Facsimile Lines

69

Page

[1]	361
[2]	CCCLXI.
[3]	Bores, castellanus in Riesenburg, monasterio Welehradensi duodecim mansos
[4]	in Welika, a Bohuslao patre suo ei collatos, confirmat. Dt. in Wiénow,
[5]	die 3. Martii, 1264.
[6]	Nos Borssho miseracione diuina castellanus in Rysenburch vniuersis
[7]	Christi fidelibus tenorem presentis cedule cognituris ad rei memoriam
[8]	sempiternam. Quoniam acciones hominum, quamuis sollempniter celebrate,
[9]	procedente tempore defluere consueuerunt, et propter rerum aut temporum
[10]	incertos euentus finem vix quandoque proprium sortiuntur, necesse igitur
[11]	est et congruum, ut ea, que a memoria decidere possunt et facillime anul-
[12]	lari, scriptis, que sunt indicium veritatis et testibus perhennentur. Noscat
[13]	igitur tam presens hominum etas, quam in Christo successura posteritas
[14]	hos apices inspectura: Quod ego Borssho de nostre gracie beneuolencia
[15]	duodecim mansos, qui leen vulgariter nuncupantur, ad opera ecclesie Wele-
[16]	gradensis olim a dilectissimo patre nostro Bohuslao in remedium sue
[17]	et suorum parentum. ac successorum animarum in villa nostra Wellica
[18]	collatos, perpetuo possidendos eidem ecclesie presentis scripti patrocinio
[19]	confirmauimus, concedentes liberaliter et volentes ut dicti mansi vel lanei
[20]	et eorum possessores sine omni excepcione in siluis, pascuis, aquis et
[21]	omnibus vsibus fructuariis atque omni libertate gaudeant, sicut nostri; hoc
[22]	solo excepto, quod iudicem et plantatorem per se habeant specialem, cum
[23]	quo ter in anno in iudicio, quod vulgo bandich dicitur, comparebunt, de
[24]	querimoniis, tamquam ceteri nostri homines, responsuri, nisi quod de satis-
[25]	faccionibus culparum. suo domino tenebuntur. Vt autem hec nostra con-
[26]	firmacio robur optineat firmitatis, presentem cedulam exinde conscribi iussimus
[27]	et sigilli nostri robore communiri. Si vero dictos laneos vendi contigerit
[28]	vel mutari, nulli alteri, nisi nobis aut nostris pueris commutentur. Testes:
[29]	Filius noster Zlavko. Wilhelmus de dolen. Bohuzlaus de zahon. Ludher
[30]	de Chotemicz. Nicolaus et Mikol fratres. Iohannes de Turnicz. Acta in
[31]	Wvlchenow anno domini MCCLXIIIL, indiccione vij. in dominica: Esto
[32]	michi, Amen.
[33]	E codice Welehradensi MS. fol. 42.
[34]	46

Text view • Facsimile