— 366 —
330. Conventio Caroli regis, Joannis marchionis et
ducum Austriae.
1353, 14. Martii.
Wir Karl von Gottes gnadn Roemischer kunig z. a. z.
m. d, R. und kunig ze Beheim, Albrecht herczog ze Oesterreich,
ze Steir u. ze Kernden, Johans marggraue ze Merhern u.
Rudolf des obgenanten herczog Albrechts erstgeborner sun,
von denselben Gotes gnaden, fur uns selber u. alle unser
brueder: bekhennen u. tuen chunt offenlich mit disem brief
allen den, di in sehen oder hoerent lesen, das wir durch
angeborn libe, luter truwe u. stett vreuntschaft, di von ge-
meinscheffte der geburde u. des geslechts allweg zwischent
uns gewesen sind u. mit hilfe Gottes sullen ewchlich unverrukt
in vreuntlicher gueter sazze belibn, ze sunderlich troste u.
gnadn unser getrewen undertanen, uns allesampt mit wolbe-
dachter muete, mit rate unsrer fürsten, herren u. getrewn
u. mit rechter wizzn, zesamme verbundn habn u. verbinden
uns fuer uns u. unser erbn eweglich, in gueten trewen, an
gewerd u. mit dem aide, den wir allesampt daruber gesworn
habn uf den heiligen evangelien, u. gelobin in krefften der-
selben verbuntnuzze in gueten steten trewn, das wir inwendig
den kriezzen u. gemerken unsir kungliche fuerstenthume u.
herscheffte, di uns von erbschaft angehoerend u. di wir iezunt
innhabn oder mit hilfe Goczs fuerbas noch gewinnen, einander
getrewleich u. vreuntlich beholfin sin wollin u. sulln wider
allermenliche, niemant auzgenomen.
U. in den zeiten, so eines oder mer wenn eines under
uns furstentum, herschefte u. land veintlich angegriffen werdn,
so sulln u. welln wir andir zehant, als wir des ermanet werden,
an oufschop u. an alles verziehn dem oder denselbn mit leib
u. mit guet, rat, hilfe, gunst u. bruderlich lieb, mit aller macht
beigestendig u. geholfen sin uf unsern eigennschadn u. verlust,
di weil wir lebn, wider einen ietlichen menschen u. persone,
in welichen eren oder wesen er sei u. ob er onch in kuniglichen
wirdn were; niemandis auzzunemen, als do vor begriffen ist.
Auzgenomen doch den kunig von Vnger, wann wir mit
dem in allo den bunden belibn sollen als die brief sagent,
