Javascript seems to be turned off, or there was a communication error. Turn on Javascript for more display options.
— 519 —
gab in dhainen wege weren: di sullen irr, uppig, tot und abe
sein und dhain krafft haben noch gewinnen, wann wir in
solcher geschichte mit diesem briefe wissentleich abnemen,
vernichten, tötten und widerrufen genzlich, und soll allain
diser brife und des geleiche von und nach allen anderen
briefen, die dise sache berüren, in seiner kraft genzlich und
ewicleich beleiben, an alle geverde und arge liste.
Und wir, der vorgenant kaiser Karl von Rome, haben
auch als ein rómischer kaiser wissentlich mit kaiserlicher
mechte volkomenhait dise vorgeschriben ordnunge, gab und
gemechtnus durch frides und gemaines gutes willen, nach rate
der fürsten des heiligen reiches, geistlicher und weltleicher,
die dazemal bei uns waren, baiden thailn verhenget, gegiinnet,
beweret, bevestet, bestetiget, recht und redleich, verhengen,
eünnen, bewüren, bevestenen und bestetigen si auch fur uns
und unser nachkomen an dem heiligen reiche, ewicleiche mit
disem briefe, in aller der masse, als vorbeschaiden ist, an alle
geverde. Und ob das wer, das dhain kaiserleich recht oder
gesetz, die nu funden und geschriben sint oder hernach
funden und geschriben werden, wider dise vorgeschriben unser
gemächtnuss, ordnung und gabe in dhainen wege, alleclich
oder bey tailen, weren: die nemen wir abe, widerruffen, tötten
und vernichten si in disen sachen mit unsern kaiserleichen
gwalt, gentzleich und ewicleich, wan wir wellen und mainen
in dem namen, als vor, daz dise gemechtnusse, ordnung und
gabe auf baiden tailen ewicleich in ganzer und vester stetig-
kait unverbrochenleieh beleibe und gehalten werde, in aller
masse, als vorbescheiden ist, an alle geverde.
Darumb von baiden vorgenanten tailn gepieten wir
vestikleich, bey unsern hulden, allen unsern geistlichen und
weltlichen fürsten, prelaten, grafen, freyen, dienstleuten, lant-
herren, rittern und knechten, purgern und lantsezzen auf dem
lannde und in den stetten, und allen unsern untertanen
gemainleich, in welehem wesen und wie sie genant sein, daz
Sj die vorgenant unser ordnung, gemechtnus und gabe und
soleh geschichte, als vor geschriben stet, geloben und sweren
ze den heiligen, stete ze halten und ze volfuren genzlich,
