Javascript seems to be turned off, or there was a communication error. Turn on Javascript for more display options.
darczu gehört, gesünet und geeynet und ewiclichen berichtent
sin, also daz wir im, sinen erben und nachkomelingen dieselben
und alle andere ihre eygen lant, die er von sinem, siner erben
und nachkomeling namen uns mit willen und unbetwungen
oufgeben hat, und unser, unserer erben und nachkomelingen,
chunigen von Beheim, und ouch unsers riches ze Beheim man
davon worden ist, sie sein versatzt oder unversatzt, wo sie
die haben ietzunt bede, hi diseit der Oder und dort genseit,
und die hernach gewinnen, swo sie die gewinnen, verligen
haben ze einem rechten erblehen. Dieselben lant sin benant:
Lygnitz, burk und stat, Haynow, burg und stat, Goltperch
die stat, Kotzenow die burk, Bryg, burk und stat, Nemptsch,
burk und stat, Olow die stat, Grotkow die stat, Namzlow,
burk und stat, Berolstat, burk und stat, Crutzeburch, burk
und stat, Lantsperch, Tyefense und Bizin mit wichpilden,
derselben burge und stete und swaz darzu gehórt, lant, guot
und leut, ez sei verlehent oder unverlehent, mit allen rechten,
vriheit und nuetzen, als sie von alder und irn eldern an sie
komen und pracht sint. Und gelob wir mit unsern trewen an
alle argelist von unsern, unserer erben und nachkomeling
wegen und mainen die egenanten unsern swager, sin erben
und nachkomeling ze lazzen und behalden gegen allermaniclich
bei allen irn rechten und bie aller vreiheit, in welcher weys
daz an sie komen und pracht ist von iren vorfaren, und
nicht hindern, ez sie an manschaft, gulde, zinsen, zollen, ge-
richten, dem obersten und dem nidersten, in burgen, steten,
dorfern und uf den landen, allerhanden berkwerch an golde,
silber, plie, tzin oder swie daz ertzt genant sei, mintzen,
phaffen, clostern, munchhoven, kyrchiehen, juden oder wiltbar,
swaran daz leit, also daz die egenanten unser swager, sein
erben und nachkomeling muegen vrielich an aile vrag und
urloup brechen und bowen newe oder alde veste, swa sie des
gelust, iren landen ze frome und ze guot.
Gescheh ouch, daz ire man, rittermessig leut, mit den
vorgenanten unserm swager, sinen erben oder nachkomelingen
oder sie selbe mit irn egnanten mannen hernach oder ietz
und icht haben ze richten oder ze sachen, darumb sulle wir
