82

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

192

gnedigen herren, daruff, das fride und gnade in dem land zu Behem bestalt werde, und auch iederman be rechte bleibe, uns mit dem hochgebornen fursten und herren, hern Joste margraven und herren zu Merhern als einem hauptman, bemischen ein starosta benennet, die weil in unser gnediger herre der kunig vor einen hauptman haben wil, und den edeln lantherren zu Behem allen vorbunden und voreinet haben, vorbinden und voreinen uns mit wolbedachtem mute, rechter wissen, in kraft dicz briefes also, das wir in als offte sich das geburet und des mot geschiet, beigestendig und beholffen sein süllen und wollen, zu schaffen unsers egenanten herren des kuniges und sust gemeinen nucz, fride und selikeit in dem lande zu Behem und auch behalden einen ieden man bei seinen rechten, gnaden. freiheiten und guten gewonheiten, der sie von alders gebrauchet haben. Und wer es sache, das iemand, wer der sei, sich wider die egenanten unsern herren den künig, margraffen Josten oder die lantherren seczen, sie wider recht angreifen oder süst hindern wolde, das sie gemeinen nucz des landes nicht bestellen mochten, so süllen und wóllen wir in wider dies- selben getreulichen und mit aller unser macht beholffen sein, als offte wir des von in ermanet werden. Und wann auch der obgenant unser herre der romische kunig allen lantherren und steten des künigreichs zu Behem die obgenanten stucke zu volfüren und mit namen das recht zu sterken und fride bestellen sünderlichen geboten hat, darümb so globen wir in guten treuen an eides stat und an alles geferde: wer, das sich iemand dowider seczen und sülche beredung und gelübde nicht halden wólde, das wir denne wider dieselben, niemandes ausgenomen, mit aller unserr macht helfen süllen. Des zu urkunt so haben wir egenante der gróssern, kleinen und neuen stelen zu Prage unsere grüssere sigele von rechter wissen an diesen brieff gehangen. Der geben ist zu Prage nach Cristi gepürt dreizenhundert jar und darnach in dem vierundneunzigistem jare am nehsten donerstag vor den heiligen phingstagen.

(Aus dem Lib. vetustus p. 78 im Prager Stadt-Archive. — Abgedr. in Pelzel K. Wenzel I. Urkundenb. p. 129.)

200.

Markgraf Jost von Mähren und sein Anhang nehmen die Prager Städte in ihren Bund auf. Dt. Prag 5. Juni 1394.

Wir Jost von gotes gnaden margraff und herre zu Merhern und wir Heinrich von Rosenberg, Hincze von der Leyppen, Peter von Wartenberg genant von Cost, Andres von der Dube, Brzenke von Skal, Heinrich vom Neunhuze, Hinaczke von Weyssenburg, Boczke von der Cunstat genant von Podyebrad, Otto Bergaw von Byelina, Hans von Michelsperg, Wilhelm von Landstein, Berke von Hoenstein, Albrecht von Sternberg, Purkhard von Janowicz, Pothe der junge von Czastolowicz und Borsse der junge von Rysenburg bekennen für uns und alle ander lantherren und unser nachkömlingen des künigreichs zu Behem