Facsimile Lines

82

Page

[1]	175
[2]	frunde gemacht sint, daz mit unserm wissen und willen getedinget und ubirredit ist durch
[3]	unsere frunde und helfere willen, die izunt hie bi uns uff desem tage zu Prage nicht
[4]	geinwertig sint, alzo daz wir von desem hutigen tage binnen acht tagen, die nest nach-
[5]	enandir volgen, alle unsere slos und unsere helfere in Polan und in Merhern und herzogen
[6]	Swantebur von Stettyn durch des willen, daz er uns verne gesessen ist, von desem hutigen
[7]	tage binnen virzen tagen, die nehest nachenander volgen, besenden und in dese sune und
[8]	fruntschaft verkundigen suln und zu wissen thun, daz sie ouch die von den slossen
[9]	in Polan und in Merhern nach desen acht tagen und der herzoge von Stettyn nach desen
[10]	virzen tagen furdir nicht schaden thun. Und was sich in desen nehesten acht tagen von
[11]	den slossen in Polan oder in Merhern, die unser oder unser helfere sint, oder von dem
[12]	herzogen von Stettyn egenannten binnen virzen tagen, die nehest nachenandir volgen nach
[13]	gebunge diz briefes wedir unsern bruder oder die sinen vorliffe oder geschee, darumb
[14]	sullen wir und die unsern von unserm bruder vorgenannt und sinen helfern unvordacht
[15]	sin und unbetedinget bleiben. Was abir nach desen acht tagen, alze vorgeschriben stet,
[16]	von unser oder unser helfere slossen in Polan oder zu Merhern oder von dem herzogen
[17]	von Stettyn vorgenannt nach desen virzen tagen, alze vorgenannt ist, von deses krieges
[18]	wegen, den wir mit unserm bruder gehabt hàbin, unserm bruder oder den sinen schade
[19]	geschee, den sullen wir im und den sinen wedir richten und keren ane wedirrede nach
[20]	geheisse und irkenntnisse unserer lieben swegere margraven Wilhelms zu Mizsen etc. und
[21]	ern Friderichs burgraven zu Norenberg; welche abir unsere helfere izunt mit uns hie zu
[22]	Prage sint, die sullen deser sune von stund an mit uns gebruchen und die sune halden ane
[23]	arg. Und das alles globen wir ouch unserm lieben bruder margraven Joste ane geverde
[24]	bi guten truwen ganz stele und veste zu halden. Wer ouch sache, da got vor sie, daz
[25]	margrave Wilhelm von Mizsen oder burgrave Frederich von Norenberg mergenannten
[26]	unsere lieben swegere vor ehaflir not oder wie Jas zuqueme uns vorsumeten und zwischen
[27]	unserm bruder und uns nicht ussprechen zwischen hie und ostirn, die schirst komen, so
[28]	_sullen wir furbaz der beredunge und berichtunge unser bruder und wir beidirsit ledig und
[29]	los sin und die briefe, die darubir gemacht sint, die wir unserm bruder gegeben habin
[30]	und er uns wedir gegeben hat, die unsere swegere von Mizsen und von Norenberg oft
[31]	genannt zwischen unserm bruder und uns getedinget habin, sullen furbaz nimmer kraft
[32]	noch macht haben. Des zu urkunde haben wir unser insigel wissentlich an desen brief
[33]	lassen hengen, der gegeben ist zu Prage nach gotes geburt dreizenhundirt jar darnach in
[34]	dem vier und neunzigsten jare am nehesten sunabunde nach sente Dorotheen tage der
[35]	heiligen jungfrauwen.
[36]	(Orig. Perg. h. Sig. im Archive des Klosters Raigern.)

Text view • Facsimile