— 114 —
Wir, der cheiser, sullen dem chunig von Beheim ouf die
von Berne nicht beholfen sein und sol vns ouch dar vmb niht-
manen; wir wollen ouch in wider den chunig nicht beholfen
sein, sunder sullen wir sie friuntlich weisen mit vnsern brifen
vnd botschaften, daz si im widergeben vnd lazzen volgen, daz
si im genomen habent. Wolten si aber des niht gehorsam sein
im wider ze geben Prichse die stat vnd swas sie im genomen
habent, do mag er si an greifen an allen guten, die si inne
habent, vnd daz sol niht wider vns sein.
Wer aber, daz wir, der cheiser, den von Berne zulegten
vnd beholfen wern, so mag vnser vorgenanteer swager, der
chunig, vns manen vnd sullen wir im tun, als unser brif sprechent.
Ouch schatzen wir, der chunig von Beheim, daz wir
vnserlehen von vnsern herren, dem cheiser, empfahen sullen
von virtzehen tag nach dem oster tag, der schirist chomet,
vber ein iar an alles vertzichen, wir mugen sein dann mit
seinem guten willen vnd gunst lenger vberik werden.
Wir, der cheiser, nemen ouz mit namen vnser oheym von
Osterich vnd alle vnser vettern, pfaltzgrafen bey Rein vnd
hertzoge in Obern und in Nidern Beyern, vnd vnsern oheim,
den hertzogen von Chernden, vnd vnsern aidem, margraf
Fridrich von Meissen, all gemainelich ouf recht.
So nemen wir, der chunig von Beheim, ouz die hertzogen
von Osterich, den hertzogen von Chernden, den markgrafen
von Meissen, hertzogen Heinrich von Beyern, vnsern aidem,
den chünig von Frankrich, den chunig von Vngern, vnsern
vettern den ertzbischof von Trier, den ertzbischof von Cholen
vnd den grafen von Gulich, ouch all gemainlichen ouf ein recht.
Sunderlichen sullen ouch die gegenburtig brief vnd
ainung stet und vntzerbrochen beliben, unschedlich allen
vnsern vordern brifen, wenn also vil, als si verendert sein mit
disem gegenwertigen brife.
Vnd daz daz alles stet vnd vntzerbrochen beleibe, der
geben wir disen brif mit vnser beider insigel versigelt, vnd
ze einer merer steticheit vnd sicherheit haben wir Baldwin,
von gotes gnaden ertzbischof ze Trier vnd pfleger des heiligen
stules ze Meintze, vnser insigel an disen brif ze vnsers herren
