— 374 —
bedirman, der do gleich gut und gewizz sey, dem erstin an
seine stat setcze, an dem der obg. unsir vrowen odir iren
erben muge billichen genugen, und daz derselbe czuvor sich
aller gelubde, eyde und trewen vorbunden habe der obg.
unsern vrowen, der kuniginne odir iren erbin, gleich seinen
vorvarn, an dez stat her geseczet wirdit.
Wer auch, daz die obg. unsir genedige vrowe und liebe
mume wartende dez obg. anevalles ee, wanne sie in gewere
keme, also sturbe, daz sie libeserbin dem obg. unsirm herren
nicht gewunne: so sullen alle man, ritter, knechte, burggraven,
burger und alle landsezzen alle der obg. eyde und gelubde
ledig sein: doch in sulchir bescheidinheit, daz dem obg: unsirm
herren, dem kunge und seinen erben, daz obg. eegelt unde
heimstewer der obg. ezehentusent schok gevollen sol odir mit
pfandin gesichirt werden, in allir der mazze, als do vor be-
griffin ist, daz se domite tun und lazzen nach vreyer willekur
und daz gebin, weme sie wollen.
Wer auch, daz die obg, unsir vrowe und mume den obg.
unsirn herren, den kunig, obirlebete und eynen andirn man
neme an unsirn rat mit willen: so sullen beide, sie, der man
und alle kint, die sie mit im gewinnet, in dem obg. unsirn
furstentumen und herscheften nichtes haben.
Ouch ist geredit und geteidinget, daz die obg. unsir
vrowe, die kuneginne und unsir libe mume, noch yemant von
iren wegen uns und unsir erben mannesgeschlechte umb
dheinerlei erbteil odir umb kein andern sachen anreden odir
ansprechin sullen andirs, wenne dovor geschrebin ist.
Ouch meinen und wellen wir: Sey daz sache, daz uns
eehaftige not antreten wirdit, umb gevanknuzze, kriege odir
andir geschichte, unsir oder unsir manne eere und libe czu
losen, daz wir denne derselben unsir furstentume, lant und
lute gewaldig sein ze tun und ze lazzen doch in guten trewen,
an geverde.
Dornach sintdemal daz uns der obg. unsir gnediger herre
mit sulchin seinen genaden gunstlich und fruntlich begriffin
hat, so gelobin und wollen wir im mit guten trewen, an ge-
verde, beigestendig und geholfen sein wedir allermeniglich,
