2 let 1412 a 1413. 401
Dorffe zu Malina sich beyderseyt gemort, gebrant vnd swerlichen an einander be-
schedigt vnd beleydigt hant an iren Leiben vnd Gutern; als wir das wol vernomen
haben. Ydoch so haben wir dorumbe des egenannten Aptes vnd seines Conuents,
vnd ouch des Hofmeisters, Richters, Scheppfen vnd der Gmeinde des Berges zun
Chutten, vnser liben getrewen, Clage, Rede vnd Antwort zu beyder Seyte von der
egenannten Geschichte wegen in Gegenwurtikeit vnserr Rete leiplichen verhort, vnd
dorvs mitsampt vnsern Reten nieht anders erkannt vnd erfunden, dann das die ege-
nante Geschicht czwischen beyden Teylen mit des egenannten Aptes vnd seines
Conuentes vnd ouch .des Hofmeisters, Richter, Scheppfen vnd der Gmeinde des
Berges zun Chutten vorgen[anten] Wissen, Willen vnd Vorhengnusse nicht geschehen
sint, sunder sich mit dessclben Aptes vnd Conuents Richters, Lewten vnd Vndersessen,
vnd der egenannten Hawere des Berges vnd iren Nachfolgern eygen Mutwillen vnd
Freuel verlofen haben, das do beyden Teylen leyt ist, als wir das an in mit vnsern
Reten wol erkant vnd erfunden haben. Dorvíf ouch der Hofmeister, Richter, Scheppfen
vnd die Gmeinde des Berges vorgen[annt] ire Vnschult vor vns vnd vnsern Reten vnd
Amptlewten vormals vnd ouch nu wol beweist vnd sich der Sachen erberleichen recht-
geuertigt vnd vorantwort haben, die wir ouch von in gnediclich vfgenomen hant.
Vnd vff das, das czwischen dem egenanten Apte vnd seinem Conuente, iren
Richtern, Lewten vnd Vndersessen, mit dem Hofmeister, Richter, Scheppfen vnd der
Gmeyne des Berges zun Chutten, vnd sust andern iren Lewten vnd Vndersessen,
sich furbasmer in kunftigen Czeiten von der egenannten Geschicht wegen dhoinerley
Kriege, Stosse vnd Czweytracht von newes erheben, vnd nemlichen, das wir vnd
vnsere Nachkomcn, Kunige zu Beheim, an vnsern Berkwerken des Berges zun
Chutten douon dheinerley Schaden nemen noch entpfahen: so haben wir mit wol-
bedachtem Mute, gutem Rate vnd rechter Wissen alle vnd ygliche Kriege, Czwey-
tracht vnd Stosse, die czwischen dem egenannten Apte vnd seinen Conuente, seincn
Richtern, Lewten vnd Vndersessen, vnd dem Hofmeister, Richter, Scheppfen vnd
der Gmeine des Berges, von der egenannten Geschicht wegen gewesen sint vnd
sich erhebt hant, als sie des beyderseyte an vns vnd vnsere Rete mechticlich komen
sint, genczlich vnd gare abgetan, hingelegt vnd entscheiden, abtun, hinlegen vnd
entscheiden die mit rechter Wissen, vnd sprechen vnd seczen mit Craft dicz Briues
vnd kuniglicher Macht zu Beheim, das der egenannte Abte vnd sein Conuent, seine
Richtere, Lewte vnd Vndersessen, vnd der Hofmeister, Richter, Scheppfen vnd die
Gmeine des Berges zun Chutten vnd ire Lewte vnd Vndersessen, furbasmer gute
Frunde sein sollen, vnd ein Teil dem anderm die egenannte Geschicht, die sich, als
oben geschriben steet, an irer beyder Willen, Wissen vnd Vorhengnuss verloffen
haben, nicht vfheben, furwerfen, noch dorumb mit Worten oder mit Werken furbas-
mer ewiclichen nicht anlangen noch bekumern in dheine Weis.
Archiv Cesky XIV. 51
