Universal Dependencies - Classical_Armenian - CAVaL

s-101

MATT_9.24b

Եւ ծաղր առնեին զնա:

s-102

MATT_9.25

Եւ իբրեւ ել ամբոխն ի բաց եմուտ կալաւ զձեռանէ նորա. եւ յարեաւ աղջիկն:

s-103

MATT_9.26

Եւ ել համբաւս այս ընդ ամենայն երկիրն ընդ այն:

s-104

MATT_9.27

Եւ մինչդեռ անցանէր ընդ այն Յիսուս, զհետ եղեն նորա կոյրք երկու, աղաղակեին եւ ասեին, ողորմեաց մեզ որդի Դաւթի:

s-105

MATT_9.28a

Եւ իբրեւ եկն ի տուն. մատեան առ նա կոյրքն:

s-106

MATT_9.28b

Եւ ասէ ցնոսա Յիսուս՝ հաւատա՞յք եթե կարող եմ առնել ձեզ զայդ:

s-107

MATT_9.28c

Ասեն ցնա՝ այո Տէր,

s-108

MATT_9.29

յայնժամ մերձեցաւ յաչս նոցա եւ ասէ՝ ըստ հաւատոց ձերոց եղիցի ձեզ:

s-109

MATT_9.30a

Եւ բացան աչք նոցա:

s-110

MATT_9.30b

Եւ սաստեաց նոցա Յիսուս եւ ասէ՝ զգոյշ կացէք, մի ոք գիտասցէ:

s-111

MATT_9.31

Եւ նոքա ելեալ համբաւեցին զնա ընդ ամենայն երկիրն ընդ այն:

s-112

MATT_9.32-33a

Եւ յելանելն նոցա արտաքս. ահա մատուցին առ նա այր մի համր դիւահար,

s-113

MATT_9.33b

եւ յելանել դիւին. խաւսեցաւ համրն:

s-114

MATT_9.33c

Եւ զարմացան ժողովուրդքն՝ եւ ասեն, թե եւ ոչ երբեք երեւեցաւ այսպիսի ինչ յԻսրայեղի:

s-115

MATT_9.34

Իսկ Փարիսեցիքն ասեին թե իշխանաւն դիւաց հանէ դա զդեւս:

s-116

MATT_9.35

Եւ շրջէր Յիսուս ընդ ամենայն քաղաքս եւ ընդ գեաւղս, ուսուցանէր ի ժողովուրդս նոցա, եւ քարոզէր զաւետարանն արքայութեան, եւ բժշկէր զամենայն ախտս եւ զամենայն հիւանդութիւնս ի ժողովրդեանն:

s-117

MATT_9.36

Եւ տեսեալ զժողովուրդսն գթացաւ ի նոսա, զի եին աշխատեալք եւ ցրուեալք իբրեւ զոչխարս որոց ոչ իցէ հովիւ:

s-118

MATT_9.37-38a

Յայնժամ ասէ ցաշակերտսն իւր՝ հունձք բազում են՝ եւ մշակք սակաւ՝

s-119

MATT_9.38b

արդ աղաչեցէք զՏէր հնձոց զի հանցէ զմշակս ի հունձս իւր:

s-120

MATT_10.1

Եւ կոչեցեալ առ ինքն զերկոտասանեսին աշակերտսն իւր. ետ նոցա իշխանութիւն այսոց պղծոց հանել զնոսա՝ եւ բժշկել զամենայն ցաւս եւ զամենայն հիւանդութիւնս:

s-121

MATT_10.2-4

Եւ առաքելոցն երկոտասանից եին անուանք այսոքիկ, առաջին Սիմովն անուանեալն Պետրոս՝ եւ Անդրեաս եղբայր նորա՝ Յակովբոս Զեբեդեայ, եւ Յովհաննէս եղբայր նորա՝ Փիղիպպոս, եւ Բարթողոմեոս՝ Թովմաս, եւ Մատթեոս մաքսաւոր՝ Յակովբոս Աղփեայ, եւ Ղաբբեոս որ անուանեցաւ Թադդեոս, Սիմովն Կաննանացի, եւ Յուդա Իսկարիովտացի որ եւ մատնեացն զնա:

s-122

MATT_10.5-6a

Զնոսա երկոտասանեսին առաքեաց, պատուիրեաց նոցա եւ ասէ՝ Ի ճանապարհ հեթանոսաց մի երթայցէք՝ եւ ի քաղաք Սամարացւոց մի մտանիցէք,

s-123

MATT_10.6b

այղ երթայք առաւել առ ոչխարսն կորուսեալս տան Իսրայեղի:

s-124

MATT_10.7-8

Եւ իբրեւ երթայցէք քարոզեցէք եւ ասացէք թե մերձեալ է արքայութիւն երկնից: Զհիւանդս բժշկեցէք՝ զբորոտս սրբեցէք, զդեւս հանէք՝ ձրի առէք եւ ձրի տուք՝

s-125

MATT_10.9-10

Մի ստանայք ոսկի եւ մի արծաթ՝ եւ մի պղինձ ի գաւտիս ձեր՝ մի պարկ ի ճանապարհ. եւ մի երկուս հանդերձս՝ մի կաւշիկս՝ մի ցուպ, զի արժանի է մշակն կերակրոյ իւրում:

s-126

MATT_10.11

Յոր քաղաք մտանիցէք կամ ի գեաւղ, հարցանիցէք թե ո՞ է ի նմա արժանի, եւ անդ լինիջիք մինչեւ ելանիցէք անտի:

s-127

MATT_10.12-13

Եւ իբրեւ մտանիցէք ի տունն. ողջոյն տաջիք նմա եւ ասասջիք՝ ողջոյն տանս այսմիկ՝ եթե իցէ տունն արժանի. եկեցէ ողջոյն ձեր ի վերայ նորա՝ ապա թե ոչ իցէ արժանի. ողջոյնն ձեր առ ձեզ դարձցի:

s-128

MATT_10.14

Եւ որ ոչ ընկալցի զձեզ՝ եւ ոչ լուիցէ բանից ձերոց. իբրեւ ելանիցէք ի քաղաքէն յայնմանէ. թաւթափեսջիք զփոշին յոտից ձերոց:

s-129

MATT_10.15

Ամէն ասեմ ձեզ, դիւրագոյն լիցի երկրին Սոդոմացւոց եւ Գոմորացւոց յաւուրն դատաստանի. քան քաղաքին այնմիկ:

s-130

MATT_10.16

Ահաւասիկ ես առաքեմ զձեզ իբրեւ զոչխարս ի մէջ գայլոց, եղերուք այսուհետեւ խորագէտք իբրեւ զաւձս. եւ միամիտք իբրեւ զաղաւնիս:

s-131

MATT_10.17

Զգոյշ լինիջիք ի մարդկանէ՝ զի մատնեսցեն զձեզ յատեանս, եւ ի ժողովուրդս իւրեանց տանջեսցեն զձեզ՝

s-132

MATT_10.18

եւ առաջի դատաւորաց եւ թագաւորաց տանիցին զձեզ վասն իմ ի վկայութիւն նոցա եւ հեթանոսաց:

s-133

MATT_10.19-20

Այղ յորժամ մատնիցեն զձեզ. մի հոգայցէք թե որպէս կամ զինչ խաւսիցիք՝ զի տացի ձեզ ի ժամուն յայնմիկ զինչ խաւսիցիք՝ զի ոչ եթե դուք իցէք որ խաւսիցիքն՝ այղ հոգին հաւր ձերոյ որ խաւսիցի ի ձեզ:

s-134

MATT_10.21-22a

Մատնեսցէ եղբայր զեղբայր ի մահ, եւ հայր զորդի՝ եւ յառնիցեն որդիք ի վերայ հարց. եւ սպանիցեն զնոսա՝ եւ եղիջիք ատեցեալք յամենեցունց վասն անուան իմոյ:

s-135

MATT_10.22b

Իսկ որ համբերիցէ ի սպառ. նա կեցցէ

s-136

MATT_10.23a

Եւ յորժամ հալածիցեն զձեզ ի քաղաքիս յայսմիկ. փախիջիք յայղ, եւ եթե յայնմանէ հալածիցեն զձեզ. փախիջիք ի միւս.

s-137

MATT_10.23b

ամէն ասեմ ձեզ՝ ոչ սպառեսջիք զքաղաքս Իսրայեղի. մինչեւ եկեցէ որդի մարդոյ:

s-138

MATT_10.24

ոչ է աշակերտ առաւել քան զվարդապետ՝ եւ ոչ ծառայ քան զՏէր իւր,

s-139

MATT_10.25a

շատ իցէ աշակերտին եթե եղիցի իբրեւ զվարդապետ իւր՝ եւ ծառային իբրեւ զՏէր իւր:

s-140

MATT_10.25b

Եթե զտանուտէրն Բեեղզեբուղ կոչեցին. որչափ եւս առաւել զնտանի՞ս նորա:

s-141

MATT_10.26

Մի այսուհետեւ երկնչիցիք ի նոցանէ: Զի ոչ ինչ է ի ծածուկ որ ոչ յայտնեսցի՝ եւ գաղտնի որ ոչ ծանիցի:

s-142

MATT_10.27

Զոր ասեմ ձեզ ի խաւարի. ասացէք ի լոյս. եւ զոր լսէք յունկանէ. քարոզեցէք ի վերայ տանեաց:

s-143

MATT_10.28a

Եւ մի երկնչիք յայնցանէ որ սպանանեն զմարմին. եւ զոգի ոչ կարեն սպանանել:

s-144

MATT_10.28b

Այղ երկերուք դուք առաւել յայնմանէ որ կարողն է զոգի եւ զմարմին կորուսանել ի գեհենի:

s-145

MATT_10.29a

Ոչ ապաքէն երկու ճնճղուկք դանգի՞ միոջ վաճառին

s-146

MATT_10.29b

եւ մի ի նոցանէ յերկիր ոչ անկցի առանց հաւր ձերոյ:

s-147

MATT_10.30

Այղ ձեր եւ ամենայն իսկ հեր գլխոյ թուեալ է

s-148

MATT_10.31

եւ արդ մի երկնչիցիք՝ զի լաւ էք քան զբազում ճնճղուկս:

s-149

MATT_10.32

Ամենայն որ խոստովանեսցի յիս առաջի մարդկան. խոստովանեսցից եւ ես զնմանէ առաջի հաւր իմոյ որ յերկինսն է:

s-150

MATT_10.33

Եւ որ ուրասցի զիս առաջի մարդկան. ուրացայց եւ ես զնա առաջի հաւր իմոյ որ յերկինս:

s-151

MATT_10.34a

Մի համարիք եթե եկի արկանել խաղաղութիւն յերկիր՝

s-152

MATT_10.34b-36a

ոչ եկի արկանել խաղաղութիւն՝ այղ սուր՝ Քանզի եկի քակել զայր ի հաւրէ. եւ զդուստր ի մաւրէ. եւ զհարսն ի սկեսրէ իւրմէ՝

s-153

MATT_10.36b

եւ թշնամիք առն ընտանիք իւր:

s-154

MATT_10.37-38

Որ սիրէ զհայր կամ զմայր առաւել քան զիս. ոչ է ինձ արժանի: Եւ որ սիրէ զուստր կամ զդուստր առաւել քան զիս. չէ ինձ արժանի: Եւ որ ոչ առնու զխաչ իւր եւ գայ զկնի իմ. չէ ինձ արժանի:

s-155

MATT_10.39

Որ գտանէ զանձն իւր կորուսցէ զնա: եւ որ կորոյս զանձն իւր վասն իմ. գտցէ զնա:

s-156

MATT_10.40

Որ ընդունի զձեզ. զիս ընդունի՝ եւ որ զիս ընդունի. ընդունի զառաքիչն իմ:

s-157

MATT_10.41

Որ ընդունի զմարգարէ յանուն մարգարէի. զվարձս մարգարէի առցէ: Եւ որ ընդունի զարդար յանուն արդարոյ՝ զվարձս արդարոյ առցէ:

s-158

MATT_10.42

Եւ որ արբուսցէ միում ի փոքրկանց յայսցանէ բաժակ մի ջուր ցուրտ միայն յանուն աշակերտի. ամէն ասեմ ձեզ՝ ոչ կորուսցէ զվարձս իւր:

s-159

MATT_11.1

Եւ եղեւ իբրեւ կատարեաց Յիսուս զպատուէր երկոտասանից աշակերտացն իւրոց, գնաց անտի քարոզել եւ ուսուցանել ի քաղաքս նոցա:

s-160

MATT_11.2-3

Իսկ Յովհաննէս իբրեւ լուաւ ի բանդին զգործսն Քրիստոսի, առաքեաց ի ձեռն աշակերտացն իւրոց եւ ասէ ցնա՝ դո՞ւ ես որ գալոցն ես. եթե այղում ակն կալցուք:

s-161

MATT_11.4

Պատասխանի ետ Յիսուս եւ ասէ ցնոսա՝ գնացէք պատմեցէք Յովհաննու զոր լուայք եւ տեսէք՝

s-162

MATT_11.5-6a

կոյրք տեսանեն, կաղք գնան. բորոտք սրբին, եւ խուլք լսեն, եւ մեռեալք յառնեն, եւ աղքատք աւետարանին՝

s-163

MATT_11.6b

եւ երանեալ է որ ոչ գայթագղեսցի յիս:

s-164

MATT_11.7a

Եւ իբրեւ նոքա գնացին սկսաւ Յիսուս ասել ցժողովուրդսն զՅովհաննէ: Զինչ ելէք տեսանել յանապատի՝

s-165

MATT_11.7b

եղե՞գն շարժուն ի հողմոյ:

s-166

MATT_11.8a

Այղ զի՞նչ ելէք տեսանել՝

s-167

MATT_11.8b

մարդ ի հանդերձս փափկութեան զարդարեա՞լ

s-168

MATT_11.8c

Ահաւանիկ որ զփափուկսն զգեցեալ են ի տունս թագաւորաց են:

s-169

MATT_11.9a

Այղ զի՞նչ ելէք տեսանել՝ մարգարէ՞

s-170

MATT_11.9b

այո ասեմ ձեզ, եւ առաւել եւս քան զմարգարէ:

s-171

MATT_11.10a

Զի նա է վասն որոյ գրեալն է՝

s-172

MATT_11.10b

ահա ես առաքեցից զհրեշտակ իմ առաջի երեսաց քոց. որ պատրաստեսցէ զճանապարհ քո առաջի քո:

s-173

MATT_11.11a

Ամէն ասեմ ձեզ՝ չէ յարուցեալ ի ծնունդս կանանց մեծ քան զՅովհաննէս մկրտիչ:

s-174

MATT_11.11b

Բայց փոքրիկն յարքայութեան երկնից. մեծ է քան զնա:

s-175

MATT_11.12-14

Բայց յաւուրցն Յովհաննու մկրտչի մինչեւ ի այժմ արքայութիւն երկնից բռնադատի՝ եւ բռունք յափշտակեն զնա: Քանզի ամենայն աւրէնք եւ մարգարէք մինչեւ ցՅովհան մարգարէացան: Եւ եթե կամիք ընդունել. նա է Էղիա ով գալոցն է:

s-176

MATT_11.15

Որ ունիցի ականջս լսելոյ. լուիցէ

s-177

MATT_11.16a

Ում նմանեցուցից զազգս զայս,

s-178

MATT_11.16b-17a

նման է մանկտւոյ որ նստիցին ի հրապարակս՝ կարդայցեն զնկերս իւրեանց եւ ասիցեն փողս հարաք ձեզ եւ ոչ կաքաւեցէք՝

s-179

MATT_11.17b

ողբացաք ձեզ. եւ ոչ կոծեցարուք:

s-180

MATT_11.18

Եկն Յովհաննէս ոչ ուտէր եւ ոչ ըմպէր. եւ ասեն դեւ գոյ ի նմա:

s-181

MATT_11.19a

Եկն որդի մարդոյ ուտէ եւ ըմպէ. եւ ասեն ահա այր կերող եւ արբեցող, բարեկամ մաքսաւորաց եւ մեղաւորաց:

s-182

MATT_11.19b

Եւ արդարացաւ իմաստութիւն յորդւոց իւրոց

s-183

MATT_11.20

Յայնժամ սկսաւ նախատել զքաղաքսն յորս եղեն բազում զաւրութիւնք նորա. եւ ոչ ապաշխարեցին:

s-184

MATT_11.21

Վայ քեզ Քովրազին, վայ քեզ Բեթսայիդա, Զի եթե ի Տիւրոս եւ ի Սիդովն եղեալ եին զաւրութիւնքն որ ի ձեզ եղեն վաղու եւս արդեւք խորգով եւ մոխրով ապաշխարեալ էր:

s-185

MATT_11.22

Բայց ասեմ ձեզ, դիւրագոյն լիցի երկրին Տիւրոսի եւ Սիդովնի յաւուրն դատաստանի քան ձեզ:

s-186

MATT_11.23

Եւ դու Կափառնաւում մի մինչեւ ի երկինս բարձրասցիս. այլ մինչեւ ի դժոխս իջցես: Զի եթե ի Սիդոմ եղեալ եին զաւրութիւնքն որ եղեն ի քեզ. ապաքէն կային եւս մինչեւ ցայսաւր:

s-187

MATT_11.24

Բայց ասեմ ձեզ՝ եթե երկրին Սոդոմացւոց դիւրագոյն լիցի յաւուրն դատաստանի քան քեզ:

s-188

MATT_11.25-26a

Յայնմ ժամանակի պատասխանի ետ Յիսուս եւ ասէ՝ Գոհանամ զքէն հայր Տէր երկնի եւ երկրի՝ զի ծածկեցեր զայս յիմաստնոց եւ ի գիտնոց. եւ յայտնեցեր տղայոց՝

s-189

MATT_11.26b

այո հայր՝ զի այսպէս հաճոյ եղեւ առաջի քո:

s-190

MATT_11.27

Ամենայն ինչ տուաւ ինձ ի հաւրէ իմմէ: Եւ ոչ ոք ճանաչէ զորդի. թե ոչ հայր՝ եւ ոչ զհայր ոք ճանաչէ. թե ոչ որդի՝ եւ ում որդին կամիցի յայտնել:

s-191

MATT_11.28-29

Եկայք առ իս ամենայն վաստակեալք եւ բեռնաւորք. եւ ես հանգուցից զձեզ՝

s-192

MATT_11.29-30

առէք զլուծ իմ ի ձեզ՝ եւ ուսարուք յինէն զի հեզ եմ եւ խոնարհ սրտիւ՝ եւ գտջիք հանգիստ անձանց ձերոց՝ զի լուծ իմ քաղցր է, եւ բեռն իմ փոքրոգի:

s-193

MATT_12.1-2a

Յայնժամ գնաց Յիսուս ընդ արտորայն նոցա ի շաբաթու՝ եւ աշակերտքն նորա քաղցեան. եւ սկսան հասկ կորզել եւ ուտել՝

s-194

MATT_12.2b

Փարիսեցիքն իբրեւ տեսին. ասեն ցնա՝ ահաւանիկ աշակերտքն քո գործեն՝ զոր ոչ էր արժան գործել ի շաբաթու:

s-195

MATT_12.3-4

Եւ նա ասէ ցնոսա՝ ո՞չ իցէ ընթերցեալ ձեր զոր արար Դաւիթ, յորժամ քաղցեաւն եւ որ ընդ նմայն եին. զիա՞րդ եմուտ ի տունն՝ եւ եկեր զհաց զառաջաւորութեանն, զոր ոչ էր աւրէն նմա ուտել՝ եւ ոչ որոց ընդ նմայն եին. բայց միայն քահանայից:

s-196

MATT_12.5

Կամ թե չիցէ՞ ընթերցեալ յաւրէնս՝ զի ի շաբաթս քահանայքն ի տաճարին պղծեն զշաբաթն. եւ անմեղք են՝

s-197

MATT_12.6

բայց ասեմ ձեզ՝ զի մեծ քան զտաճարն է աստ:

s-198

MATT_12.7-8

Եւ եթե գիտեիք զի՞նչ է զողորմութիւնն կամիմ եւ ոչ զզոհ՝ ապա ոչ դատապարտեիք դուք զամպարտսն: Զի Տէր է շաբաթու որդին մարդոյ:

s-199

MATT_12.9

Եւ գնացեալ անտի Յիսուս եկն ի ժողովուրդն նոցա:

s-200

MATT_12.10a

Եւ անդ էր այր մի որոյ ձեռն իւր գաւսացեալ էր՝