92 Č. 137: 5. července 1427.
Ich Ulreich von Rosenberg beken und tun kunt offenlich mit disem brief fur
mich und all mein eriben, das wir unverschaidenlich schuldig warden sein und gelten
sullen dem edeln herren herren Reimprecht von Walsee, hauptman ob der Enns,
unserm liben swager, und allen seinen eriben zwai tausent dreuhundrt und drei
und dreissig guter gulden ungerisch und ducaten, gerecht an gold und an gewicht,
die er uns zu sunder lieb und freuntschaft zu unsern grossen merklichen anligun-
den notdurften berait hat gelihen und der wir in, ob er nicht enwer, dann seinen
eriben, ausrichten und bezalen sullen und wellen von sand Gallen tag schierist
kunftig uber ain ganz jar unverzogenlich. Und zu pesserer sicherhait haben wir
dem vorgenanten unserm liben swager und seinen eriben darumb zu ainem rechten
furphant ingesazt und verschriben und verschreiben auch wissentlich in kraft
diz briefs unser klaster und stifte zum Hohenfurt, urbarleut und guter, merkten,
dorfern mit allen den eren, rechten, zinsen, nutzen, gulten, gerichten, vellen,
wiltpann, gejayd, welden, vischwaiden, teichen und mit aller ander zugehorung,
So zu demselben claster gehort, wie das alls genant odir wa das gelegen ist,
alles inbeslossen, nichts ausgenomen, zu geleicher wais, als unser vardern und
wir das unz her inngehabt und genossen haben ungeverlich in solher mass, ob wir
dem egenanten unserm swager herren Reimprechten von Walse, ob er nicht enwer,
dann seinen eriben, der vorgenanten sum gulden auf den egenanten tag nicht be-
zalten, so sullen und wellen wir in dann das egemelte unser claster und stifte,
urbarleut und guter mit aller zugehorung, als dann vorberurt ist, an widerred ab-
treten, sy der geweltigen und in inantwurten, an alle waigrung und an alles wider-
sprechen unverzogenlich und ungeverlich, die sy dann furbas besizen, innhaben,
nutzen und nyssen sullen fur die egenante summ gulden an abslag der nuz, als
dann saz recht ist, als lang unz, das wir sy der vorgenanten sum gulden genz-
lich gerichten und gewern. Wann wir sy auch mit dem vorgenanten gelt ermonen,
so sullen sy uns der lesung stat tun darnach in dem nesten maned an alle wider-
red und geverde und uns dan der vorgenanten urbarleut und guter mit aller zuge-
horung, als dan vorgemelt ist, wider abtreten und ze unsern handen antwurten un-
verzogenlich, getreulich und an geverde. Wir sein auch des vorgenanten sazes ir
rechter furstander, scherm und gewer fur all ansprach, als denn saz recht ist.
Gieng in ower an dem vorgenanten saz, urbarleuten und gutern und aller irer zu-
gehorung, als dann vorberurt ist, icht ab, odir das wir in das vorgenante urbar-
leut und guter, als dann vorgeschriben stet, nicht inantwurteten, wie sich das alles
fuget, nichts ausgezogen, und des sy zu schaden qwemen, wie dann der schad
aller genant und gehaissen sein mag, an all auszug, den der egenant mein swager,
sein eriben odir ir gewisser scheinpot an aid und an all ander bewerung gesprechen
mag seinen slechten warten, darumb zugelauben, denselben schaden zusampt dem
hauptgut sullen und wellen wir in genzlich ausrichten und bezalen; das geloben
wir in ze laisten mit unsern guten treuen ungeverlich. Und sullen sy das alles haben
