63

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

69

inducit affectum vt personas et locum ipsius monasterii fauore beniuolo prosequentes ea promocione debita procuremus que ad releuacionem et profectum ipsorum plurimum opportuna noscuntur. Et quamuis de iure pri- meuo singularum parochiarrum in vsus necessarios Ecclesie proprie cedere debeant et stipendia ministrorum. Quia tamen iuxta responsum Beati Je- ronimi liberum est clericis et prelatis, monachis et spiritualibus viris, deum üimentibus et colentibus decimas et oblaciones cunctaque remedia concedere et de iure suo in iudicium illorum et vsum transferre nec tam in pauperi- bus paupertatem quam Religionem attendere. Cum itaque ius patronatus Ecclesie in Lucens siue in Blucina, nostre dyocesis, per Serenissimos principes dominos nostros Regem et Reginam Bohemie Marchionesque Mo- rauie, ad quos olim spectabat iam pridem in religiosos viros predictos ab- batem et conuentum Monasterii de Zar prefati et in ipsum monasterium rite et racionabiliter iusto donacionis tytulo sit translatum idemque mona- sterium multarum necessitatum et defectuum incommodis urgeatur, vtpote cum ei pro tanto collegio conpetenter non suppetant facultates. Nos pio conpassionis affectu volentes dicti monasterii inopiam quibus modis possu- mus releuare, de voluntate et consilio capituli nostri Olomucensis, accedente nichilominus consensu et precum insíancia predictorum principum Regis et Regine Bohemie quorum interesse poterat in hac parte, interueniente etiam sollempni tractatu qui in talibus desiderari consueuit, predictam parochialem ecclesiam in Lucens siue Blucina cum attinentiis vniuersis, ymo pocius ceríam partem et porcionem prouentuum et decimarum eiusdem parochialis ecclesie infra scriptam et distinctam eidem abbati et conuentui ac per eos monasterio suo in perpetuos vsus prebendarum suarum donauimus et dona- mus, concessimus et concedimus tradidimus et tradimus tenendam et paci- fice possidendam. Hanc insuper condicionem in ipsa donacione nostra ad- icimus vt ex nunc cum eadem parrochia vacet ad presens, uel cum in posterum eam uacare contigerit abbas et conuentus predicti nobis deinceps et successoribus nostris ad eam sacerdotem ydoneum clericum videlicet secularem instituendum ibidem pro vicario perpetuo representent. Prae- terea ut de cetero nulla inter ipsos abbatem et conuentum ac institutum vicarium lis aut contencio de suis porcionibus oriatur, ipsius monasterii por- cionem et partem vicarii distinctas a nobis racionabiliter et diuisas presen-