— 540 —
561. Installatio ducis Přemyslai Tessinensis.
1366, 21. Aprilis.
List Přemka kniežete Těsínského, že od ciesaře Karla přijal své
kněžství Těšínské a zavazuje se všem kralóm českým budúcím v manstvie
i koruně české, a přísahu na to učinil.
Wir Przymek v. G. g. herczog zu Teschin und zu Buthum
bekennen und tun kunt offenlich mit diesem briefe allen den, die
ihn sehent oder horen lesen, daz wir vor etlichen jaren in
der stat zu Bresla kumen sein fur den allerdurchleuchtigsten
fursten und herren, hern Karl R. k. z. a, z. m. d. r. und k.
zu Beheim, unsern lieben gnedigen herren, und haben an yn ge-
muthet, daz er als ein kunig ze Beheim uns alle unser furstentum,
lant, herscheffte und gut, die von dem kungreiche und der cronen
ze B. lehen sint, verleihen geruchte, und haben ym dieselben
fürstentume, lant u. herscheffte benennet, daz ist: daz herezogtum
zu Teschin mit seinen zugehorungen, Buthum halb, Tost, Byzen-
kretzen, Glibyez, Sevor, Czeles, Swyba und waz darzu gehoret,
Des hat er angesehen unser dymutige bete und begerung
und hat uns dieselben herezogtum und furstentum mit allen
iren herschefften, eren, wirden und nutzen nach unser fur-
cabe als ein kunig zu B. recht und redlich verlihen.
Des haben wir in den czeiten, do wir die lehen von ym
empfingen, fur uns, unsir erbin u. nachkomen, herczogen zu
Teschin und zu Buthum, dem egenanten unsern herren, dem
keiser als eynem kunge zu Beheim, seinen erben u. nachkomen,
kungen und der cronen desselben kunigreichs bedechticlich u.
init rechter wizzen gehuldet, gelobt u. gesworen als unser rechten,
naturlichen, ordentlichen herscheffte u. lehenherren, daz wir ym
getrew, gehorsam u. auch untertenig sein wellen u. sullen, iren
schaden zu wenden u. iren frumen zu werben, zu allen stunden.
Und dovon hat er als ein kunig ze B. uns u. unsern
erben u. nachkomen dieselben lehen bestetiget mit allen
iren zugehorungen, als davor geschriben stet.
Mit urkund .. .
Geben zu Prag nach Christus geburt 1300 jar u. in dem
66sten jar, an dem nehsten dynstage vor Sante Georgen tage.
(A. K. — Lwnig I. n. CCLXIV. — Grünhagen II. 561.)
