| [1] |
92 Č. 137: 5. července 1427.
|
|---|
| [2] |
Ich Ulreich von Rosenberg beken und tun kunt offenlich mit disem brief fur
|
|---|
| [3] |
mich und all mein eriben, das wir unverschaidenlich schuldig warden sein und gelten
|
|---|
| [4] |
sullen dem edeln herren herren Reimprecht von Walsee, hauptman ob der Enns,
|
|---|
| [5] |
unserm liben swager, und allen seinen eriben zwai tausent dreuhundrt und drei
|
|---|
| [6] |
und dreissig guter gulden ungerisch und ducaten, gerecht an gold und an gewicht,
|
|---|
| [7] |
die er uns zu sunder lieb und freuntschaft zu unsern grossen merklichen anligun-
|
|---|
| [8] |
den notdurften berait hat gelihen und der wir in, ob er nicht enwer, dann seinen
|
|---|
| [9] |
eriben, ausrichten und bezalen sullen und wellen von sand Gallen tag schierist
|
|---|
| [10] |
kunftig uber ain ganz jar unverzogenlich. Und zu pesserer sicherhait haben wir
|
|---|
| [11] |
dem vorgenanten unserm liben swager und seinen eriben darumb zu ainem rechten
|
|---|
| [12] |
furphant ingesazt und verschriben und verschreiben auch wissentlich in kraft
|
|---|
| [13] |
diz briefs unser klaster und stifte zum Hohenfurt, urbarleut und guter, merkten,
|
|---|
| [14] |
dorfern mit allen den eren, rechten, zinsen, nutzen, gulten, gerichten, vellen,
|
|---|
| [15] |
wiltpann, gejayd, welden, vischwaiden, teichen und mit aller ander zugehorung,
|
|---|
| [16] |
So zu demselben claster gehort, wie das alls genant odir wa das gelegen ist,
|
|---|
| [17] |
alles inbeslossen, nichts ausgenomen, zu geleicher wais, als unser vardern und
|
|---|
| [18] |
wir das unz her inngehabt und genossen haben ungeverlich in solher mass, ob wir
|
|---|
| [19] |
dem egenanten unserm swager herren Reimprechten von Walse, ob er nicht enwer,
|
|---|
| [20] |
dann seinen eriben, der vorgenanten sum gulden auf den egenanten tag nicht be-
|
|---|
| [21] |
zalten, so sullen und wellen wir in dann das egemelte unser claster und stifte,
|
|---|
| [22] |
urbarleut und guter mit aller zugehorung, als dann vorberurt ist, an widerred ab-
|
|---|
| [23] |
treten, sy der geweltigen und in inantwurten, an alle waigrung und an alles wider-
|
|---|
| [24] |
sprechen unverzogenlich und ungeverlich, die sy dann furbas besizen, innhaben,
|
|---|
| [25] |
nutzen und nyssen sullen fur die egenante summ gulden an abslag der nuz, als
|
|---|
| [26] |
dann saz recht ist, als lang unz, das wir sy der vorgenanten sum gulden genz-
|
|---|
| [27] |
lich gerichten und gewern. Wann wir sy auch mit dem vorgenanten gelt ermonen,
|
|---|
| [28] |
so sullen sy uns der lesung stat tun darnach in dem nesten maned an alle wider-
|
|---|
| [29] |
red und geverde und uns dan der vorgenanten urbarleut und guter mit aller zuge-
|
|---|
| [30] |
horung, als dan vorgemelt ist, wider abtreten und ze unsern handen antwurten un-
|
|---|
| [31] |
verzogenlich, getreulich und an geverde. Wir sein auch des vorgenanten sazes ir
|
|---|
| [32] |
rechter furstander, scherm und gewer fur all ansprach, als denn saz recht ist.
|
|---|
| [33] |
Gieng in ower an dem vorgenanten saz, urbarleuten und gutern und aller irer zu-
|
|---|
| [34] |
gehorung, als dann vorberurt ist, icht ab, odir das wir in das vorgenante urbar-
|
|---|
| [35] |
leut und guter, als dann vorgeschriben stet, nicht inantwurteten, wie sich das alles
|
|---|
| [36] |
fuget, nichts ausgezogen, und des sy zu schaden qwemen, wie dann der schad
|
|---|
| [37] |
aller genant und gehaissen sein mag, an all auszug, den der egenant mein swager,
|
|---|
| [38] |
sein eriben odir ir gewisser scheinpot an aid und an all ander bewerung gesprechen
|
|---|
| [39] |
mag seinen slechten warten, darumb zugelauben, denselben schaden zusampt dem
|
|---|
| [40] |
hauptgut sullen und wellen wir in genzlich ausrichten und bezalen; das geloben
|
|---|
| [41] |
wir in ze laisten mit unsern guten treuen ungeverlich. Und sullen sy das alles haben
|
|---|
