82

332

die zue unserem frumen und nutz angelegt haben. Die vorgenanten zehen marck grosser geloben wir ihm oder dem, wer den brieff mit des vorgenanten pruder Hanns gutten willen inn haben wirt, an minnerung und an alles gever unvertzogenklich auf die vorgenanten tag zue geben, als lang, das wir die vorgenanten prüder aus unserem stift auf sinen beweisen und zaigen als sichern plosen ewigen zinns auf rechtem erb und auf wolgestiftem gutt bey zweien meilen von der statt zue Crumpnaw auch auf sand Georgen tag fünf marck und auf sand Michaelistag fünf marck ewigis plos zinns. Und ob wir vorgenanten richter und schephen dem egenanten pruder Hannsen und dem convent oder dem, der den brieff wirt haben mit seinem gutten willen, den obgenanten zinns nicht geben zue rechten tagen, als vor begriffen ist, so soll zue handt der richter und der burgermeister, die die zeitt sein oder der schephen einer, wenn sie gemant. werden, einreitten zue Znoym in die statt in ein erbar gasthaus, wo in von den vorgenanten pruder Hanns oder von den, die den briff mit seinem gullen willen inhaben werden, eingezeigt wirt, iglicher mit einem knecht und mit zweien pferten und doselbst inligen und laisten als inligens und laistens recht ist in dem landt zue Merhern, und nicht ausz zuekommen auf kein recht, uncz das in der vorgenante zinnsz an mynnerung gantz und gar bezahlt wirt. Wer aber, das sich die laistung vierzehen lag verzug nach der manung, es wirdt gelaist oder nit gelaist, so geben wir den vorgenanten die macht und kraft, den obgenanten zinnsz und allen den schaden, den sie genohmmen haben, mit redlicher beweisung zue nehmmen zue Juden oder Christen auf all unser und unser erben schaden und des rates und der gantzen gemein des marcktes zue Hostraditz schaden; und für sich scholl gelaist werden, uncz das ihn all schaden, die sie redtlich beweisen mochten, gantz und gar werden verricht und bezahlet. Auch geben wir vorgenannten herrn iu den gewalt, auf zue halten und zue pfenden und zue hindern an allen stetten unser leutt und ihr gutt als lang, das in genug geschicht, es sey mit eigen kraft oder ander hilff an widerredung geistlich oder weltlichs gericht. Auch geloben wir vorgenant richter und schephen die ietzund sein oder hernach werden, und die ganize gemein desz marcktes zue Hostradilz von geheissen unsern vorgenanten genedigen herren willicklich alles das stett zue halten, das oben an dem briff geschriben steht. Desz zue einer waren sicherheit und bestetigung haben wir vorgenante all unsere insigell an den briff angehangen; auch haben wir gebeten die vesten und unser lib und getreu manne Marquarten von Pechticz, die zeitt burggraff zue Tempelstein, Przibiken von Polan, Hannsen von Bedrowicz, dasz sie ihre insigell zue gezeugnusse der sache sue unsern insigeln an den briff an haben gehangen, der geben ist noch Christi geburt dreizehen hundert iar darnach in dem siben und neün- zigsten iar am nechsten milichen nach dem neuen iar.

(Aus dem Archive des Stiftes s. Thomas in Altbriinn F. 36. n. 624.)