— 63 —
57. Unio inter Joannem regem Boemiae et Poloniae
et Carolum regem Ungariae.
1327, 18. Febr.
Nos Carolus D. gr. rex Hungariae, recognoscimus et ad
universorum notitiam tenore praesentium cupimus pervenire,
quod nos cum magnifico principe d. Joanne, B. et P. rege
illustri ac L. comite, fratre nostro charissimo, indisso-
lubilis ac individuae amicitiae unionem permanere cupientes,
ad ipsius unionis robur et perpetuam firmitatem sincera fide
promittimus,
ipsum d. regem B. contra omnem hominem, omni tem-
pore, in quovis necessitatis articulo et in locis quibuslibet,
toto posse nostro, quandocunque per eum requisiti fuerimus,
adiuvare, illustribus ducibus Austriae, qui nunc sunt, fratribus
nostris, dumtaxat exceptis; contra quos, si praedictus rex
Bohemiae hostiliter cum exercitu processerit, sedem tenebimus
in quiete, neque eis hac in parte aliquod ferre volumus sub-
sidium vel iuvamen, nec admittere, quod de regno nostro
Hungariae ipsis aliqua subsidia per quoscunque nostros regni-
colas afferantur. Si autem ipsi duces terras praedicti d. regis
B. invaderent, tunc nos sibi tenemur toto succurrere posse nostro,
prout super eo per ipsum d. regem B. fuerimus requisiti.
Ipse quoque similiter vice versa, si eidem duces Austriae
terras nostras ullo vnquam tempore invaderent, teneatur
nobis ad requisitionem nostram totius suae potentiae subsidio
succurrere opportune.
Et quandocunque ipse d. rex B. suos homines nobis in
auxilium transmiserit, ilis in pabulo equorum, tantummodo
intra metas regni nostri tenebimur providere; et ipse simi-
liter nostris, quos sibi quandocunque miserimus, homines intra
metas regni sui in solo equorum pabulo providebit.
Ad maioris autem mutuae dilectionis nostrae evidens
ligamentum illustrem Ladislaum, primogenitum nostrum, inclitae
Annae, natae dicti d. regis B., postquam a sede apostolica
super consanguinitate dispensatio, pro qua obtinenda tam
dietus d. rex quam nos tenebimur in proximo ad ipsam
