z roku 1600, 80. září—26. října. 157
accusarim. Quac etsi vera sunt, non magna tamen opus habent excusatione, nam
nihil a me admissum, quod non facillime et multis modis defendi posset.
Interim tamen, sed clam, aliis criminibus impugnor, quorum praecipua sunt:
nullum in hac esse proviucia atrociorem catholicae fidei hostem et haereticae pravi-
tatis acriorem propugnatorem, imo [saltem] eius patronum, ut me prostrato illam
quoque rüere necesse est; nullum infensiorem domus Austriacae et imperii, quod
familia illa in nos habet, adversarium; hinc fieri, ut, si quae nomine imperatoris
in consiliis proponantur, ego solus illa impugnem, si beneficium quaeratur, ego
impediam ; hinc iter in Galliam enatum et pecuniam regi mutuo datam, ut patronus
adversus caesarem pararetur. Id quia non successit, alia quaeri auxilia, imo eo
insaniae devenerunt, ut etiam cum electore Palatino me conspirasse affirment in
caesaris et huius regni perniciem. Haec quidem non publice proferuntur, sed tacite
tamen sparguntur in vulgus, ut faci[lius] odium hominum mihi concilietur.
Ad dicendam causam sum nomine imperatoris citatus Pragam ad 1. Decembris.
Judices haud dubie maxima ex parte ex numero adversariorum constituentur: de
me quid fi[et] tu conjice. Attamen in omnibus his periculis et difficultatibus meis
ad Deum solum confugio, quem [non] passurum, ut penitus deprimar, certa fiducia
mihi persuadeo. Si litterae hae sub eos dies ad te pervenerint, succurre precibus
tuis ad impetrandam divinae miserationis opem.
Venio nunc ad epistolas tuas, quarum tres a 2. Maii, [..] Julii et Cal
Sept. his mensibus ad me pervenerunt, et ultimae quidem proxime elapsa hebdomade
Pragae mihi sunt redditae. In deliberatione pristina eo magis persisto, quo magis
urgeor ab adversariis; et quia consilio tuo omnem mihi scrupulum exemisti, nihil
me retinet, quominus rem aggrediar, quam controversia haec, quam mihi moverunt
hostes mei; quae quoniam imperatorem quodammodo contingere videtur, non esset
ex re mea, imo non absque periculo, distractionem bonorum hoc tempore tentare:
quia enin actiones meae omnium nunc oculis subiectae sunt, et qui mihi male
volunt, iu omues occasiones intenti sunt, per quas via aliqua aperiatur ad oppri-
mendum me falsis calumniis, nulla magis optata offerri illis posset hac ipsa, qua
plausibiliter imperator posset persuaderi, me ad hostes ipsius transitum meditari.
Proinde paulisper quiescere statui, dum haec tempestas aliquantulum remiscrit, ut
et tutius et minore cum difficultate id, quod in animo habeo, exsequar. Argentina
non placet multis de causis nec ullus locus, qui dominum quempiam agnoscat; Da-
silea cum consiliis meis maxime conveniret. Ex condicionibus propositis aridet po-
sterior, qua nimirum in annos aliquot creditum constitueretur, quibus elapsis facta
semestri denunciacione posset vel universa vel pars summae a me repeti. Sed de
his fusius agemus, cum pecunia erit in promptu.
