Javascript seems to be turned off, or there was a communication error. Turn on Javascript for more display options.
— 204 —
fratre uterino stare et eum adiuvare tenebimur et spondemus
toto virium nostrarum omnium potentatu.
In quorum ete.
Actum Pragae praesentibus testibus ... a. D. 1341, in die
Margarethae virg.
(Orig. c. v, arch, aul, Vind. — Chytil. VII. 584, — Emler
IV, 959.)
184. Foedus inter Kazimirum Poloniae regem et
Carolum marchionem de novo firmatur.
1341, 13. Julii.
In nomine domini Amen. Laudabile fore probatur per-
maxime et honestum, ubi vota principum ad concordiae flectuntur
unionem, per quam pax nutritur et commodis providetur subdi-
torum, Proinde nos Kazimirus D. gr. rex Poloniae, indissolubile
vinculum inter nos et serenissimum principem, d. Karolum,
marchionem Moraviae illustrem, fratrem et sororium nostrum
carissimum, perpetuis permanere temporibus et ipsum in visce-
ribus gerentes caritatis ac toto nostro conamiue prosequi in
omnibus cupientes, non obstante, quod eiusdem domini marchi-
onis soror, domina Margaretha, comitissa palatina Reni, ducissa -
Bavariae f. r, quae nobis matrimonialiter debuit copulari, sit
uniuersae carnis viam ingressa, et ne propter hoc liga dilecti-
onis ac amicabilis coniunctio videatur et fidei puritas disjungi
inter nos et dissolui, sibi animo ingenti ac desiderabili perpe-
tuaeque unionis sic factae: promittimus bona fide tamquam fratri
uterino, in omnibus consiliis, auxiliis, placitacionibus, tracta-
tibus adhaerere, et maxime in contrahendis amiciis matrimo-
nialibus, quas Deus nobis concedet, faciendis, de nostra propria
persona ac puerorum nostrorum ipsum prosequi et sine eiusdem
voluntate nihil facere aut attemptare quoquomodo, nisi prius
ipsius consilio, auxilio, consensu ae speciali super hoc requisita
voluntate. Quae omnia promittimus et singula in hiis scriptis
inviolabiliter observare.
Actum Pragae a. D. 1341.
(Orig. c. v. arch, aul, Vind, — Chytil VII, 374, —
limler IV, 958.)
