Javascript seems to be turned off, or there was a communication error. Turn on Javascript for more display options.
341
geburet und des notdurfftig sein wirdet. Und dovon von sulches guten willen wegen, den der
egenante unser gnediger herre der kunig zu uns hat, so haben wir im zu widerstatung mit wol-
bedachtem mute, rate unser herren, edlen und getreuen, die nochgeschriben unsere lande, mit
namen das furstenthum und lande der marke zu Brandenburg mit allen und iglichen seinen her-
lichkeiten, bischtumen, graffen, grafscheften, herren, herschefften, mannen, manschefften, lehen,
lehenscheften, beide geistlichen und werntlichen, und dorzu mit allen steten, slossen, vesten,
burgen, merkten, dorffern, renten, zinsen, nuczen, beten, orbeten, pfantscheften, eckern,
wisen, welden, puschen, streuchen, bergen, slichten, telern, geyegden, vogelweiden, teichen,
seen, wassern, wasserleuften, vischereien, mulen, bussen, mil ganczer und voller herschafft
und allen iren zugehorungen, wie die genant oder wo die gelegen sind, nichtes usgenomen,
als uns dasselbe lande der marke zu Brandenburg von dem allerdurchluchtigsten fursten
und herren hern Sigmunden, kunig zu Ungern etc. unserm liben vettern und herren, ein-
geben und vorschriben ist, und in aller der massen, als wir das ieczundt innhaben und
besictzen, und sunderlichen mit der kure und wale eines Romischen kuniges zukumftigen
keisers, und gleicherweis das herzogthume und lande zu Luczemburg, das uns von dem
egenanten unserm gnedigen herren dem kunig fur vier und sechzig tausend guter kleiner
gulden in pfandeweise vorschriben ist, mit der lantfogtei zu Elzassen, und besunder mit
den besten Keisersperg, Duringheim und Munster, und dorzu mit allen und iglichen des
egenanten herzogthumes zu Luczemburg herlichkeiten, grafen, grafschefften, herren, herschefften,
mannen, manscheften, lehen, lehenschefften beide geistlichen und werntlichen, probslen,
meyern, und dorzu mit allen steten, slossen, vesten, burgen, merkten, dorffern, renten,
zinsen, nuczen, pfantscheften, eckern, wisen, welden, puschen streuchen, bergen, slichten,
telern, geyegden, fogelweiden, teichen, wassern, , wasserleuften, fischereien, mulen und
allen iren andern zugehorunghen, wie die genant oder wo die gelegen sind, nichtes usgenomen,
in aller der massen, als wir dasselbe herzogthum und lande zu Luczemburg, und die lant-
fogtei zu Elzassen ieczundt inhaben und besictzen, usgenomen die marggrafschafft und lande
zu Merhern mit irer zugehorungen, ingeben und vorschriben, ingeben und vorschreiben im
das in krefften dicz brives in sulcher massen: wann wir an eliches leibes lehenserben von
todes wegen sturben oder abgingen, das denn das obgeschriben lande der marke zu
Brandenburg, das herczogthume zu Luczemburg und die lantfogtei zu Elzassen mit iren
zugehorunghen usgenomen die margrafschafft und lande zu Merhern, an den egenanten
unsern herren den kunig, sein erben und nochkumen, kunige zu Behem, lediglichen und
an allerlei hindernusse sterben und gefallen sullen. Und wer es sachen, das wir erben einen
oder mere mannesgeslechte gewunnen und die hinder uns liessen, so sal der egenante unser
herre der kunig und sein erben, kunig zu Behem, derselben kinder vormunde sein und
die gnediglichen und getreulichen vorwesen und vorsteen, als lange, bis das sie zu iren
jaren kumen. Wenn ouch das geschiet, das sie zu iren jaren kumen und mundig werden,
so mage er und sein erben in die vorgenanten beredung und stucke halden, ab sie wollen;
wolde aber der egenant unser herre der kunig und sein erben derselben beredung nicht
halden, so mogen und sullen sie die obgenanten unser lande, slosse, stete, merkte und
