Javascript seems to be turned off, or there was a communication error. Turn on Javascript for more display options.
62 Archivum coronae regni Bohemiae II Nr. 61.
rone regni Boemie iure spectare, quodque episcopi, marchiones et duces prefati,
heredes et successores ipsorum, imperpetuum principatus eosdem et prefata dominia,
quotiens per mortem aut aliis causis legitimis rite vacaverint, a nobis, heredibus
et successoribus nostris, Boemie dumtaxat regibus, et a corona regni Boemie absque
renitentia seu difficultate in feudum reverenter suscipere nobisque ac dictis here-
dibus et successoribus nostris, Boemie regibus, et corone regni prefati in casibus
antedietis homagii, obedientie ac subiectionis debite consueta iuramenta corporaliter
facere teneantur, omnem defectum, si quis in litteris et privilegiis dictorum im-
peratorum et regum Romanorum memorie recolende aut etiam in presentibus seu
in donatione illustris Ottakari secundi regis Boemie, proavi nostri, ut, si fortassis
dueatum Oppavie absque Romani principis et superioris licentia creare non potuit
vel si eadem donatio iuri communi contraria videretur, quavis obscuritate, inter-
pretatione dubia, verborum defectu aut ex alia occasione vel causa compertus fuerit,
supplentes de plenitudine Romane regie potestatis, non obstantibus legibus,
consuetudinibus, usibus, observantiis, iuribus municipalibus vel communibus, statutis
Seu edictis publicis vel privatis, factis et editis in contrarium quibuscumque, quas
et que, quantum ad hoc, ac si nominatim et de verbo ad verbum presentibus in-
Scripta et inserta consisterent, etiam si de hiis iure vel consuetudine deberet fieri
mentio specialis, revocamus, cassamus, irritamus, annullamus et de dicte Romane
regie potestatis plenitudine decernimus firmitatis fore nullius penitus vel momenti.
Nulli ergo hominum liceat hanc nostre interpretationis, pronunciationis, diffinitio-
nis, protestationis, declarationis, decreti, defectuum suppletionis, revocationis, cassa-
tionis,irritationis et annulationis paginam infringere vel ei ausu temerario in aliquo
contraire. Contrarium vero facientes, si qui fuerint, quod absit, ultra indignationem
nostre celsitudinis Romane, quam ob hoc se noverint graviter incursuros, mille
marcas auri puri nostro et Romani regni fisco componant, ipsarum videlicet medie-
tatem nostre et successorum nostrorum Romanorum regum sive imperatorum curie
seu camere et reliquam passis iniuriam irremissibiliter applicandam.
Venerabili Gerlaco archiepiscopo Maguntino, sacri imperii per Germaniam archi-
cancellario, illustribus Rudolfo seniore, sacri imperii archimareschcallo, Rudolfo iuniore,
ipsius nato, Saxonie, Friderico de Teck ducibus, spectabilibus Johanne buregravio
Nurembergensi, Ulrico lantgravio Lutembergensi, Friderico de Orlamünde, Ulrico de
Helfenstein et Rudolfo de Wertheim comitibus, nobilibus Petro de Hewi, Craftone de
Hohenloch,? Gotfrido de Brunecke, Ebirhardo et Friderico de Walse, Eglolfo de Fryberg
et Burchardo de Elrbach, nostris et sacri Romani imperii principibus et fidelibus, testi-
bus ad premissa. Presentium etiam sub nostre maiestatis sigillo testimonio litterarum.
Datum Prage anno Domini millesimo trecentesimo quadragesimo octavo, in-
diecione prima, VII? Idus Aprilis, regnorum nostrorum anno secundo.
1) recte Leuchtenbergensi 2) Kraft de Hohenlohe-Weikersheim.
20
25
30
35
