Javascript seems to be turned off, or there was a communication error. Turn on Javascript for more display options.
— 549 —
Alleine das sei, daz czwischen uns, dem durchleuchtigen
Wenczlaw, kunige zu Behem, unserm lieben sune, und dem
hochgebornen Johansen marggrafen czu Merhern, unserm lieben
bruder, an eynen teyl, und den hochgebornen Albrechten und
Leupolden herczogen zu Osterreich, zu Steyer und zu Kernden
ec. unsern lieben sunen, an dem andern teil, eyne vermachunge,
ordenunge und vereynunge unser aller furstentum, herschefte
und lande gemachet und verbriefet sey, und die kurfürsten
des heiligen reiches beide, geistliche und werltliche, von uns
allen dorumb gebeten sein, daz sie czu den genanten ver-
machunge, ordenunge und vereynunge der lande und zu den
briefen die doruber geben sint, ire gunst, willen und wort
geben wellen, uud sie ouch dasselbe tun werden, als wir uns
des mit hilfe Gotes genezlichen versehen. Doch ist unser mey-
nunge und leutern das mit keiserlicher mechte vollenkumenheit,
daz dorumb der egenante hochgeborne Johans, marggrafe
czu Merhern, unser lieber bruder, seine kint, erben und
nachkomen, marggrafen ezu.Merhern, von wegen derselben
‘marggrafschaft dem römischen reiche und den kurfürsten
nichtes verbunden sein in dheineweis, und daz sie mit!
niemanden anders zu tun haben und zu niemanden anders
zuvorsicht haben sullen, nur alleine zu kungen czu Behem,
iren lebenherren.
| Auch meynen und wollen wir, das nach allen teidingen,
der wir mit den egenanten herczogen czu Osterreich und
mit andern fursten ubereynkomen sein, wie sich die ver-
laufen haben und vorbriefet sein oder fürbaz geschehen und
vorbriefet wurden, allewege sulche brieve, als der egenante
marggraff Johans, unser lieber bruder, von uns hat über die
marggrafschaft czu Merhern, die ym in der teilunge worden
sein, und alle ander brieve, die er von uns hat, in allen iren
meynungen, sinnen, pungten und artikeln, von worte czu
worte, als sie begriffen sein, ganz und unverruket in iren
kreften stetlichen und eweclichen bleiben sullen.
Mit urkund dicz briefs vorsigelt mit unserm keiserlichen
insigel, der geben ist zu Snayme, nach Christus geburte
dreuczenhundert jar, dornoch in dem sechs und sechcigsten
m
