Javascript seems to be turned off, or there was a communication error. Turn on Javascript for more display options.
z roku 1610, 5. května. 501
verto. Cum itaque vix ullum hoc rerum statu videam exitum laborum, turbisque et
periculis plena cernam omnia, ac cam ob rem minime intelligam, quo jure, patria
deserta, indulgere ipse mihi et visendis amicis animum relaxare possim, novum ad
preces mihi refugium est: si quid aliter fieri nequeat, proferri bona venia tua ad-
ventui diem peto, tantisper saltem conniveri in crebra mearum excusationum
iteratione, dum vel sine periculo abire hinc, vel sine metu et curis versari apud
vos permissum mihi fuerit. Piget me, toties variasse promissa, toties expectationem
tuam fefelisse; sed necessitate peccatum, non voluntate, quis non vidit? Id ipsum,
quod stare dictis nequeo, poena mihi est; absit, ut aliam imponas. Permitto me
tibi tamen, a tam aequo judice nihil iniqui expectans. Caeterum Vercium tibi
commendo, quid poscat, quid sibi deberi arbitretur, melius ex ipso intelliges, quam
a me possit indicari, cum mihi de servitiis vobis ab ipso praestitis aliter non constet,
quam quatenus ab eo familiaribus in colloquiis obiter aliquid excepi. Commendo
autem eum co diligentius, quia ab aliquot meusibus domesticus mihi factus est. De
publicis ad. Tschernemelium nostrum perscripsi: nolo actum agere; ab eo accipies,
si quid dignum communicàndo iudicabit. Paucissimis attigi conjunctionem a princi-
pibus Germaniae nobiscum expetitam, tecum autem de ea nullum verbum, ne me
perstringas, ut soles, non in tanta aestimatione esse apud me vires imperii, iu quanta
par sit. At mihi injuria fit hac in parte; imo hoc ipsum est, quod timeo, ne ab
amplitudine ista parvitas nostra absorbeatur, ne potentia illa imbecillitatem nostram
vel conculcet, vel negligat, ne conjunctio, quam inibimus, subjectionis sit initium,
ne pomum Kridis objiciamus concertantibus diis, ne dum securitati nostrae nimium
studemus, certioribus et maioribus implicemur periculis. Speciose sane id esset in
vulgus et pulchrum! Verum ni nosti prius, ex fabulis disce, quid urnae fictili Ша
ahenea societas profuerit. Quis neget multum accessisse splendoris caesari ex lega-
tionibus Persicis, at auxilii et utilitatis quantum est? Considera preterea attentius,
eur comites nostri uno excepto Ottingio e foedere exclusi, civitates ascitae; cur
ante aliquot annos Delgicae provinciae, tantis opibus florentes et summa contentione
aunitentes, nunquam tameu impetrare potuerint, ut arctioribus vinculis corpori imperii
iligarentur. lIaec dum perpenderis, non despicere me magnitudinem imperii (cujus
enim hoc esset dementiae), sed metuere animadvertes, et mutata sententia rectius
de me imposterum judicabis. Sed satis ista sunt, ne dum ne verbo rem tantam
tetigisse videri volo, paginam impleam. Vale, illustrissime Riccarde, et filios valere
scito. Illustrissimae conjugi tuae, filiae meae plurima observantia colendae, plurimam
salutem meo nomine imperti. Ross. III. No. May. Tui non minus observantissimus
quam amantissimus C. Z.
Konc. v knih. Blud. VI—3881 fol. 161v 6. 24.
