63

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

75 Ostrauia, qui deberet metas Polonie et Morauie distinguere, non perpetuo cursu per vnam viam ducitur, sed fluctuans aliquando antiquum locum sui transitus deserens, invenit nouum cursum, et aliquociens agros, campos, prata vel rubos aut siluas spectantes in Poloniam vel Morauiam derelicto antiquo meatu et transitu circumambit. Volentes itaque, vt super hiis de- cetero inter nos et prefatum dominum episcopum Olomucensem cuiuslibet discordie materia precidatur, cum predicto domino episcopo de communi beneplacito et vnanimi voluntate mediante quoque illustri duce fratre no- stro Bolezlao Opoliensi, composuimus et conuenimus concordantes amicabi- liter et pariter ordinantes, vt ab hac die in antea inter nos et ipsum fines ducatus nostri et episcopatus sui, hoc modo distinguantur, videlicet quod ab aqua Odra sub Landek fluente, et vbi Ostrauia influit in ipsam Odram incipiendo, et ascendendo superius vsque ad metas vngarie, is sit limes et meta bonorum nostrorum et suorum vbicunque ipse fluuius Ostrauia nunc decurrit, et si membratim alicubi. est diuisus, vbi nunc maior aqua, siue alueus cursum habet. Et ne in posterum ipso fluuio nouum inueniente transitum huiusmodi limitibus distincio deleatur vel in errorem aut obliuio- nem tradatur fecimus fieri aggeres, cumulos siue struges, per totum ipsum fluuium Ostrauiam, a Odra incipiendo vbi influit per ascensum vsque ad metas Vngarie protendendo. ía videlicet quod in littore versus Morauiam ab Odra sursum per Ostrauiam ascendendo, ipse dominus episcopus Olo- mucensis cumulos suos poni faciat, et nos ex opposito in littore versus Poloniam nostros similiter. per ascensum cumulos faciemus. Sic quoque, vt deinceps quidquid ab illo littore versus Morauiam in pratis, agris, vel siluis aut qualicunque terre spacio adiacet, id ad episcopatum debet perti- nere. Et e contrario, quidquid a parte nostra versus Poloniam nostro lit- tori adiacet de terre spacio qualicunque, id ad ducatum nostrum similiter pertinebit. Et si ipse fluuius Ostrauia in posterum littora moderna rupe- rit, et relicto presenti meatu per alium locum cursum inuenerit, agros, prata, vel arbusta seu nemora a parte Morauie vel Polonie auellendo, vel quo- modolibet rescindendo, quod semper non ad fluxum eius sed ad cumulorum et metarum huiusmodi posicionem íerminorum distinctio denotetur. Nec propter hoc possessori possessionis comodum amittatur. Ceterum illud ex- ceptum est communiter et expressum, quod in Grabow et in Pazkow et 10*