12.tb.xml@473

καὶ γὰρ οὗτος ἐνεδέδυτο ἀνθινὴν ἐσθῆτα καὶ γυναικὸς εὐπρεπέστερον ἐκοσμεῖτο, ὡς Μνασέας φησὶν ἐν τρίτῳ Εὐρώπης.

s-176

tlg0008.tlg001.perseus-grc1.12.tb.xml@474

Κλέαρχος δ̓ ἐν πέμπτῳ Βίων Σάγαριν φησι τὸν Μαριανδυνὸν ὑπὸ τρυφῆς σιτεῖσθαι μὲν μέχρι γήρως ἐκ τοῦ τῆς τιτθῆς στόματος, ἵνα μὴ μασώμενος πονέσειεν, οὐ πώποτε δὲ τὴν χεῖρα κατωτέρω τοῦ ὀμφαλοῦ προενέγκασθαι.

s-177

tlg0008.tlg001.perseus-grc1.12.tb.xml@475

διὸ καὶ Ἀριστοτέλης Ξενοκράτην τὸν Χαλκηδόνιον σκώπτων ὅτι οὐρῶν οὐ προσῆγε τὴν χεῖρα τῷ αἰδοίῳ ἔλεγεν·

s-178

tlg0008.tlg001.perseus-grc1.12.tb.xml@477

Κτησίας δ̓ ἱστορεῖ Ἄνναρον τὸν βασιλέως ὕπαρχον καὶ τῆς Βαβυλωνίας δυναστεύσαντα στολῇ χρῆσθαι γυναικείᾳ καὶ κόσμῳ, καὶ ὅτι βασιλέως δούλῳ ὄντι αὐτῷ εἰς τὸ δεῖπνον εἰσῄεσαν πεντήκοντα καὶ ἑκατὸν ψάλλουσαι καὶ ᾄδουσαι γυναῖκες·

s-179

tlg0008.tlg001.perseus-grc1.12.tb.xml@479

Φοῖνιξ δ̓ ὁ Κολοφώνιος ποιητὴς περὶ Νίνου λέγων ἐν τῷ πρώτῳ τῶν Ἰάμβων φησίν·

s-180

tlg0008.tlg001.perseus-grc1.12.tb.xml@480

ἀνὴρ Νίνος τις ἐγένετ̓, ὡς ἐγὼ κλύω, Ἀσσύριος·

s-181

tlg0008.tlg001.perseus-grc1.12.tb.xml@481

ὅστις εἶχε χρυσίου πόντον, τάλαντα πολλῷ πλέονα Κασπίης ψάμμου·

s-182

tlg0008.tlg001.perseus-grc1.12.tb.xml@486

οὐ γὰρ ἀλλὰ κηρύσσω·

s-183

tlg0008.tlg001.perseus-grc1.12.tb.xml@489

τὰ δ̓ ὄλβἰ ἡμέων δήιοι συνελθόντες φέρουσιν, ὥσπερ ὠμὸν ἔριφον αἱ Βάκχαι.

s-184

tlg0008.tlg001.perseus-grc1.12.tb.xml@490

ἐγὼ δ̓ ἐς Ἅιδην οὔτε χρυσὸν οὔθ̓ ἵππον οὔτ̓ ἀργυρῆν ἅμαξαν ᾠχόμην ἕλκων·

s-185

tlg0008.tlg001.perseus-grc1.12.tb.xml@491

σποδὸς δὲ πολλὴ χὠ μιτρηφόρος κεῖμαι.

s-186

tlg0008.tlg001.perseus-grc1.12.tb.xml@492

Θεόπομπος δ̓ ἐν πεντεκαιδεκάτῃ Φιλιππικῶν Ἱστοριῶν Στράτωνα φησι τὸν Σιδώνιον βασιλέα ὑπερβαλεῖν ἡδυπαθείᾳ καὶ τρυφῇ πάντας ἀνθρώπους.

s-187

tlg0008.tlg001.perseus-grc1.12.tb.xml@493

οἷα γὰρ τοὺς Φαίακας Ὅμηρος ποιεῖν μεμυθολόγηκεν ἑορτάζοντας καὶ πίνοντας καὶ κιθαρῳδῶν καὶ ῥαψῳδῶν ἀκροωμένους, τοιαῦτα καὶ ὁ Στράτων διετέλει ποιῶν πολὺν χρόνον.

s-188

tlg0008.tlg001.perseus-grc1.12.tb.xml@494

καὶ τοσούτῳ μᾶλλον ἐκείνων παρεκεκινήκει πρὸς τὰς ἡδονὰς ὅσον οἱ μὲν Φαίακες, ὥς φησιν Ὅμηρος, μετὰ τῶν οἰκείων γυναικῶν καὶ θυγατέρων ἐποιοῦντο τοὺς πότους, ὁ δὲ Στράτων μετ̓ αὐλητρίδων καὶ ψαλτριῶν καὶ κιθαριστριῶν κατεσκευάζετο τὰς συνουσίας·

s-189

tlg0008.tlg001.perseus-grc1.12.tb.xml@496

ἐτύγχανον γὰρ ὑπερφιλοτίμως ἔχοντες πρὸς ἀλλήλους καὶ σπουδάζων ἑκάτερος αὐτὸς ἥδιον καὶ ῥᾳθυμότερον ποιεῖσθαι τὸν βίον·

s-190

tlg0008.tlg001.perseus-grc1.12.tb.xml@497

οἵ γε προῆλθον εἰς τοσαύτην ἅμιλλαν, ὡς ἡμεῖς ἀκούομεν, ὥστε πυνθανόμενοι παρὰ τῶν ἀφικνουμένων τάς τε παρασκευὰς τῶν οἰκιῶν καὶ τὰς πολυτελείας τῶν θυσιῶν τὰς παῤ ἑκατέρῳ γινομένας ἐφιλονίκουν ὑπερβάλλεσθαι τοῖς τοιούτοις ἀλλήλους.

s-191

tlg0008.tlg001.perseus-grc1.12.tb.xml@498

ἐσπούδαζον δὲ δοκεῖν εὐδαίμονες εἶναι καὶ μακαριστοί.

s-192

tlg0008.tlg001.perseus-grc1.12.tb.xml@499

οὐ μὴν περί γε τὴν τοῦ βίου τελευτὴν διηυτύχησαν, ἀλλ̓ ἀμφότεροι βιαίῳ θανάτῳ διεφθάρησαν.

s-193

tlg0008.tlg001.perseus-grc1.12.tb.xml@501

ἐν δὲ τῇ ἀ τῶν Φιλιππικῶν Θεόπομπος περὶ Φιλίππου λέγων φησὶν·

s-194

tlg0008.tlg001.perseus-grc1.12.tb.xml@503

ἦν γὰρ καὶ τῶν ὑπὸ Κότυος προκριθέντων, ὃς ἁπάντων τῶν βασιλέων τῶν ἐν τῇ Θρᾴκῃ γεγενημένων μάλιστα πρὸς ἡδυπαθείας καὶ τρυφὰς ὥρμησε, καὶ περιιὼν τὴν χώραν ὅπου κατίδοι τόπους δένδρεσι συσκίους καὶ καταρρύτους ὕδασι, τούτους κατεσκεύασεν ἑστιατόρια·

s-195

tlg0008.tlg001.perseus-grc1.12.tb.xml@504

καὶ φοιτῶν εἰς ἑκάστους ὁπότε τύχοι θυσίας τε τοῖς θεοῖς ἐποιεῖτο καὶ συνῆν μετὰ τῶν ὑπάρχων, εὐδαίμων καὶ μακαριστὸς ὢν ἕως εἰς τὴν Ἀθηνᾶν βλασφημεῖν καὶ πλημμελεῖν ἐπεχείρησεν.

s-196

tlg0008.tlg001.perseus-grc1.12.tb.xml@505

διηγεῖταί τε ἑξῆς ὁ συγγραφεὺς ὅτι δεῖπνον κατεσκεύασεν ὁ Κότυς ὡς γαμουμένης αὐτῷ τῆς Ἀθηνᾶς καὶ θάλαμον κατασκευάσας ἀνέμενεν μεθύων τὴν θεόν.

s-197

tlg0008.tlg001.perseus-grc1.12.tb.xml@506

ἤδη δ̓ ἔκφρων γενόμενος ἔπεμπέ τινα τῶν δορυφόρων ὀψόμενον εἰ παραγέγονεν ἡ θεὸς εἰς τὸν θάλαμον.

s-198

tlg0008.tlg001.perseus-grc1.12.tb.xml@507

ἀφικομένου δ̓ ἐκείνου καὶ εἰπόντος μηδένα εἶναι ἐν τῷ θαλάμῳ, τοξεύσας τοῦτον ἀπέκτεινεν καὶ ἄλλον δεύτερον ἐπὶ τοῖς αὐτοῖς, ἕως ὁ τρίτος συνεὶς παραγενομένην ἔφη πάλαι τὴν θεὸν αὐτὸν ἀναμένειν.

s-199

tlg0008.tlg001.perseus-grc1.12.tb.xml@508

ὁ δὲ βασιλεὺς οὗτός ποτε καὶ ζηλοτυπήσας τὴν αὑτοῦ γυναῖκα ταῖς αὑτοῦ χερσὶν ἀνέτεμε τὴν ἄνθρωπον ἀπὸ τῶν αἰδοίων ἀρξάμενος.

s-200

tlg0008.tlg001.perseus-grc1.12.tb.xml@509

ἐν δὲ τῇ τρισκαιδεκάτῃ τῶν Φιλιππικῶν περὶ Χαβρίου τοῦ Ἀθηναίου ἱστορῶν φησιν·