— 241 —
233. Unio inter Joannem regem et Fridericum
marchionem Misniae.
1344, 20. Septembris.
Wir Johans, von Gotis genadin kunig zeu Beheimen vnd
graue zcu Lutzemburg, bekennen offinlichin an disem gein-
wertigen briue und tun kunt allen den, die in sehent oder
horin lesen, daz wir dem durchluehtigin fursten, herren fride-
riche, lantgrauen zeu Duringen, marcgrauen zeu Orlamund,
Myssene und in dem Ostirlande, grauen zeu Orlamund vnd
herren des landis zeu Plyssen, vnserm liben swagere, mit
guten truwin an eydesstat gelobit habin vnd geloben auch
an disem selbin briue, daz wir alle die, di im sinen landen
oder sinen luten zeu schaden, oder sinen widersachin vnd
vinden zcu hulffe oder zcu frumen durch vnsere lant sullen
zcihen lazen, sundern wir sullin sie irre vart hindern, so wir
meist mügen, ane allerley geuerde.
Iz ist ouch geredit ab vnser vorgenanter swager, der
marcgraue, sine lant oder sine lute von ymande, der oder
die in unsern landen gesezzen weren, geraubit wurden, von
dem oder von den sullen wir zcu hant, als iz vns oder
vnserm hauptmanne oder amptmanne in der burg zecu Prage
vorkundigit wirt, binnen einem manden, der allernest dar-
nach get, rechtes helffen. 'Teten wir des nicht, also daz der
oder die, die beschuldiget wurden, rechtiz vzgingin, so sullen
wir vnserm egenantin swager dem maregraffen wider die
selben mit der hant ane geuerde heltfen.
Were ouch keiner, der in denselben vnsirs swagirs
landen raubete, behuset und besezzen in vnsern lande vnd
ginge rechtiz vz, wenne er beschuldigit wurde, also das wir
sine vesten besitzen musten, wenne wir dem maregrafen oder
sinem houptmanne in dem lande zcu Myssne daz dry wuchen
vor vorbotscheften vnd enpiten, so sal er vns funfzcig man
mit helmen senden, den wir koste besorgin sullen, wenne sie
in vnser lant kumin vnd di wise sie dar inne vns zcu hulffe
bliben. Nemin diselben in vnserm dinste schade, den sal vnser
swager, der maregraue, selber tragin; nemin wir abir frumin
Codex jur. boh. IL. 1. 16
