Javascript seems to be turned off, or there was a communication error. Turn on Javascript for more display options.
— 523 —
Margarethen, irer schwester, und ir aller kinde und kindes
kinde erblich land an uns also gefiellen, das danne wür
und all unser kind und kindes kind, die uns Gott noch geben
mag, und derselben leib erben, ewiclich, alle geistlich und
werentliche fürsten, abbt, próbst, clôster und alle pfaffheit,
grafen, freyen, landherrn, dienstleut, ritter und knechte, die
in demselben landen, fürstentum und herschafften gesessen
seynd und darzu gehórent, und die land gemainiclich, sullen
und wellen beleiben lassen volliglich unnd genzlich bey allen
iren leuten und guettern, würden und eren, rechte, freyhaiten,
genaden und guten gewonhaiten, die sy von alter gehabt und
herbracht habent und die sy denne ze mal an uns bringent,
one alle geverde und argeliste.
Mit urchundt dis briefes, versigelt mit unserm anhan-
genden insigeln, der gegeben isf ze Brunne nach Christes
geburde, dreyzehen hundert jar, darnach in dem vier und
sechzigsten jar, an dem nechsten montage vor st, Valentins
tag, unsers, khaysers Carls, reiche in dem achtzehenden und
des kayserthums in dem neundten jar.
(Orig. arch, aul. Vind. — Brandl IX, 343.)
535. Promissiones terrae Boemiae factae.
1364, 12. Februarii.
Wir Rudolff, Albrecht und Leupolt gebruder, von Gotes
gnaden herczogen ze Osterich ze Steyr und ze Kernden, heren
ze Krain, auf der wendischen March und ze Portenau, grafen
ze Habspurg, ze Tiroll, ze Phirt und ze Kyburg, margrafen
ze Purgaw und lantgrafen in Elsazz, und wir Margreth von
Osterreich, der iecz genanten herzoge swester, willent von
Gots gnaden marchgrefin ze Brandenburg, herzogin ze Bayrn
und grefin ze Tiroll, verichen, bekennen und tuen kunt alle
samt offentlich myt diesem briefe allen den, die yn sehent,
horent adir lesent, nu und hienach ewichlich: Als die durch-
leutigen hochgeborne vürsten, herrn Karl, romischer kayser,
merer des reichs, kunig Wenczla von Beheim, sein sun, und
margraff Johans von Merrenn, sein bruder, an ainem taile, und
