rer rs — — —
10
S
Urkunden zum Jahre 1423. 159
geben was und nicht allein in dem hofe zu Rome, sunder in
dem kunigreych zu Polan von den prelaten desselben kunigreichs
zu Polan offinbar vorkundet unde das ouch mit den Bebs[t]lichen
briefen dem kunige von Polan und dem Witolden geboten was,
das sie den keczern nicht solden beylegin!), sundir wider sie
mechtiglich beholfin seyn. Uber das hat derselbe Witold herzog
Sigmunden seinen neven mit seinem volke nemlich mit den
Polan keyn Behemen gesant, zu schuczen und zu schirmen
dieselben keczer, gotes und unsere finde, und zu bestreiten und
zu tilgen die glaubigen und getrauen; dorumme und ouch durch
der offenunge?) willen, die den keczern alezo zugefuget ist,
sint sie noch nicht bekart, sundir ersterket in irem ersal bleybin,
und unser und gots getrauen und lant und leutte dovon grossen
schaden nicht alleyn in unserm kunigrich zu Behemen, marg-
5 graffschaft zu Merhern, sunder ouch in der Slesien enphangen
haben, alzo das an demselben Witolden, der denselben Sigemunden
mit den Polan gesant hat, nicht gebrochen hat?), hetten sie
mocht, sie hetten in unser ganz kunigrich zu Behemen undir-
druckt.
Und an solichen obirflussigen grossen sachen hat sich der-
selbe Witold nicht lossen genügen, sunder hat seyne merkliche
bothschafft zu den Türken, der christenheit finden, gesant, und
sie bewogen, das sye in unser kunigrich keyn Ungern zeyhen
solden, als sie ouch getan haben, of den synn, das wir bei dem
heyligin glauben und bey der cron zu Behemen dester myener
mochten fleyssig seyn.
Aus solichen sachen, die alzo mit dem cristen glauben und
mit uns also geferlich gehandelt sint, müssen wir merken nicht
alleyn die vorgangen unrecht und schaden, sunder in zukunftigen
sachen gleicher[weise] vorsichtig seyn, nemlich dorumb, das in der
ausrichtunge desselbin Sigmundes und der Polan, dye zu Crokaw
mit wissen desselben kunigs an zweyfel gescheen ist, dorunder
ouch desselben kunigs von Polan diner gewest sint, als in der
houtstad desselben kunigrichs zu Polan, und alle entsag brieff
desselben Sigmundes und der Polan in der stad zu Crokaw
ausgegeben, und dye Polan, die widerumb aus Behemen drittes
1) mithelfen.
2) Der Begriff ift nicht recht Far, vielleicht = „freie Band”.
3) Der Sinn ift: Alfo daf es an dem Witold nicht gemangelt (gefehlt hat), daß
daß fie unfer ganzes Königreich unterdrückt hätten.
