1127

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

roku 1592, 2. ledna. 33

maintenant, bien que ie scache que vous en serez informé plus au vray et plus particulièrement par la despeche que le roy vous fit faire devanthier; neantmoins ie ‘vous diray çe dont le monde parle et qui est notoire à tous, puisque tant est qu’on me cache les secrets qui toutesfois se divulgent aulx aultres dont ie les appren. Il “y à près de deulx mois que le marechal de Biron arriva devant Roan, et environ cinqu sepmaines que le roy y est. En l'espace de tant de temps on n’a faict aultre chose sinon une tranchée qui commence environ trois ou quatre cent pas du fort et est desia tellement avançée que devanthier nos soldats estoyent desia logés au pied de la contrescarpe du fossé contre la pointe de lun des esperons, en espérance d'entrer la nuict passée dans le fossé et s’y loger si fort que les casemattes que çeulx de dedans ont faictez ne les puissent nuire, et afin qu’on ne les puisse en- dommager d'enhault, le roy a faict planter en divers lieulx environ douze pièçes de gros canon dont il battera la courtine et les baloards, çe qui gardera les ennemis de paroistre et les nostres pourront à leur aise sapper la courtine pour faire une mine ou bien quelque aultre ouverture qui leur donne entrée daus le fort. Il y a deulx forts, celuy qui est attaqué s'appelle le vieulx et est merveilleusement fortifié et bien accomodé, l'aultre s'appelle le nouveau, au dedans du quel est l'abbaye de Sainete Catherine; le premier prins, cesluy €i sera bien aisé à prendre, mais hoc opus, hic labor est: Je n'ay pas opinion que cela se puisse faire sine coede et san- guine, car n'estant le fort attaqué que d'un costó et la ville totalement hors de danger, on y peult mettre tant de gens de défense qu'on veult, oultre les habitans de la ville qu’on employe à bastir et à fortifier. Au contraire le roy a peu de gens, les François pour n’estre point payez servent presques contre leur gré, les lanz- knechts la plus part morts ou malades, les Anglois des mesmes, neantmoins avec tant des difficultés. Le roy a un merveilleulx courage, va tous les iours à la tran- chée, s’expose aulx dangers et combien que il voit tomber des gens morts costé à costé de soy, ne laisse pourtant d'y aller mesmes de nuict et s'en donne tout aultant de peine que vous fairiez de vous aller pourmener à la grand sale du chasteau. Et combien que ie ne voy point encor grand apparençe de gagner Roan, ‘si çe n’est avec la longueur de temps, si est ce qu'il s'asseure de s'en rendre maistre devant le quinziesme de Fevrier, qui pourra estre si en continuant de battre le fort, il attaque d’aultre costé la ville en un endroit ou deulx, çe qu’il faira aisément si la reine d’Angleterre luy envoye plus des gens qu’elle n’a faict ces iours passez avec le conte d’Essex lequel a amené environ mille ou douze cents bons soldats des vieilles garnisons du Pays-Das; et c'est la cause à mon opinion pour laquelle M'. du Plessis y va, à sçauoir pour luy persuader d’en envoyer encor deulx ou trois mille d'aultres. De l'artillerie il en a beaucoup et est desia arrivée par eau, çelle que les Hollandois luy ont prestée. Il ne manque point aussi des munitions, et Archiv Ceskÿ XXVII. 5