Facsimile Lines

946

Page

[1]	42 1493.
[2]	que principe tanto honore dignus existimatus sum. Ut gratias agam hoc
[3]	tempore, ne attentare quidem audeo, quoniam vires mei ingenii sub tanta
[4]	sarcina penitus deficiunt. Forsitan etiam ista melius coram agi poterunt, si
[5]	quando celsitudinem regiam aut privatus aut episcopus accessero. Interim vero
[6]	tu totam hanc provinciam sustineas oportet, tu inquam negotiorum meorum
[7]	gestor sis. lam enim mihi tantum ab humanitate tua provocatus vendico, ut
[8]	quae antea petere consuevi, nunc iure meo quodammodo exigam. Questi sunt
[9]	etiam apud me patres Olomucenses Regiam Praecellentiam remissius haec
[10]	curare, quam res exposcat, atque ob id negotium de die in diem differri, quod
[11]	tamen, si paululum anniteretur, propediem finem habiturum esset. [d vix mihi
[12]	persuaderi potest: si quid tamen huiusmodi sit, te precor, ut non solum authori-
[13]	tatem sed etiam studium tuum industriamque interponas. Nam qui prius ab
[14]	ambitione vehementer abhorrui, nunc illorum precibus impulsus apud te am-
[15]	bire cogor. Commendo tibi praeterea plurimum memoratos patres: acturi sunt
[16]	enim causam ecclesiae suae in iudicio publico: sive autem hae res procedent,
[17]	sive forsitan aliud quippiam praeter sententiam eveniet, non erit tamen alienum
[18]	a dignitate tua iura immunitatesque ecclesiasticas tua opera in suo robore
[19]	permanere. Vale.
[20]	Viz poznámku klistu 89. Ze slova listu »multis enim iam indiciis cognovi optimum
[21]	eius (regis Vladislai) in me animum, nam et absentem in extremisque terrarum oris consti-
[22]	tutum non dubitavit his, qui coram in praesentiaque erant, praeferre« zakládají se na správné
[23]	informaci, dokazuje list krále Vladislava ke kapitole Olomoucké, ktery dosud v archivu téZe
[24]	kapitoly se chová a má datum 2. pros. 1491 i adressu: Honorabilibus praeposito, decano
[25]	et capitulo ecclesiae Olomucensis fidelibus nostris dilectis. Znéní jest toto: Wladislaus d. g.
[26]	rex Hungariae, Bohemiae etc. Honorabiles, fideles, nostri dilecti! Venit ad nos pridie reli-
[27]	giosus frater Georgius, prior provincialis per Bohemiam et Moraviam ordinis Praedicatorum,
[28]	nunccius videlicet super provisione facienda de pastore aliquo idóneo in ecclesia vestra
[29]	Olomucensi, quandoquidem mala semina tam in civitate quam in dyocesi ob diuturnam
[30]	carentiam bonis (sic) pastoris et cultoris videntur augeri; unde mentes vestras diversis
[31]	agitari turbinibus et variis circumdari vexationibus contemplati sumus. Quapropter sciatis,
[32]	quod non minus nobis hoc cordi fuit, ut bono aliquo et convenienti pastore ecclesiam
[33]	vestram adornare vellemus, quam vobis ipsis, qui pastore caretis. Fuerat nempe nostri
[34]	propositi nobili Bohuslao de Hassinstein, viro docto et probo, de vestra ecclesia providere,
[35]	quod nunc per nos ipsos facere non possumus, quum, ut scitis, Romanus pontifex intro-:
[36]	misit se de ea, et illam contulit cardinali Allariensi. Tamdiu expectastis, expectate adhuc
[37]	modicum, quum propediem pro magnis et arduis nostris negotiis legatos habebimus apud
[38]	sedem apostolicam, quibus et de hac re commissionem faciemus specialem; nec dubitamus,
[39]	quin nobis ad complacentiam facturus sit praefatus dominus cardinalis cum voluntate sanctis-
[40]	simi domini nostri. Nos enim non relinquemus vos, nec ecclesiae vestrae necessitatem
[41]	negligemus, sed operationes nostras sollicitas adhibebimus, ut ipsius status prospere con-
[42]	servetur et exaltetur felicibus instrumentis, ut exinde et vos sub umbra pacis creatori nostro
[43]	servire et libertatibus vestris ecclesiasticis gaudere valeatis. Reliquam mentem nostram
[44]	bonam et propositum in hac parte erga vos et ecclesiam vestram ex dicto vestro nunccio
[45]	latius intelligetis. Datum Budae secunda die decembris anno domini etc. LXXXXI*. V ho-
[46]	fejsim pravóm cipu pfipsáno: Commissio propria domini Regis.

Text view • Facsimile