— 58 —
dreizich tausendt marche; sahe er aber das, daz wir si vor
der frist gehaben mochten an grossen Schaden, so suln wir
aber damit tun, swas in lieb ist, an gevärde.
Darnach wellen wir seiner "Tochter, die unser Sun da
nemen soll, geben und beweisen zechen tausent march Silbers
desselben gewigedes in dem Lande ze Marherrn auff Vesten, auff
Urber und auf gewisser gulter, damit sie wohl (bericht) wirt,
und darzu berichten wir sie, ir widerlegung zwainzich tausend
Marche, und auch ir Morgengabe in demselben lande, auch mit
gewisser gult, damit si wol bericht wirt nach des landes
gewonhait.
Und das vorgenant gut geben Wir im fur alle die
ansprache und recht, die er gibt auf das Chunichreieh ze
" Pehaim, und fur allen den Schaden, den er von denselben
Chunichreich giht haben genomen. Und wer, daz im des luzel
daucht, das wir im getan und geben haben umb die vorge-
schriben verzeichenusse, so seyn wir des yberain komen, das
wir des ybergen gegangen seyn und uns verbunden haben
hinder den hochwirdigen Fursten herrn Paldewein Ertzbischoff
ze Trier und hinder unsern herrn Bischoff Heinreichen ze
Triende, und swas die zwen erfinden, daz wir hinzu tun
sulen, es sey an der Sume des gutes oder an der Frist oder
an der gewisshait, des seyn wir gebunden ze volfiren und
stat ze haben, an alle verziechenusse. |
Darnach wellen wir unsern Sun, der sein Tochter nimet
eeleichen, ob es Gottes Willen ist, voraus geben das Lant
ze Marhern mit Leuten und mit gut und mit allen den rechten,
die darzu gehorent, und besunderlich aller der Perchwerch
halber, die in Pehaim und in Marhern synt, es sey an golde
oder an Silber oder swelcherlay artz si seyn, und darzu das
Land Troppau mit allen den rechten, als wir es inne haben,
und das Land ze Glatz mit allen den Rechten und darzu
gehort, ganz und gar, und das Land ze Budischin mit allen
den rechten, und darzu gehorent, gar und ganzleichen, lewt
und gut.
Wir wellen auch im unser Mumen, die vorgenant ist,
antwurten gen Insprukke auf Sand Gallen tach, der schierst
