56. Promissio regis Joannis de berna per Moraviam
non recipienda.
1327, 31. Jan.
Nos Joannes etc, recognoscimus etc, quod quia sicut
prius aliquociens dileeti fideles nostri, barones, nobiles et
wladykones terrae nostrae Moraviae, sic et nune ad instan-
tiam nostram pro multiplicibus debitis nostris, quibus in instanti
opprimimur, quae sine ipsorum adjutorio nullo modo evadere
poteramus, bernam sive collectam regiam generalem nobis
dederunt ac indulserunt grata promptitude, de sola ipsorum
benivolentia, non de jure: nos proinde eis grata vicissitudine
occurrere cupientes, sincere promisimus et promittimus, quod
nullam de caetero nobis dari in ipsa terra nostra bernam
sive collectam regiam aut per nullum modum recipi faciemus
nostris temporibus, nisi pro maritagio alicujus filiae nostrae
seu copula maritali, si qua nobis inantea ultra eas, quae jam
natae sunt, dante Domino legitima nascerentur seu nasceretur,
tunc denique ea ad nubendum adulta ef tradita, per fertonem,
vid. XVI gr.
Prag. per ipsam terram nostram Moraviam de laneo
quolibet bernam sive collectam regiam recipere nobis ideo
licebit, quod ratione maritagii hujusmodi nullas civitates
nostras, munitiones aut bona regalia obligare aut alienare
aliqualiter debeamus.
Similiter pro alieujus filiorum nostrorum coronatione
etiam eandem bernam aut collectam regiam recipere possumus,
si aliquando ipsum in regem Boemiae et, in ipso regno volumus
aut debeat coronari.
Specialiter etiam promittimus, quod nullas munitiones
ipsius terrae nostrae M. extraneis vel advenis quibuscumque
donare, obligare aut committere debeamus.
Harum eto.
Datum Brunnae IL Kal. Febr. a. D. 1397.
(Originale in archivo Statuum marchionatus Moraviae:
N. 2, inter. Privilegia. — Contextus legitur in confirmatione
privilegiorum vegis Matthiae ab a, 1479: Kniha Tovačovská,
ubi et versio bohemica, — Chytil VI. 223. — Emler IIT, 1268.)
