EN | ES |

69

69

Javascript seems to be turned off, or there was a communication error. Turn on Javascript for more display options.
index   < Page >

186 monemus et hortamur attente mandantes quatenus eundem electum, cum ad vos accesserit, pro apost. Sedis et nostra reuerentia recipientes ac honori- fice pertractantes, ei ac familie sue de necessariis et securo conductu liberaliter prouidere curetis, ità quod ipse cum ad nos redierit grata de vobis referre valeat, nosque deuotionem vestram proinde dignis in domino laudibus commendemus; alioquin sententiam, quam rite tulerit in rebelles ratam habebimus, et faciemus auctore domino usque ad satisfactionem con- dignam appellatione remota inuiolabiliter obseruari. Datum Laterani, VIII idus Aprilis. Pontificatus nostri anno XI.

Ibidem — epistola 917.

CCX.

Jdem ecclesiam monasterii Rayhradensis visitantibus indulgentias. elargitur. Dt. Laterani, VII. Idus Aprilis, 1254.

Ennocentius episcopus seruus seruorum dei. Dilectis filiis preposito et conuentui monasterii sancti Petri de Raygrad ordinis S. Benedicti Olomucensis diecesis salutem et apostolicam benedictionem. Loca sanctorum omnium pia et prompta sunt deuotione a Christi fidelibus veneranda, ut dum dei honoramus amicos, ipsi nos amabiles deo reddant, et ipsorum nobis vendicando quodammodo patrocinium apud ipsum, quod merita non obtinent, eorum mereamur intercessionibus obtinere. Licet igitur, sicut intimantibus. nobis accepimus, fideles Christi ad ecclesiam vestram in festo b. Petri, in cuius honore ipsa asseritur ecclesia dedicata, deuote accedant, suorum impetraturi veniam delictorum, ut eo tamen libentius et uberius veniant ad eandem, quo dono celestis gratie salutaris senserint se refectos, omnibus vere penitentibus et confessis, qui eandem ecclesiam in iam dicto festo venerabiliter visitant, annuatim XL. dies de iniuncta sibi penitentia misericorditer relaxamus, Datum Laterani VII. Idus Aprilis. Pontificatus nostri anno XI.

E copia ejusdem monasterii a R. D. Abbate Victore Schlossar trans- missa.

Download XML • Download text • Manuscript line view • Facsimile