Javascript seems to be turned off, or there was a communication error. Turn on Javascript for more display options.
no
ex
30
Mrfunben 3um Jahre 1427. 471
Mann und stete des landes zu Lusitz den ersamen wolwisin
burgermeister und rathmann der stete Budissin, Gorlitz, Sittaw,
Luban, Lubbaw und Camentz, unsern guten fründen und vor-
derern ete. Wir haben vornommen, wie der erwürdige here
Peter apt zum Dobriluge e. w. geschreben habe obir den ge-
strengen Hanse von Polentz euern vorweser und unsern voit, wie
in der zihe!) das er in hette wollen lossen morden, und wie
her sich hette irboten zu tage zu kommen kegen der Dahme,
do herren, mann und landlüte von unsers g. h. des konigis
wegen hin vorbotit werin, das unser voit hette allis usgeschlagen etc.
Günstigen liben fründe, wie man unsern voit do hot wollen
morden und slahen, das ist wol offinbar usgesoit und geschiet
tegelich von den, die darbie gewest sint und das eigintlichen
wissen.
Besundir das wir im zu hulffe kommen sint und in gerettit
habin und von siner wegin habin gebetin, das her wolde kommen
in unsers g. h. des koniges stad gein Lubbin etc. Do sprach
der apt, er hette unsern voigt ouch in schulden, ab her im do
wedir welde usriehtunge thun. Dorzu sprach unser voit, er
hette von synen schulden ny vornommen; jedoch nu her in
welde schuldigen, wenn dy ersten sachen würden usgericht, so
wulde her im von stund an etc.
Dorumb, liben herrn, so ir und wir denn einis herrn sint
und ouch itzund (got gebe lange) einen vorwesir und einen voit
haben, ob sich nu ymand mit demselben apte sulcher tedinge
welde annemen und im sulcher unvur?), die von den sienen
unserm voite geschen sint und dergleich in deser land ard?) ny
mehir gehort ist, billichen adir beystehin, und weder unsern
voit und uns sein wolden: So bitten wir und begeren euir hülffe
und rath dorzu. Und bitten, das ir gedenkt, das wir die zyt
her, ab uch die ketzir hetten obirzogen, weren zu hulffe kommen,
das wir denn eure hülffe wider gehaben mógen zu unsern
nóthen etc. Gegeben zu Calaw under der stad ingesigel des
fritags noch sende Dionisii.
Das Jahr wird durch die Worte, daß die Ober: und ANiederlaufiger einen
Dermejer und Dogt haben nämlich den Hans von Polenz beftimmt. Hans
von Polen; war im Auguft 1427 von. det Wberlaufiern zum Derwefer an:
genommen. Serner wird auf die Hilfeleiftung der Aiederlaufiger im Mai
1427 Bezug genommen.
1) bezichtige. 2) rohe Art, übles Betragen. 3)Art, Gewohnheit.
