orv-rnc-test-doc3
Universal Dependencies - Old East Slavic - RNC
| Language | Old East Slavic |
|---|
| Project | RNC |
|---|
| Corpus Part | test |
|---|
View options
Tags:
Javascript seems to be turned off, or there was a communication error. Turn on Javascript for more display options.
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
А с кѣм бꙋдет мнѣ, великомꙋ кн[ѧ]зю Васил[ь]ю Васил[ь]евичю, любѡв[ь], ино и тобѣ, великомꙋ кн[ѧ]зю Иванꙋ Федѡровичю, с тѣм любѡв[ь]. А с кѣм мнѣ, великомꙋ кн[ѧ]зю, любви не бꙋдет, ино и тобѣ, великомꙋ кн[ѧ]зю Иванꙋ, с тѣм любви не держати. А кто имет тебѧ, великѡг[о] кн[ѧ]зѧ Ивана, обидѣти, и мнѣ тебѧ, кн[ѧ]зю великомꙋ, бѡронити ѡт ког[о] сѧ сам не възможеш[ь] ѡборонити. А комꙋ бꙋдеш[ь] целовал кр[е]стъ, а томꙋ ти целован[ь]е сложити. А поидет на тебѧ кнѧз[ь] велики литѡвски, и мнѣ, кн[ѧ]зю великомꙋ Васил[ь]ю, поити самомꙋ тебѧ боронит[и]. А пошлет на тебѧ своих вѡевѡд, и мнѣ послати своих воевод тебѧ боронит[и]. А тебѣ, кн[ѧ]зю великомꙋ Иванꙋ, любви не имати, ни канчиват[и] ни с кѣм без моег[о] вѣдан[і]а. А с кѣм ꙗз, кнꙗз[ь] велики, имꙋ любѡв[ь] имати и докончѧн[ь]е, и мнѣ, кн[ѧ]зю великомꙋ, в докончѧлные грамоты писат[и] тебѧ, кн[ѧ]зѧ великог[о] Ивана. А гдѣ поидꙋ ꙗз, кнꙗз[ь] велики Василеи Васил[ь]евич, рат[ь]ю на своег[о] недрꙋга, и тобѣ, кн[ѧ]зю великомꙋ Иванꙋ Федѡровичю, поити со мъною самомꙋ, без ослꙋшан[і]а. А пошлю своих воевѡд, и тобѣ с ним[и] послат[и] своих воевѡд. А вотчины ти н[а]шеи, Москвы и Коломны, и всѣх волостеи Москѡвских и Коломенских, что потѧгло к Москвѣ и х Коломнѣ, по рекꙋ по Окꙋ, и всег[о] моег[о] кнѧжен[і]а великог[о], под нами не обидѣти, ни встꙋпатис[ѧ] никоторою хитростью.
Download XML • Download text
• Sentence view • Dependency trees