Universal Dependencies - Ancient Greek - Perseus

s-1

tlg0020.tlg001.perseus-grc1.tb.xml@2273668

μουσάων Ἑλικωνιάδων ἀρχώμεθ̓ ἀείδειν, αἵθ̓ Ἑλικῶνος ἔχουσιν ὄρος μέγα τε ζάθεόν τε καί τε περὶ κρήνην ἰοειδέα πόσσ̓ ἁπαλοῖσιν ὀρχεῦνται καὶ βωμὸν ἐρισθενέος Κρονίωνος.

s-2

tlg0020.tlg001.perseus-grc1.tb.xml@2273669

καί τε λοεσσάμεναι τέρενα χρόα Περμησσοῖο ἢ Ἵππου κρήνης ἢ Ὀλμειοῦ ζαθέοιο ἀκροτάτῳ Ἑλικῶνι χοροὺς ἐνεποιήσαντο καλούς, ἱμερόεντας·

s-3

tlg0020.tlg001.perseus-grc1.tb.xml@2273670

ἐπερρώσαντο δὲ ποσσίν.

s-4

tlg0020.tlg001.perseus-grc1.tb.xml@2273672

αἵ νύ ποθ̓ Ἡσίοδον καλὴν ἐδίδαξαν ἀοιδήν, ἄρνας ποιμαίνονθ̓ Ἑλικῶνος ὕπο ζαθέοιο.

s-5

tlg0020.tlg001.perseus-grc1.tb.xml@2273673

τόνδε δέ με πρώτιστα θεαὶ πρὸς μῦθον ἔειπον, Μοῦσαι Ὀλυμπιάδες, κοῦραι Διὸς αἰγιόχοιο·

s-6

tlg0020.tlg001.perseus-grc1.tb.xml@2273675

ὣς ἔφασαν κοῦραι μεγάλου Διὸς ἀρτιέπειαι·

s-7

tlg0020.tlg001.perseus-grc1.tb.xml@2273676

καί μοι σκῆπτρον ἔδον δάφνης ἐριθηλέος ὄζον δρέψασαι, θηητόν·

s-8

tlg0020.tlg001.perseus-grc1.tb.xml@2273681

τῶν δ̓ ἀκάματος ῥέει αὐδὴ ἐκ στομάτων ἡδεῖα·

s-9

tlg0020.tlg001.perseus-grc1.tb.xml@2273682

γελᾷ δέ τε δώματα πατρὸς Ζηνὸς ἐριγδούποιο θεᾶν ὀπὶ λειριοέσσῃ σκιδναμένῃ·

s-10

tlg0020.tlg001.perseus-grc1.tb.xml@2273683

ἠχεῖ δὲ κάρη νιφόεντος Ὀλύμπου δώματά τ̓ ἀθανάτων.

s-11

tlg0020.tlg001.perseus-grc1.tb.xml@2273684

αἳ δ̓ ἄμβροτον ὄσσαν ἱεῖσαι θεῶν γένος αἰδοῖον πρῶτον κλείουσιν ἀοιδῇ ἐξ ἀρχῆς, οὓς Γαῖα καὶ Οὐρανὸς εὐρὺς ἔτικτεν, οἵ τ̓ ἐκ τῶν ἐγένοντο θεοί, δωτῆρες ἐάων.

s-12

tlg0020.tlg001.perseus-grc1.tb.xml@2273685

δεύτερον αὖτε Ζῆνα, θεῶν πατέῤ ἠδὲ καὶ ἀνδρῶν, ἀρχόμεναί θ̓ ὑμνεῦσι καὶ ἐκλήγουσαι ἀοιδῆς, ὅσσον φέρτατός ἐστι θεῶν κράτεί τε μέγιστος.

s-13

tlg0020.tlg001.perseus-grc1.tb.xml@2273686

αὖτις δ̓ ἀνθρώπων τε γένος κρατερῶν τε Γιγάντων ὑμνεῦσαι τέρπουσι Διὸς νόον ἐντὸς Ὀλύμπου Μοῦσαι Ὀλυμπιάδες, κοῦραι Διὸς αἰγιόχοιο.

s-14

tlg0020.tlg001.perseus-grc1.tb.xml@2273687

τὰς ἐν Πιερίῃ Κρονίδῃ τέκε πατρὶ μιγεῖσα Μνημοσύνη, γουνοῖσιν Ἐλευθῆρος μεδέουσα, λησμοσύνην τε κακῶν ἄμπαυμά τε μερμηράων.

s-15

tlg0020.tlg001.perseus-grc1.tb.xml@2273688

ἐννέα γάρ οἱ νυκτὸς ἐμίσγετο μητίετα Ζεὺς νόσφιν ἀπ̓ ἀθανάτων ἱερὸν λέχος εἰσαναβαίνων·

s-16

tlg0020.tlg001.perseus-grc1.tb.xml@2273691

πὰρ δ̓ αὐτῇς Χάριτές τε καὶ Ἵμερος οἰκί̓ ἔχουσιν ἐν θαλίῃς·

s-17

tlg0020.tlg001.perseus-grc1.tb.xml@2273693

αἳ τότ̓ ἴσαν πρὸς Ὄλυμπον ἀγαλλόμεναι ὀπὶ καλῇ, ἀμβροσίῃ μολπῇ·

s-18

tlg0020.tlg001.perseus-grc1.tb.xml@2273694

περὶ δ̓ ἴαχε γαῖα μέλαινα ὑμνεύσαις, ἐρατὸς δὲ ποδῶν ὕπο δοῦπος ὀρώρει νισσομένων πατέῤ εἰς ὅν·

s-19

tlg0020.tlg001.perseus-grc1.tb.xml@2273697

ταῦτ̓ ἄρα Μοῦσαι ἄειδον, Ὀλύμπια δώματ̓ ἔχουσαι, ἐννέα θυγατέρες μεγάλου Διὸς ἐκγεγαυῖαι, Κλειώ τ̓ Εὐτέρπη τε Θάλειά τε Μελπομέενη τε Τερψιχόρη τ̓ Ἐρατώ τε Πολύμνιά τ̓ Οὐρανίη τε Καλλιόπη θ̓·

s-20

tlg0020.tlg001.perseus-grc1.tb.xml@2273698

ἣ δὲ προφερεστάτη ἐστὶν ἁπασέων.

s-21

tlg0020.tlg001.perseus-grc1.tb.xml@2273700

ὅν τινα τιμήσωσι Διὸς κοῦραι μεγάλοιο γεινόμενόν τε ἴδωσι διοτρεφέων βασιλήων, τῷ μὲν ἐπὶ γλώσσῃ γλυκερὴν χείουσιν ἐέρσην, τοῦ δ̓ ἔπἐ ἐκ στόματος ῥεῖ μείλιχα·

s-22

tlg0020.tlg001.perseus-grc1.tb.xml@2273701

οἱ δέ τε λαοὶ πάντες ἐς αὐτὸν ὁρῶσι διακρίνοντα θέμιστας ἰθείῃσι δίκῃσιν·

s-23

tlg0020.tlg001.perseus-grc1.tb.xml@2273702

ὃ δ̓ ἀσφαλέως ἀγορεύων αἶψά κε καὶ μέγα νεῖκος ἐπισταμένως κατέπαυσεν·

s-24

tlg0020.tlg001.perseus-grc1.tb.xml@2273708

γλυκερή οἱ ἀπὸ στόματος ῥέει αὐδή.

s-25

tlg0020.tlg001.perseus-grc1.tb.xml@2273710

ταχέως δὲ παρέτραπε δῶρα θεάων.

s-26

tlg0020.tlg001.perseus-grc1.tb.xml@2273711

χαίρετε, τέκνα Διός, δότε δ̓ ἱμερόεσσαν ἀοιδήν.

s-27

tlg0020.tlg001.perseus-grc1.tb.xml@2273714

ταῦτά μοι ἔσπετε Μοῦσαι, Ὀλύμπια δώματ̓ ἔχουσαι ἐξ ἀρχῆς, καὶ εἴπαθ̓, ὅ τι πρῶτον γένετ̓ αὐτῶν.

s-28

tlg0020.tlg001.perseus-grc1.tb.xml@2273716

ἐκ Χάεος δ̓ Ἔρεβός τε μέλαινά τε Νὺξ ἐγένοντο·

s-29

tlg0020.tlg001.perseus-grc1.tb.xml@2273717

Νυκτὸς δ̓ αὖτ̓ Αἰθήρ τε καὶ Ἡμέρη ἐξεγένοντο, οὓς τέκε κυσαμένη Ἐρέβει φιλότητι μιγεῖσα.

s-30

tlg0020.tlg001.perseus-grc1.tb.xml@2273718

Γαῖα δέ τοι πρῶτον μὲν ἐγείνατο ἶσον ἑαυτῇ Οὐρανὸν ἀστερόενθ̓, ἵνα μιν περὶ πάντα καλύπτοι, ὄφῤ εἴη μακάρεσσι θεοῖς ἕδος ἀσφαλὲς αἰεί.

s-31

tlg0020.tlg001.perseus-grc1.tb.xml@2273719

γείνατο δ̓ Οὔρεα μακρά, θεῶν χαρίεντας ἐναύλους, Νυμφέων, αἳ ναίουσιν ἀν̓ οὔρεα βησσήεντα.

s-32

tlg0020.tlg001.perseus-grc1.tb.xml@2273720

ἣ δὲ καὶ ἀτρύγετον πέλαγος τέκεν, οἴδματι θυῖον, Πόντον, ἄτερ φιλότητος ἐφιμέρου·

s-33

tlg0020.tlg001.perseus-grc1.tb.xml@2273721

αὐτὰρ ἔπειτα Οὐρανῷ εὐνηθεῖσα τέκ̓ Ὠκεανὸν βαθυδίνην, Κοῖόν τε Κρῖόν θ̓ Ὑπερίονά τ̓ Ἰαπετόν τε Θείαν τε Ῥείαν τε Θέμιν τε Μνημοσύνην τε Φοίβην τε χρυσοστέφανον Τηθύν τ̓ ἐρατεινήν.

s-34

tlg0020.tlg001.perseus-grc1.tb.xml@2273722

τοὺς δὲ μέθ̓ ὁπλότατος γένετο Κρόνος ἀγκυλομήτης, δεινότατος παίδων·

s-35

tlg0020.tlg001.perseus-grc1.tb.xml@2273723

θαλερὸν δ̓ ἤχθηρε τοκῆα.

s-36

tlg0020.tlg001.perseus-grc1.tb.xml@2273725

οἳ δή τοι τὰ μὲν ἄλλα θεοῖς ἐναλίγκιοι ἦσαν, μοῦνος δ̓ ὀφθαλμὸς μέσσῳ ἐνέκειτο μετώπῳ.

s-37

tlg0020.tlg001.perseus-grc1.tb.xml@2273726

Κύκλωπες δ̓ ὄνομ̓ ἦσαν ἐπώνυμον, οὕνεκ̓ ἄρα σφέων κυκλοτερὴς ὀφθαλμὸς ἕεις ἐνέκειτο μετώπῳ·

s-38

tlg0020.tlg001.perseus-grc1.tb.xml@2273727

ἰσχὺς δ̓ ἠδὲ βίη καὶ μηχαναὶ ἦσαν ἐπ̓ ἔργοις.

s-39

tlg0020.tlg001.perseus-grc1.tb.xml@2273728

ἄλλοι δ̓ αὖ Γαίης τε καὶ Οὐρανοῦ ἐξεγένοντο τρεῖς παῖδες μεγάλοι τε καὶ ὄβριμοι, οὐκ ὀνομαστοί, Κόττος τε Βριάρεώς τε Γύης θ̓, ὑπερήφανα τέκνα.

s-40

tlg0020.tlg001.perseus-grc1.tb.xml@2273729

τῶν ἑκατὸν μὲν χεῖρες ἀπ̓ ὤμων ἀίσσοντο, ἄπλαστοι, κεφαλαὶ δὲ ἑκάστῳ πεντήκοντα ἐξ ὤμων ἐπέφυκον ἐπὶ στιβαροῖσι μέλεσσιν·

s-41

tlg0020.tlg001.perseus-grc1.tb.xml@2273732

καὶ τῶν μὲν ὅπως τις πρῶτα γένοιτο, πάντας ἀποκρύπτασκε, καὶ ἐς φάος οὐκ ἀνίεσκε, Γαίης ἐν κευθμῶνι, κακῷ δ̓ ἐπετέρπετο ἔργῳ Οὐρανός.

s-42

tlg0020.tlg001.perseus-grc1.tb.xml@2273733

ἣ δ̓ ἐντὸς στοναχίζετο Γαῖα πελώρη στεινομένη·

s-43

tlg0020.tlg001.perseus-grc1.tb.xml@2273734

δολίην δὲ κακήν τ̓ ἐφράσσατο τέχνην.

s-44

tlg0020.tlg001.perseus-grc1.tb.xml@2273736

εἶπε δὲ θαρσύνουσα, φίλον τετιημένη ἦτορ·

s-45

tlg0020.tlg001.perseus-grc1.tb.xml@2273737

παῖδες ἐμοὶ καὶ πατρὸς ἀτασθάλου, αἴ κ̓ ἐθέλητε πείθεσθαι, πατρός κε κακὴν τισαίμεθα λώβην ὑμετέρου·

s-46

tlg0020.tlg001.perseus-grc1.tb.xml@2273738

πρότερος γὰρ ἀεικέα μήσατο ἔργα.

s-47

tlg0020.tlg001.perseus-grc1.tb.xml@2273739

ὣς φάτο·

s-48

tlg0020.tlg001.perseus-grc1.tb.xml@2273740

τοὺς δ̓ ἄρα πάντας ἕλεν δέος, οὐ δέ τις αὐτῶν φθέγξατο.

s-49

tlg0020.tlg001.perseus-grc1.tb.xml@2273741

θαρσήσας δὲ μέγας Κρόνος ἀγκυλομήτης ἂψ αὖτις μύθοισι προσηύδα μητέρα κεδνήν·

s-50

tlg0020.tlg001.perseus-grc1.tb.xml@2273742

μῆτερ, ἐγώ κεν τοῦτό γ̓ ὑποσχόμενος τελέσαιμι ἔργον, ἐπεὶ πατρός γε δυσωνύμου οὐκ ἀλεγίζω ἡμετέρου·

s-51

tlg0020.tlg001.perseus-grc1.tb.xml@2273743

πρότερος γὰρ ἀεικέα μήσατο ἔργα.

s-52

tlg0020.tlg001.perseus-grc1.tb.xml@2273744

ὣς φάτο·

s-53

tlg0020.tlg001.perseus-grc1.tb.xml@2273745

γήθησεν δὲ μέγα φρεσὶ Γαῖα πελώρη·

s-54

tlg0020.tlg001.perseus-grc1.tb.xml@2273746

εἷσε δέ μιν κρύψασα λόχῳ·

s-55

tlg0020.tlg001.perseus-grc1.tb.xml@2273747

ἐνέθηκε δὲ χερσὶν ἅρπην καρχαρόδοντα·

s-56

tlg0020.tlg001.perseus-grc1.tb.xml@2273748

δόλον δ̓ ὑπεθήκατο πάντα.

s-57

tlg0020.tlg001.perseus-grc1.tb.xml@2273750

ὃ δ̓ ἐκ λοχέοιο πάις ὠρέξατο χειρὶ σκαιῇ, δεξιτερῇ δὲ πελώριον ἔλλαβεν ἅρπην μακρὴν καρχαρόδοντα, φίλου δ̓ ἀπὸ μήδεα πατρὸς ἐσσυμένως ἤμησε, πάλιν δ̓ ἔρριψε φέρεσθαι ἐξοπίσω·

s-58

tlg0020.tlg001.perseus-grc1.tb.xml@2273751

τὰ μὲν οὔ τι ἐτώσια ἔκφυγε χειρός·

s-59

tlg0020.tlg001.perseus-grc1.tb.xml@2273752

ὅσσαι γὰρ ῥαθάμιγγες ἀπέσσυθεν αἱματόεσσαι, πάσας δέξατο Γαῖα·

s-60

tlg0020.tlg001.perseus-grc1.tb.xml@2273753

περιπλομένων δ̓ ἐνιαυτῶν γείνατ̓ Ἐρινῦς τε κρατερὰς μεγάλους τε Γίγαντας, τεύχεσι λαμπομένους, δολίχ̓ ἔγχεα χερσὶν ἔχοντας, Νύμφας θ̓ ἃς Μελίας καλέουσ̓ ἐπ̓ ἀπείρονα γαῖαν.

s-61

tlg0020.tlg001.perseus-grc1.tb.xml@2273754

μήδεα δ̓ ὡς τὸ πρῶτον ἀποτμήξας ἀδάμαντι κάββαλ̓ ἀπ̓ ἠπείροιο πολυκλύστῳ ἐνὶ πόντῳ, ὣς φέρετ̓ ἂμ πέλαγος πουλὺν χρόνον, ἀμφὶ δὲ λευκὸς ἀφρὸς ἀπ̓ ἀθανάτου χροὸς ὤρνυτο·

s-62

tlg0020.tlg001.perseus-grc1.tb.xml@2273755

τῷ δ̓ ἔνι κούρη ἐθρέφθη·

s-63

tlg0020.tlg001.perseus-grc1.tb.xml@2273756

πρῶτον δὲ Κυθήροισιν ζαθέοισιν ἔπλητ̓, ἔνθεν ἔπειτα περίρρυτον ἵκετο Κύπρον.

s-64

tlg0020.tlg001.perseus-grc1.tb.xml@2273757

ἐκ δ̓ ἔβη αἰδοίη καλὴ θεός, ἀμφὶ δὲ ποίη ποσσὶν ὕπο ῥαδινοῖσιν ἀέξετο·

s-65

tlg0020.tlg001.perseus-grc1.tb.xml@2273762

τῇ δ̓ Ἔρος ὡμάρτησε καὶ Ἵμερος ἕσπετο καλὸς γεινομένῃ τὰ πρῶτα θεῶν τ̓ ἐς φῦλον ἰούσῃ.

s-66

tlg0020.tlg001.perseus-grc1.tb.xml@2273763

ταύτην δ̓ ἐξ ἀρχῆς τιμὴν ἔχει ἠδὲ λέλογχε μοῖραν ἐν ἀνθρώποισι καὶ ἀθανάτοισι θεοῖσι, παρθενίους τ̓ ὀάρους μειδήματά τ̓ ἐξαπάτας τε τέρψιν τε γλυκερὴν φιλότητά τε μειλιχίην τε.

s-67

tlg0020.tlg001.perseus-grc1.tb.xml@2273766

νὺξ δ̓ ἔτεκεν στυγερόν τε Μόρον καὶ Κῆρα μέλαιναν καὶ Θάνατον, τέκε δ̓ Ὕπνον, ἔτικτε δὲ φῦλον Ὀνείρων·

s-68

tlg0020.tlg001.perseus-grc1.tb.xml@2273767

δεύτερον αὖ Μῶμον καὶ Ὀιζὺν ἀλγινόεσσαν οὔ τινι κοιμηθεῖσα θεὰ τέκε Νὺξ ἐρεβεννή, Ἑσπερίδας θ̓, ᾗς μῆλα πέρην κλυτοῦ Ὠκεανοῖο χρύσεα καλὰ μέλουσι φέροντά τε δένδρεα καρπόν.

s-69

tlg0020.tlg001.perseus-grc1.tb.xml@2273768

καὶ Μοίρας καὶ Κῆρας ἐγείνατο νηλεοποίνους, Κλωθώ τε Λάχεσίν τε καὶ Ἄτροπον, αἵτε βροτοῖσι γεινομένοισι διδοῦσιν ἔχειν ἀγαθόν τε κακόν τε, αἵτ̓ ἀνδρῶν τε θεῶν τε παραιβασίας ἐφέπουσιν·

s-70

tlg0020.tlg001.perseus-grc1.tb.xml@2273769

οὐ δέ ποτε λήγουσι θεαὶ δεινοῖο χόλοιο, πρίν γ̓ ἀπὸ τῷ δώωσι κακὴν ὄπιν, ὅς τις ἁμάρτῃ.

s-71

tlg0020.tlg001.perseus-grc1.tb.xml@2273770

τίκτε δὲ καὶ Νέμεσιν, πῆμα θνητοῖσι βροτοῖσι, Νὺξ ὀλοή·

s-72

tlg0020.tlg001.perseus-grc1.tb.xml@2273771

μετὰ τὴν δ̓ Ἀπάτην τέκε καὶ Φιλότητα Γῆράς τ̓ οὐλόμενον, καὶ Ἔριν τέκε καρτερόθυμον.

s-73

tlg0020.tlg001.perseus-grc1.tb.xml@2273773

Νηρέα δ̓ ἀψευδέα καὶ ἀληθέα γείνατο Πόντος, πρεσβύτατον παίδων·

s-74

tlg0020.tlg001.perseus-grc1.tb.xml@2273776

Νηρῆος δ̓ ἐγένοντο μεγήρατα τέκνα θεάων πόντῳ ἐν ἀτρυγέτῳ καὶ Δωρίδος ἠυκόμοιο, κούρης Ὠκεανοῖο, τελήεντος ποταμοῖο, Πλωτώ τ̓ Εὐκράντη τε Σαώ τ̓ Ἀμφιτρίτη τε Εὐδώρη τε Θέτις τε Γαλήνη τε Γλαύκη τε Κυμοθόη Σπειώ τε Θόη θ̓ Ἀλίη τ̓ ἐρόεσσα Πασιθέη τ̓ Ἐρατώ τε καὶ Εὐνίκη ῥοδόπηχυς καὶ Μελίτη χαρίεσσα καὶ Εὐλιμένη καὶ Ἀγαυὴ Δωτώ τε Πρωτώ τε Φέρουσά τε Δυναμένη τε Νησαίη τε καὶ Ἀκταίη καὶ Πρωτομέδεια Δωρὶς καὶ Πανόπεια καὶ εὐειδὴς Γαλάτεια Ἱπποθόη τ̓ ἐρόεσσα καὶ Ἱππονόη ῥοδόπηχυς Κυμοδόκη θ̓, ἣ κύματ̓ ἐν ἠεροειδέι πόντῳ πνοιάς τε ζαέων ἀνέμων σὺν Κυματολήγῃ ῥεῖα πρηΰνει καὶ ἐυσφύρῳ Ἀμφιτρίτῃ, Κυμώ τ̓ Ἠιόνη τε ἐυστέφανός θ̓ Ἁλιμήδη Γλαυκονόμη τε φιλομμειδὴς καὶ Ποντοπόρεια Ληαγόρη τε καὶ Εὐαγόρη καὶ Λαομέδεια Πουλυνόη τε καὶ Αὐτονόη καὶ Λυσιάνασσα Εὐάρνη τε φυήν τ̓ ἐρατὴ καὶ εἶδος ἄμωμος καὶ Ψαμάθη χαρίεσσα δέμας δίη τε Μενίππη Νησώ τ̓ Εὐπόμπη τε Θεμιστώ τε Προνόη τε Νημερτής θ̓, ἣ πατρὸς ἔχει νόον ἀθανάτοιο.

s-75

tlg0020.tlg001.perseus-grc1.tb.xml@2273777

αὗται μὲν Νηρῆος ἀμύμονος ἐξεγένοντο κοῦραι πεντήκοντα, ἀμύμονα ἔργα ἰδυῖαι.

s-76

tlg0020.tlg001.perseus-grc1.tb.xml@2273780

μεταχρόνιαι γὰρ ἴαλλον.

s-77

tlg0020.tlg001.perseus-grc1.tb.xml@2273783

τῇ δὲ μιῇ παρελέξατο Κυανοχαίτης ἐν μαλακῷ λειμῶνι καὶ ἄνθεσιν εἰαρινοῖσιν.

s-78

tlg0020.tlg001.perseus-grc1.tb.xml@2273784

τῆς δ̓ ὅτε δὴ Περσεὺς κεφαλὴν ἀπεδειροτόμησεν, ἔκθορε Χρυσαωρ τε μέγας καὶ Πήγασος ἵππος.

s-79

tlg0020.tlg001.perseus-grc1.tb.xml@2273786

χὠ μὲν ἀποπτάμενος προλιπὼν χθόνα, μητέρα μήλων, ἵκετ̓ ἐς ἀθανάτους·

s-80

tlg0020.tlg001.perseus-grc1.tb.xml@2273787

Ζηνὸς δ̓ ἐν δώμασι ναίει βροντήν τε στεροπήν τε φέρων Διὶ μητιόεντι.

s-81

tlg0020.tlg001.perseus-grc1.tb.xml@2273789

τὸν μὲν ἄῤ ἐξενάριξε βίη Ἡρακληείη βουσὶ παῤ εἰλιπόδεσσι περιρρύτῳ εἰν Ἐρυθείῃ ἤματι τῷ ὅτε περ βοῦς ἤλασεν εὐρυμετώπους Τίρυνθ̓ εἰς ἱερὴν διαβὰς πόρον Ὠκεανοῖο Ὄρθον τε κτείνας καὶ βουκόλον Εὐρυτίωνα σταθμῷ ἐν ἠερόεντι πέρην κλυτοῦ Ὠκεανοῖο.

s-82

tlg0020.tlg001.perseus-grc1.tb.xml@2273790

ἣ δ̓ ἔτεκ̓ ἄλλο πέλωρον ἀμήχανον, οὐδὲν ἐοικὸς θνητοῖς ἀνθρώποις οὐ δ̓ ἀθανάτοισι θεοῖσιν, σπῆι ἔνι γλαφυρῷ θείην κρατερόφρον̓ Ἔχιδναν, ἥμισυ μὲν νύμφην ἑλικώπιδα καλλιπάρῃον, ἥμισυ δ̓ αὖτε πέλωρον ὄφιν δεινόν τε μέγαν τε αἰόλον ὠμηστὴν ζαθέης ὑπὸ κεύθεσι γαίης.

s-83

tlg0020.tlg001.perseus-grc1.tb.xml@2273792

ἔνθ̓ ἄρα οἱ δάσσαντο θεοὶ κλυτὰ δώματα ναίειν.

s-84

tlg0020.tlg001.perseus-grc1.tb.xml@2273793

ἣ δ̓ ἔρυτ̓ εἰν Ἀρίμοισιν ὑπὸ χθονὶ λυγρὴ Ἔχιδνα, ἀθάνατος νύμφη καὶ ἀγήραος ἤματα πάντα.

s-85

tlg0020.tlg001.perseus-grc1.tb.xml@2273795

ἣ δ̓ ὑποκυσαμένη τέκετο κρατερόφρονα τέκνα.

s-86

tlg0020.tlg001.perseus-grc1.tb.xml@2273800

ἣ δὲ Χίμαιραν ἔτικτε πνέουσαν ἀμαιμάκετον πῦρ, δεινήν τε μεγάλην τε ποδώκεά τε κρατερήν τε·

s-87

tlg0020.tlg001.perseus-grc1.tb.xml@2273805

ἔνθ̓ ἄῤ ὃ οἰκείων ἐλεφαίρετο φῦλ̓ ἀνθρώπων, κοιρανέων Τρητοῖο Νεμείης ἠδ̓ Ἀπέσαντος·

s-88

tlg0020.tlg001.perseus-grc1.tb.xml@2273806

ἀλλά ἑ ἲς ἐδάμασσε βίης Ἡρακληείης.

s-89

tlg0020.tlg001.perseus-grc1.tb.xml@2273808

τοῦτο μὲν ἐκ Κητοῦς καὶ Φόρκυνος γένος ἐστίν.

s-90

tlg0020.tlg001.perseus-grc1.tb.xml@2273809

Τηθὺς δ̓ Ὠκεανῷ Ποταμοὺς τέκε δινήεντας, Νεῖλόν τ̓ Ἀλφειόν τε καὶ Ἠριδανὸν βαθυδίνην Στρυμόνα Μαίανδρόν τε καὶ Ἴστρον καλλιρέεθρον Φᾶσίν τε Ῥῆσόν τ̓ Ἀχελώιόν τ̓ ἀργυροδίνην Νέσσον τε Ῥοδίον θ̓ Ἁλιάκμονά θ̓ Ἑπτάπορόν τε Γρήνικόν τε καὶ Αἴσηπον θεῖόν τε Σιμοῦντα Πηνειόν τε καὶ Ἕρμον ἐυρρείτην τε Κάικον Σαγγάριόν τε μέγαν Λάδωνά τε Παρθένιόν τε Εὔηνόν τε καὶ Ἄρδησκον θεῖόν τε Σκάμανδρον.

s-91

tlg0020.tlg001.perseus-grc1.tb.xml@2273810

τίκτε δὲ θυγατέρων ἱερὸν γένος, αἳ κατὰ γαῖαν ἄνδρας κουρίζουσι σὺν Ἀπόλλωνι ἄνακτι καὶ Ποταμοῖς, ταύτην δὲ Διὸς πάρα μοῖραν ἔχουσι, Πειθώ τ̓ Ἀδμήτη τε Ἰάνθη τ̓ Ἠλέκτρη τε Δωρίς τε Πρυμνώ τε καὶ Οὐρανίη θεοειδὴς Ἱππώ τε Κλυμένη τε Ῥόδειά τε Καλλιρόη τε Ζευξώ τε Κλυτίη τε Ἰδυῖά τε Πασιθόη τε Πληξαύρη τε Γαλαξαύρη τ̓ ἐρατή τε Διώνη Μηλόβοσίς τε Φόη τε καὶ εὐειδὴς Πολυδώρη Κερκηίς τε φυὴν ἐρατὴ Πλουτώ τε βοῶπις Περσηίς τ̓ Ἰάνειρά τ̓ Ἀκάστη τε Ξάνθη τε Πετραίη τ̓ ἐρόεσσα Μενεσθώ τ̓ Εὐρώπη τε Μῆτίς τ̓ Εὐρυνόμη τε Τελεστώ τε Κροκοπεπλος Χρυσηίς τ̓ Ἀσίη τε καὶ ἱμερόεσσα Καλυψὼ Εὐδώρη τε Τύχη τε καὶ Ἀμφιρὼ Ὠκυρόη τε καὶ Στύξ, ἣ δή σφεων προφερεστάτη ἐστὶν ἁπασέων.

s-92

tlg0020.tlg001.perseus-grc1.tb.xml@2273811

αὗται δ̓ Ὠκεανοῦ καὶ Τηθύος ἐξεγένοντο πρεσβύταται κοῦραι·

s-93

tlg0020.tlg001.perseus-grc1.tb.xml@2273816

θεία δ̓ Ἠέλιόν τε μέγαν λαμπράν τε Σελήνην Ἠῶ θ̓, ἣ πάντεσσιν ἐπιχθονίοισι φαείνει ἀθανάτοις τε θεοῖσι, τοὶ οὐρανὸν εὐρὺν ἔχουσι, γείναθ̓ ὑποδμηθεῖσ̓ Ὑπερίονος ἐν φιλότητι.

s-94

tlg0020.tlg001.perseus-grc1.tb.xml@2273817

Κρίῳ δ̓ Εὐρυβίν τέκεν ἐν φιλότητι μιγεῖσα Ἀστραῖόν τε μέγαν Πάλλαντά τε δῖα θεάων Πέρσην θ̓, ὃς καὶ πᾶσι μετέπρεπεν ἰδμοσύνῃσιν.

s-95

tlg0020.tlg001.perseus-grc1.tb.xml@2273818

Ἀστραίῳ δ̓ Ἠὼς ἀνέμους τέκε καρτεροθύμους, ἀργέστην Ζέφυρον Βορέην τ̓ αἰψηροκέλευθον καὶ Νότον, ἐν φιλότητι θεὰ θεῷ εὐνηθεῖσα.

s-96

tlg0020.tlg001.perseus-grc1.tb.xml@2273823

ἦλθε δ̓ ἄρα πρώτη Στὺξ ἄφθιτος Οὔλυμπόνδε σὺν σφοῖσιν παίδεσσι φίλου διὰ μήδεα πατρός.

s-97

tlg0020.tlg001.perseus-grc1.tb.xml@2273824

τὴν δὲ Ζεὺς τίμησε, περισσὰ δὲ δῶρα δέδωκεν.

s-98

tlg0020.tlg001.perseus-grc1.tb.xml@2273826

ὣς δ̓ αὔτως πάντεσσι διαμπερές, ὥς περ ὑπέστη, ἐξετέλεσσ̓·

s-99

tlg0020.tlg001.perseus-grc1.tb.xml@2273828

φοίβη δ̓ αὖ Κοίου πολυήρατον ἦλθεν ἐς εὐνήν·

s-100

tlg0020.tlg001.perseus-grc1.tb.xml@2273829

κυσαμένη δὴ ἔπειτα θεὰ θεοῦ ἐν φιλότητι Δητὼ κυανόπεπλον ἐγείνατο, μείλιχον αἰεί, ἤπιον ἀνθρώποισι καὶ ἀθανάτοισι θεοῖσιν, μείλιχον ἐξ ἀρχῆς, ἀγανώτατον ἐντὸς Ὀλύμπου.