946

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

168. Bohuslav Kristianu Pedikovi.

Aby dokázal, že nejen doby dávno minulé muže výtečné a slavné rodívaly, líčí vy- -nikající vlastnosti kancléře Jana z Šelnberka. (Luc. 58%, Vinařický 35.)

Christiano Pedick s. d. Audivi saepenumero, dum, ut fit, sermo de republica oritur, a nonnullis secula prisca et maiores nostros mirifice laudari, guod domi militiaegue admodum clari et excellentes fuissent, aetatem nunc nostram penitus despici atque contemni, tanquam nullum omnio magnum illustremque virum tu- lerit. Quorum ego erga vetustatem observantiam et amorem non probare non possum; quod autem aetatem hanc tanto studio insectantur, vereor, ne eorum potius mores quam tempora nostra in culpa sint. Ut enim innumeros alios nullo virtutum genere priscis illis hominibus, quos tantopere admiramur, inferiores omit- tam, quid tandem Joanni a Sseleberg, regni Bohemiae cancellario, quod ad lau- dém, gloriam amplitudinemque pertineat, deest? Est in eo statura egregia, est vultus maiestatem quandam singularem prae se ferens, est, quod Cicero compositis moribus accidere ait, summa gravitas cum summa humanitate coniuncta, ingenium acutissimum, memoria omnium, quae vidit, audivit, legit, tenax; eloquentia vero tanta, quantam ego in homine nostrate ne sperare quidem unquam ausus essem. Nil oratione sua gravius, nil concinnius, nil ornatius, nil copiosius. Quoties ho- minem audio, Ulyssem mihi audire videor, cuius orationem hybernis nivibus simi- lem fuisse Homerus ait. Materiei sententiae, sententiis verba quadrant. Fluunt omnia illaborata, quae alius intentissima cura consequi non posset. Eo perorante non Graecis, non Latinis cedimus, sive orationis elegantiam et suavitatem inspicis, sive copiam et huiusmodi copiam, quae nunquam satietatem aut fastidium parit. Quis enim loqui eo incipiente non veretur, ne cito desinat? Jam vero omnibus verbis suis incredibilis autoritas et fides inest. Si quando in senatu de republica dicit, omnes in sententiam eius pedibus eunt, neque quisquam ex tanto prudentissimorum et eloquentissimorum hominum numero aut ad- versatur ei, aut se melius reipublicae consulturum putat. Nunquam ulla res magna sine eo agitur. In causis non advocati sed testis pene fidem affert. Id facit aetas eius sancte integreque transacta et ab omni labe fraudis et cal- liditatis prorsus aliena. Neque tamen hae virtutes insolentem aut superbum reddunt. Faciles ad hominem aditus, dat grata responsa, intempestive acce- dentibus non irascitur, precibus importune operam suam exigentium non ex-