1127

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

z roku 1599, 30. ledna—1. února. 113

chose pardessus luy ni plus chere ni en plus grande estime, et qu'avec la lecture continuelle d'iceluy ie me l'approprie de maniere que le fruit en soit tellement mien, que vostre estoit le labeur, l'estude et l'invention.

La nouvelle de la payx dont Dieu a faict la grace à vostre ville apres tant de travaulx, venue avec les mesmes lettres, m'a esté fort agréable, non pas tant toutes- fois qu'elle m'ait dechargé de toute sollicitude, car ie ne suis point sans apprehension et sans pur persuasion quasi asseurré que vostre voisin n'ait encores à present aultant de bonne volonté de luy mettre les pieds sur la gorge, qu'il en eut iamais, et que la premiere occasion qui luy sera presentée de mettre à effect ses dessings ne luy fasse oublier les sollenités du serment presté Et ne puis aucunement croire que soubs ceste douceur de repos il n'y est quelque venin caché, veu que je n'ignore point la haine qui est portée quasi universellement de tous les mechants à ceste (ie le puis dire certes avec bonne conscience au respect des aultres, oà i'aye esté) saincte ville, si toutesfois elle s'est conservée en innocence de moeurs et saincteté de doctrine que fleurit en elle de mon temps. Mais non obstant la peur que ie dis, Pay une ferme espérance en Dieu que, comm” il a sęeu et voulu la garantir iusques à pre- sent quasi sans aucuns moyens humains et presque contre toute raison apparente, ainsi il luy plaise d'en avoir le soin d’ores-en-avant et la maintenir pour la gloire de son nom en despit et à la confusion de tous ceus qui en vouldroient voir la ruine et l'eversion. Amen.

Nous ne sommes maintenant ni en paix ni en guerre. Ie le dis, parce que combien que nous ayons une guerre ouverte avec nostre ennemi hereditaire, si n’es- prouvons nous guères les incommodités d’ icelle à cause de la saison, et si çe n’estoi- ent les grandes contributions que nous faisons annuellement pour la maintenir, et l’insolençe des soldats qui mangent nostre pauvre peuple, nous ne nous en sentirions quasi point. Et telle qu'elle est, encore est elle tolérable, veu qu'elle ne nous blesse sinon à nos bourses, et au contraire nous maintient en toute seureté et en la liberté de nos consciences, qui est le plus grand bien qu’ un homme de bien sçauroit dé- sirer. Car si nous eussions esté en paix iusques à présent, ie ne doubte point que ce boutte-feu qui suscite les rois et les princes à la guerre, n'ait taché de nous troubler nostre respos, quoyque la bonté de nostre prince et linclination au bien publicq soit telle, qu'il n'eust paradventuré pour effectuer tout ce qu'il auroit désiré; mais avec tout cela nous n’eussions point esté sans peur. (C'est pourquoy ie ne demande iamais la paix à Dieu sans m'en remettre de tout à sa volonté, de peur que pour un petit acquist nous ne fissions une grave perte, de laquelle plaise à sa divine bonté de nous préserver; à laquelle aussi ie prie de tout mon coeur de vous main- tenir les forces et la vigueur, la santé et l'age pour le benefice de ses eglises, de vos amis et de vos serviteurs, du nombre desquels ie confesse estre comme celuy

Archiv Cesky XXVII. 15