979

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

10

35

336 OBERHOF-ENTSCHEIDUNGEN 2. SPR. NO. 29.

wegen, als ich von seinen gnaden eim gemoiner vorlciher pin aller seiner perkwork, und dem grunthern auf dem egenanten perkwerk czu Pilsen um di recht, di aim grunthern czu recht angehoren, auf des grunt oder erbe ein newes perkwerk aufkumpt. Dorum pit ich ewer erberkeit von meines egenanten hern des kaisers wegen mit besunderm vleis, das ir mich unterweist mit ewerm prif, was rechtes ain grunther hab, auf des grunt ein newes perkwerk autkumpt, es sie czu heusern, hofsteten, padstuben, vlaischpenken, protpenken ader czu andern dingen, was des ist oder wi di sein. Das wil ich euch vor meime hern dem kaiser vleissiklich danken und euch fudern des pesten, des ich chan oder mak, woran ir mein bedurft — wenne der selb grunthor und ich dorczu gewilkurt haben. Und send euch von meinen wegen den Lorenez Meschler, der do czeucht mit disem prif. Was ir uns unterweist um di egenanten geprechen, dopei woll wir paide pleiben.

Sentencia diffinitiva.

(2) Wisset das, das wir der unterweisung wol ledik weren mit cinem rechten. Aber durch unsers heren willen des kaisers und von paider ewer wilkor wegen, do ir paide czu gewilkurt habt, wan wilkur alle recht pricht, und auch im kuniglichen rechte geschriben stet: Volentibus et consencientibus non infertur injuria, so bescheide wir euch czu einem rechten, das der grunther schal haben den dritten pfennik an der urbar. (3) Und um das ander beschaide wir euch also, das ein iklich gemessener perk schol sechezen hofstete frei haben; und dorinne mak man schenken pier, mete und wein. Und di schollin ordenlich gepawet sein pel der czeche, das mugen gewandern paile mit wegen und auch sust an alle hindirnusse. (4) Und schullen habin czu irer viech waide um und um sich also verre, als ein man mit cinem pogen geschiesen mak von der czeche. (5) Und di gewerken mugen aus den sechezen hofsteten eine oder czwo oder mer czu fleisch- penken oder czu protpenken oder cine padstuben machen, das stet an in. Wil aber imant aus der mase der sechczen hofstete des vor genanten peudes icht pawen, das mus her mit des hern gunst tun, des das gut ist und der grunt. [Cod. B.]

(2) Das Citat aus den Const. Siehe Spr. No. 23 (3) und die Citate das. (3) Vgl. Spr. No. 28 (1. (4) Vgl. Spr. No. 28 (2). (5) Vgl. Spr. No. 27.