Francouzská Hussitica

This is where the footnotes go.

View options

Show: Formatting <lb> Images - Tags: Lemma

Javascript seems to be turned off, or there was a communication error. Turn on Javascript for more display options.

53b

54?

Tierce partie.

Item, pendant le tempz que on feroit les choses dessus dictes, ennvoyer devers |' empereur et lui signifier, comment nostre Saint Pére a induit monseigneur le duc etc. de se emploier à la destruc- tion des Housses felous herittes, et aussi la bonne volonte que pour l' amour de nostre toy chrestienne mon dit seigneur a à ceste sainte besongne. /

Item, demonstrer à l' empereur, comment mon dit seigneur se dis- pose de aller contre les dis ennemis et auroit mon dit seigneur grant joye que les affaires du dit empereur fussent disposez de se employer contre les dis herittes à ceste saison prochaine, et en ce cas mon dit seigneur le yroit ac[c]ompaignier à toute puissance, car c’ est le prince du monde que mon dit seigneur veroit le plus volentiers en sa conduite d’ armes, car il lui samble que a tous jours mais il en vaulroit de mieulx.

Item, en oultre prier au dit empereur, que ce que mon dit seig- neur le dict fait en ceste partie, il le vuelle avoir pour agréable et le avoir pour recommande en lui baillant ses lettres patentes par lesquelles il mande aux princes, prélas, gardes de bonnes villes ditez fortresses et passages de l’ empire que à mon dit seigneur et à ses gens face toute ayde conforte et assistense en lui baillant ouverture et passage durant ceste présente armee et lui administrant Vivres pour son argent à pris raisonnable, icelles lettres le plus au prouffit de mon dit seigneur que l’ on pora obtenir.

Quarte partie.

Item, que sceu l’ intencion de notre Saint Père et de l’ Eglise sur les requestes dessus dictes qui doit donner à mon dit seigneur la fondacion principale de son entreprinse, et meismement en fait de finances mon dit seigneur porra selon ce faire son mandement grant moyen ou petit. /

Item, il samble que le légat venu ès parties de par deca et lui assamble avec les princes et prélas et aultres notables gens bien affectez en ceste matère tant d’ Eglise comme nobles, il deveroit ordonner notables predicacions qui par toutes les églises et parois- ces de par deca seroient preschies par pluseurs jours solempnez et par icelles predications on porroit à l’ ayde des princes et pré- las et de leur[s] officiers et des loix, des citez et bonnes villes mettre sus une finance qui se prenderoit sans exception de personne sur chacune certain taux d’ argent outant que leur devocion porteroit,

94