Fol. 48b
pro domo Israel, ut staretis in prelio in die Domini“, que ad propo-
situm optime deducit beatus Gregorius! in pastorali, et habetur XLIII
di. c. „Sit rector“.
Item disputare cum hereticis ad defendendam fidei veritatem est
confiteri Christum coram hominibus. Qui hoc agit, meritum expectat,
et qui me erubuerit, erubescam et ego illum.2
Preterea si omni iure licet vim vi repellere, cur non licet verba
blasfemie (sic) verbis veritatis disputando retundere? Si licet indicere
adversus hereticos bellum, ubi imminet periculum mortis ex utraque
parte, cur non licet indicere certamen pacifice disputacionis, in qua
huiusmodi [non solum] tenetur, sed speratur animarum salus? Si
licet effundere sanguinem pro fidei defensione, cur similiter non licet
et verba? Si licet captum hereticum vexare et eius carnem affligere
et tandem curie seculari ad ultimum supplicium tradere, ne alios
inficiat, et, ut aliis metus / inferratur, cur non licet secum loqui,
respondere et replicare, ,ut convertatur et vivat?^ Sed etsi omnes
Boemos in carcere reclusos haberemus, et ipsi ad nos dicerent: ,Cur
nos captivos detinetis, facimus ut iussit Christus, Johannis VI3: ,Ni-
si manducaveritis carnem filii hominis et biberitis eius sanguinem, non
habebitis vitam in vobis. Declarate, verba hec aliter intelligi debere!"
Numquid ecclesia silebit, numquid ipsos negliget, an potius eos mori
permittet in dampnacionem animarum suarum? Eiusmodi instruccio-
nem solet adhibere ecclesia, pia mater, que numquam claudit gre-
mium redeunti antequam tradat hereticos curie seculari. Et [si] hoc
fit hereticis captis, quanto magis his, qui cot[t]idie pullulant et alios
inficiunt, de quibus satis formidari potest, ne postea capiant nos.
Ita per XL dies continuos erga Macharium hereticum dampnatum
actum fuisse, supra memoratum est, Supra dicte raciones eodem
modo militant sive heretici, cum quibus disputatur, fuerint prius
dampnati sive non, cum utroque animas lucrifacere teneamur, ymo
cum ipsis dampnatis eo confidencius disputari potest, quo clarius
convinci atque confundi valent.4
Explicit tractatus super iustificacione vocacionis Boemorum facte
a sacro Basiliensi concilio, anno Verbi incarnati 1431, mensis Octo-
bris die 14.
1! Srov. Migne, PL., 77, 30.
2 Cf Luc, IX, 26.
3 V. 56.
i V ypoustim následující snůšku citátů mluvících ve prospěch disputací s he-
retiky.
60
