Javascript seems to be turned off, or there was a communication error. Turn on Javascript for more display options.
2 roku 1592, 2. ledna —20. března. 37
49.
VawFinci Suchartovi: o oblehání Rouenu a o stavu vojska, o své chorobě, jíž 4 dny byl poután,
na lože; dostal dosud toliko jediný list z domova. — V tábore pred Rouenem 20. března
1592. (Ch.)
(D. Laurentio Sucharto.) S. D. Quarto nonas Januarii exaravi ad te episto-
lam, in qua de meo in Galliam adventu, de valetudine, de statu rerum mearum et
de obitu Curtini certiorem te feci. Illam acceperis nec ne, ignoro. Ex eo tempore
quominus ad hunc usque diem scriberem aliquid. rex praecipuo mihi fuit impedi-
mento, qui adventante Parmensi, prout res poscebant, varie huc et illuc nos circum-
duxit, opponens quandoque imminenti hosti, quandoque recedenti immittens. Hactenus
bellum gestum incruentum.sine multa caede et sanguine; quid in posterum expectan-
dum, novit Deus, cuius auxilium. et praesentiam et mihi privatim imploro et uni-
versis copiis nostris; quae quidem his mensibus maximae fuerunt, praesertim equestres,
sed nunc abscessu hostium immünutae. Ex undecin millibus equitum vix quinque
superesse puto. Galli plerique domum «quisque suam redierunt. Germani soli regi
praesto sunt. Pedestres copiae fame, egestate, morbis fere universae absumptae, ferro
pauci perierunt, nunc supplementum comparatur. Ordines Hollandiae duo millia pe-
ditum, regina Augliae totidem, ut hac ipsa hora affertur, auxilio misit. Veteranorum
adhuc ex omni gente ad sex aut septem millia supersunt. Obsidetur autem nunc
Rothomagum, at non oppugnatur, ambigo. consilione nostrorum ducum, au imperitia.
Flumen, quod urbem praeterlabitur, navigiis undique occelusum, ne commeatus impor-
tari queant. "l'errestria. itinera a nostris militibus obsidentur. Cibariorum, ut intelligo,
magna in urbe penuria, quod sane et ex eo colligere est, quod singulis noctibus
magnum numerum puellarum et foeminarum emmittant, quarum pudicitia nostrorum
libidini exposita quam in tuto sit, ipse iudices. Qui urbi praeest, vir cordatus est et
magnus cum regis tum religionis hostis. — Reliqua multitudo urbanorum in partes
scissa, maxima tamen nobis favet, sed vi in officio continetur. Superioribus mensibus
arcis, quae de monte urbi imminet, oppugnatio iustituta, sed virtute hostium repulsi,
magno cum dedecore nostro ab illa destitimus. Aberat tum rex cum equitatu Par-
mensi obviam profectus, quam illi occasionem nacti. in. nostros impetum fecerunt
magno momento, et occisis, qui resistebant, fugatis caeteris, vallum nostrum et cuni-
culos duorum mensium operam disiecerunt et, quod summum est et maxime infamiam
auget, tormentorum aeneorum maximam partem nullo impediente abduxeruut. Et haec
summatim de rebus hactenus gestis. Mihi per haec tempora beneficio divino prospera
et constans valetudo fuit. Profluvium ventris quatriduo me in lecto continuit, ante
et post semper bene habui. Vos quo nunc iu statu sitis. ignoro. Semel tantum domo
literas accepi, illas, quae sub finem Decembris scriptae. Spero vos recte valere. quia
id maxime cupio et te praesertim, cuius curae reliquorum valetudo est communissa.
