Universal Dependencies - Wolof - WTB

s-1

wo_wtb-ud-train_1833

Tabaski Sunna la su far ci ab jullit.

s-2

wo_wtb-ud-train_1834

Tëbëski mooy ñaareelu iid (bër) ci Lislaam ginnaaw bu Korite jàllee.

s-3

wo_wtb-ud-train_1835

Jële nanu ci Anas (gërëmul Yàlla ci moom) mu ne: Bi Yonent (Yalla na jàmmi Yàlla nekk ci moom) bi yegsee Madiina fekkee na leen ñaari bis ñu ca daan caaxaan ak a fo.

s-4

wo_wtb-ud-train_1836

Mu ne leen: Ana lu di ñaari bis yii?

s-5

wo_wtb-ud-train_1837

Ñu ne: Danu ci daan fo (caaxaan) ci jamonoy ceddo (jaahiliya).

s-6

wo_wtb-ud-train_1838

- Yonent bi ne leen: Yàlla jox na leen ñaari bis yu gën yooyu ñaar, ñu di bisu Tabaski ak bisu Kori (Abuu Daawud soloo na ko).

s-7

wo_wtb-ud-train_1839

Moom Täbaski dees na ko amal ci fukkeelu bis ci aw Täbaski, di weer wi mujj ci atum weer wi (Wolof).

s-8

wo_wtb-ud-train_1840

Ñaari bër yooyu, di Tëbëski ak Kori, bokk nañu ci teddngay Lislaam, ba tax na kenn sañu cee woor.

s-9

wo_wtb-ud-train_1841

Yonent bi (jàmmi Yàlla yal na nekk ci moom) tere na ku ci woor ci hadiis yu wér.

s-10

wo_wtb-ud-train_1842

Waaye nag bu dee bisu Täbaski sunna la boo xëyee bañ a lekk dara, ba ba nga di julliji ba noppi.

s-11

wo_wtb-ud-train_1843

Ci Ngiirum Maalig ak Shaafi, Tëbëski Sunna la su far ci ab jullit bu di mukàllaf, di as gor, man ko te mu bañ koo sonal.

s-12

wo_wtb-ud-train_1844

Bu yooyu dajee mag ak gone ñoo ci yam, ku xës mukàllaf sunna su far si war na la.

s-13

wo_wtb-ud-train_1845

Te it dina nekk farata ci ñaari anam yii:

s-14

wo_wtb-ud-train_1846

Benn, ci ku ko nësër: niki nga ni bu ma Yàlla defalee nàngam dinaa tabaski.

s-15

wo_wtb-ud-train_1847

Fu loola amee rekk manatul a ñàkk, farata la ci yaw.

s-16

wo_wtb-ud-train_1848

Ci ku xës jënd am tëbaski, walla mu yor am xar jublu ci tabaski: bu loolu xësee am dafa di daldi nekk farata ci yaw.

s-17

wo_wtb-ud-train_1849

Àtteb Tabaski ci Lislaam?

s-18

wo_wtb-ud-train_1850

Yàlla nee na: Jullil ngir sa boroom te rendi (lottal)

s-19

wo_wtb-ud-train_1851

Yonent bi nee na: Ku am dooley tabaski te tabaskiwul, kon bu mu jege sunu barabu julliwaay.

s-20

wo_wtb-ud-train_1852

Abuu Hurayra moo ko nettali, Ibn Maaja, Ahmad, Daaru Qutni ak Al-Haakim soloo nañu ko, doonte bari na ñu jam hadiis bi ci woroom xam-xam yi, niki Haasim ak ñeneen.

s-21

wo_wtb-ud-train_1853

Baraan nettali na ni, Yonent bi nee na: Li nuy njëkk a def ci bis bii, mooy julli.

s-22

wo_wtb-ud-train_1854

Ginnaaw ba nu dellu lottal.

s-23

wo_wtb-ud-train_1855

Ku def loolu def na sunu sunna.

s-24

wo_wtb-ud-train_1856

Ash-Shaari nee na: Duma nangu ku am dooley am Tabaski di ko sàggane.

s-25

wo_wtb-ud-train_1857

Yonent bi saxaloon na ko te daan ko digle.

s-26

wo_wtb-ud-train_1858

Sunna la su far ci Ñoñ-Maalig, Shaafi, ag ñenn ci waa Ahmad Ibn Hambal.

s-27

wo_wtb-ud-train_1859

Bu dee nag ci ngiirum Abuu Hanifa ñoom lu war la.

s-28

wo_wtb-ud-train_1860

Lu war ca ñoñ Abuu Hanifa nag tekkiwul farata la.

s-29

wo_wtb-ud-train_1861

Sopp nañu yii ci bisu Tëbaski:

s-30

wo_wtb-ud-train_1862

- Sangu lu ñu sopp la;

s-31

wo_wtb-ud-train_1863

- Sol yére yu bees boo di julliji, ak xeeñoo lëjkoloñ (ba mu des rekk jigéen);

s-32

wo_wtb-ud-train_1864

- Sopp nañu nga bañ a lekk dara ba julliji ba ñëw, soog a lekk;

s-33

wo_wtb-ud-train_1865

Yàlla nee na ci Alxuraan (lu nu ci dégge): Yàlla amul soxla ci yàpp wi walla dereet ji; waaye la ko ca soxal moo di ragal Yàlla gu bawoo ci yeen.

s-34

wo_wtb-ud-train_1866

Noonu lañu leen tàggate ngir ngeen màggal Yàlla ci li mu leen gindi.

s-35

wo_wtb-ud-train_1867

Te nanga bégal way-rafetal ñi (Suraat 22, Laaya 36)

s-36

wo_wtb-ud-train_1868

Kon nanu jàpp njëkk ni yéene ju sell te Yàlla rekk tax waliif ngistal walla wanu ci bëti nit ñi moo di maye am Tabaski.

s-37

wo_wtb-ud-train_1869

Ci Lislaam ñaari mbir sàrt la ci nangu ag jëf ju mu man a doon.

s-38

wo_wtb-ud-train_1870

Benn, mu dëppoo ak sunna; ñaar: sellal ko ngir Yàlla doŋŋ.

s-39

wo_wtb-ud-train_1871

Yonent bi (Yalla na jàmmi Yàlla nekk ci moom) nee na: Sellal-leen seen i jëf ngir Yàlla kat du nangu lu dul lu ñu sellal ngir moom.

s-40

wo_wtb-ud-train_1872

Sàrt yii nag moo ko di tax a wér:

s-41

wo_wtb-ud-train_1873

Xar mu am juróom benni (6) weer walla at ak i fan ci li sax ci Waa-Maalig, te di am kuy moo ci gën.

s-42

wo_wtb-ud-train_1874

Bu dee aw bëy nag, na am at ak weer ci Waa-Maalig.

s-43

wo_wtb-ud-train_1875

Xar a gën, topp bëy, topp nag ak giléem.

s-44

wo_wtb-ud-train_1876

Xar mu góor a gën mu jigéen, bëy wu góor a gën wu jigéen, nag ak giléem naka noonu.

s-45

wo_wtb-ud-train_1877

Juróom ñaari jullit man nañu a boole jënd aw nag walla giléem.

s-46

wo_wtb-ud-train_1878

Bu dee xar walla bëy nag kenn du ko bokk jënd.

s-47

wo_wtb-ud-train_1879

Waaye nag man nga a ray yéene ci képp ku di yewwoo ci kër gi, moo xam mu di ku nga xam ne dundal ko yaw la war, niki sa ay doom ak sa soxna, walla mu di ku nga xam ni dundal ko waru la, niki sa ay rakk yu góor ak jarbaat...

s-48

wo_wtb-ud-train_1880

Bu ñu ko amul, yéene leen ci dina leen doy am Tëbëski.

s-49

wo_wtb-ud-train_1881

Ku nekkul ci kër gi nag loolu du man a nekk.

s-50

wo_wtb-ud-train_1882

Yu ñu bañ ci am Tabaski:

s-51

wo_wtb-ud-train_1883

Bu benn béjjën dammee te wéragul, manaan di nàcc, du mat am tabaski (ci Maalig).

s-52

wo_wtb-ud-train_1884

Bu wéree may nañu la ko.

s-53

wo_wtb-ud-train_1885

Bu judduwaalewul ay béjjën it dara nekku ci.

s-54

wo_wtb-ud-train_1886

Bu ñu xaajee nopp ba ñatt (1/3), la ca dagg bu matee benn xaaj ba, matul am Tëbëski.

s-55

wo_wtb-ud-train_1887

Bu judduwaalewul nopp walla nopp ya gàtt nag dara nekku ci.

s-56

wo_wtb-ud-train_1888

Niki noonu it bu nopp ba xaree lu tollu ci benn ci ñatti xaajam (1/3) du mat am Tëbëski.

s-57

wo_wtb-ud-train_1889

Bu ñu xaajee geen ba ñatt, la ca dagg bu matee benn ca ñatti xaaj ya matul am Tabaski.

s-58

wo_wtb-ud-train_1890

Bu ko judduwaalewul walla mu gàtt nag dara nekku ci.

s-59

wo_wtb-ud-train_1891

Am Tabaski war naa mucc ci yii:

s-60

wo_wtb-ud-train_1892

Bu mu yooy ba amul nebbon (ndawal).

s-61

wo_wtb-ud-train_1893

Bu gimiñ ga xasaw.

s-62

wo_wtb-ud-train_1894

Bu mu patt ba fés, rawatina nag mu di gumba.

s-63

wo_wtb-ud-train_1895

Bu mu làggi ba mu fés, rawatina nag mu damm.

s-64

wo_wtb-ud-train_1896

Alaa kulli haal nag, Lislaam ag yombal la bëgg, te mboolem àtte yi woroom xam-xam yi di tërël dañu ci sóoraale loolu ag jàppndal ñeel jullit ñi.

s-65

wo_wtb-ud-train_1897

Lu ñu di bañ ci ndawalug am Tëbëski:

s-66

wo_wtb-ud-train_1898

Bañees na ku ca jaay dara ca yàpp wa ak ca der ba.

s-67

wo_wtb-ud-train_1899

Ku ko ñaani ba mayees la ko nag man na koo jaay dara nekku ci.

s-68

wo_wtb-ud-train_1900

Bañees na yitam ka ko di fees ñu di ko fay ca yàppu wa, waaye manees na ko cee may walla sarax.

s-69

wo_wtb-ud-train_1901

Bu laajee ag fay ñu fay ko xaalis walla leneen.

s-70

wo_wtb-ud-train_1902

Noonu it la àtte ci am tudd.

s-71

wo_wtb-ud-train_1903

Bañees na gépp joxe ngir wareef, niki tànku njëkke, yeeli maam, baatu feeskat, ak yu ni mel...

s-72

wo_wtb-ud-train_1904

Waaye nag moo ngi aju ci yéene ji.

s-73

wo_wtb-ud-train_1905

Booy sarax sa dëkkandoo te bëggal ko sutura man ngaa yéene sarax ci sa xol te jubloo rafetal wax ko ni am sa tànku njëkke, ndax jëf yaa ngi aju ci yéene yi, tur yi amul solo.

s-74

wo_wtb-ud-train_1906

Niki amaana boo ko nee sarax, mu rusloo ko ci kanamu njabootam, mbaa sax mu tee ko koo jël.

s-75

wo_wtb-ud-train_1907

Am Tëbëski sañees na cee maye, sañees na cee lekk, sañees na cee denc.

s-76

wo_wtb-ud-train_1908

Xataada Ibn An-Nu-Maan nettali na ne Yonent bi xëy na bis ne leen: Maa leen tere woon lekk ndawalug Tëbëski lu weesu ñatti bis yi (Tabaski).

s-77

wo_wtb-ud-train_1909

May naa leen ko léegi; lekkleen ci ni mu leen neexe.

s-78

wo_wtb-ud-train_1910

Waaye buleen jaay ndawalug Tëbëski, lekkleen ci joxeleen ci sarax.

s-79

wo_wtb-ud-train_1911

Jariñooleen der bi waaye buleen ko jaay.

s-80

wo_wtb-ud-train_1912

Bu ñu leen ci joxee it lekkleen.

s-81

wo_wtb-ud-train_1913

Ahmad soloo na ko.

s-82

wo_wtb-ud-train_1914

Nan lañuy rendee ak li ci aju:

s-83

wo_wtb-ud-train_1915

Ab jullit moo koy def, te doon ku am xel.

s-84

wo_wtb-ud-train_1916

Melo wi ci gën nag moo di mu tëral la mu di rendi ci wetug càmmooñam te mu jublu Xibla.

s-85

wo_wtb-ud-train_1917

Bu dee am xar mu tëral noppub ndeyjoor ba, ba fa mu yam ca baat ba, mu teg ca paaka ba.

s-86

wo_wtb-ud-train_1918

Walla bu amee téerey baat mu teg paaka ba ca diggante téere ya.

s-87

wo_wtb-ud-train_1919

Bu ko defee bala caa teg paaka ba mu wax ci am xelam ni fas naa yéenee daganal lekk yàppu nàngam lii ci rendi gi ma ko di rendi.

s-88

wo_wtb-ud-train_1920

Bu dee teg paaka ba mu wax: Bismil-Laahi daldi koy dawal ba ñaari sidit yu mag ya ak boli ga lépp dagg.

s-89

wo_wtb-ud-train_1921

Bu ko bombee ba deret ja génn mu wax: Allaahu Akbar.

s-90

wo_wtb-ud-train_1922

Bu dawalee paaka ba, sidit ya tàmbalee dagg, mu teggi ko.

s-91

wo_wtb-ud-train_1923

Bu ko ca gaawee delloo dees na ko lekk.

s-92

wo_wtb-ud-train_1924

Bu ko ca yeexee delloo nag te lor waralu ko, kon deesu ko lekk.

s-93

wo_wtb-ud-train_1925

Te yit bu mu tàxale baat ba, bu ko defee it du ko tee dagan, waaye bañ koo def a gën.

s-94

wo_wtb-ud-train_1926

Rendi xar ak bëy ci kanam lañu koy defe, boo ko rendee ci ginnaaw walla ci wet, deesu ko lekk.

s-95

wo_wtb-ud-train_1927

Bu dee aw nag manees na koo rendi, manees na koo loj.

s-96

wo_wtb-ud-train_1928

Bu dee ginaar nag war naa wërale paaka ba, ca gannaaw ak ca kanam, ba sidit yu sew yépp dagg te mu bañ a tàqale baat ba.

s-97

wo_wtb-ud-train_1929

Bu ko defee it du ko tee baax waaye bañ koo def a gën.

s-98

wo_wtb-ud-train_1930

Loj ak li ci aju:

s-99

wo_wtb-ud-train_1931

Kuy loj, dafay taxawal la muy loj jubale ko 'XIBLA' (Kaabag Màkka).

s-100

wo_wtb-ud-train_1932

Mu lem baat ba tëral ko ci wetug càmmoñ ga.