Javascript seems to be turned off, or there was a communication error. Turn on Javascript for more display options.
z roku 1599, 24. ledna. 109
Sigismundo Chlumensi quod humanum accidit, aequiore animo est ferendum,
quia et per aetatem non diu superesse et propter afflictam valetudinem misere super-
esse potuisset. libi autem quod hereditas ampla, ut opinor, obvenit, quandoquidem
et opes inter divinae benedictionis munera numerantur, gratulor, utque diu tibi et
frui et uti illa liceat, ex animo precor, ac utinam pacate etiam, sed vereor praesertim
de ea, quae apud nos obtigit, parte. Nam Zahradecii meo iudicio praevalebunt, ad
quos de iure sororis successio legitima pertinet; nam eorum bonorum, quae post
mortem Chlumecii occuparunt, ad illum. ususfructus solus vivente coniuge, ad sororem
autem eorum proprietas pertinuit, quae quia intestata decessit, quis alius prae fra-
tribus hereditatem adire potest ?
Ne vero te id moveat, quod sub exitum iudiciorum Brunensium Radesinio
negatum est vel inspicere tabulas publicas vel insertionem pagi et praedii Rascovi-
ensis descriptam accipere; nam longe alia apud nos quam apud Dohemos tabularum
publicarum ratio est, quae adeo stricte observatur, ut vix attiugere illas aliis liceat
quam .iis, qui in magistratu sunt et ex officio earum curam gerere debent. Accedit ad
id, quod nemini copia fit ullius seripti in illas illati, nisi nominatim ad eum, qui
exemplum scripti postulat. pertineat vel appareat pertinere. At hie nulla Chlumiorum, ut
ex scheda apposita, quam aliunde descripsi, cognosces, fit mentio, sed tantum matris et
sororis Zahradeciorum, ac proinde Radesinio nomine Chlumiorum petenti non potuit
concedi, nisi violatis nostris consuetudinibus. Habes tamen, quod petisti, licet aliunde
descriptun, neque ullum aliud in tabulis publicis extare huius praedii monumentum
vel instrumentum certo tibi persuadeas. ludicabis igitur, utrum avunculo tuo quid
iuris in his bonis fuerit necne, et facile apud te, quid in posterum vel conandum vel
sperandum tibi sit, conicies. Pecuniam tamen, quam uxor Chlumi à marito mutuo
accepit et qua emptioni satisfecit, poteris ab heredibus repetere; sed timeo, ne mors
avunculi tui moram aliquam tibi et alteri heredi attulerit, de quo fortassis faciet te
Radessinius certiorem.
Nova nunc silent, ea praesertim, quae tuis auribus digna sunt; reliquis, quae
vulgus spargit, nolo tibi molestus esse. Et ne diutius tabellarium tuum, qui iam a re-
ditu meo quartum diem hic haeret, detineam (non enim licuit propter alias molestas
occupationes ipsum citius expedire), finem longiusculae huic epistolae imponam, brevi
te aliis literis salutaturus, quibus nonnulla de meo et patriae statu exponam. Interea
ut quam optime valeas, Deum aeternum toto pectore oro. Rossicio 24. Jan. 99.
Копс. v knih. Bludov. 3881— VI. fol. 14. €. 9.
