Javascript seems to be turned off, or there was a communication error. Turn on Javascript for more display options.
— B3 —
vns vnd vnseren Landen baidenthalben gewesen sint vnez vf
disen heutigen tage, also, daz wir furbaz, dieweil wir lebe,
gantze fruntsehaft vnd sune mit ein ander haben sullen, an
aliz geuerde. Wir sullen ouch vf die vorgenanten Herren
vnd fursten, vnser liebe Swager, noch vf iren Lant Osterrich
vnd Styr vnd daz darzu gehoret, nieht zogen ze schaden,
noch durch vnser Lande, Behem vnd Merhern vnd daz dar
zu gehoret, lazzen ziehen, noch yman gestaten ze ziehen, der
in vnsern Landen gesezzen ist; ez were denne, daz ein
Romischer Chunige vf sie ziehen und schadige wolt, dem mugn
wir beholfen sein mit andern Leuten vnd Dienern, die wir
haben vnd gewinnen, an alein mit den Leuten, die in vnsern
Landen ze Behem vnd ze Merhern vnd waz darzu gehoret,
mit den sullen wir vf sie nicht ziehen. Wir nemen ouch ouz
vnsern lieben Bruder, den vorgenanten Chunig von vngern,
daz wir dem helfen mugen vnd dienen, als vnser gelubde gen
im stent, vnd daz die sune, freuntschaft vnd gelubde, als
vorgeschriben ist, von vns vnzebrochen vnd stete beliben,
des haben wir zu den Heiligen geswore, stete ze haben, an
allez geverde. Und geben daruber den vorgenanten Herren
vnd fursten, vnsern lieben Swagere, Herczogn ze Osterrich
vnd ze Styr, disen Brif, mit vnsers lieben Bruder, des
Chunigs von Vmngern, vnd vnserm, darnach vnser fursten,
Conrates Bischofs ze Olomuncz, vnd Nyclass Herczogen ze
Troppow, vnd vnser liben getrewen, Graf Heinrichs von
wilnow, Heinrichs von der Lypen des alden, Heinrichs von
der Lypen, seines Sunes, Peters von Rosemberch, wilhelms
von Landstein, vlrichs von dem Niwen House, wockens von
Crawarn vnd Thymens von Colticz Insigel, die sie ze einer
zeuchnuzze der vorgenanten sune vnd sache durch vnser
bete willen geben habent, versigelten.
Wir karel von Gotes genaden, Chunig ze Vngern, Cunrat
Bisehof ze Olomunez, Nyelas Herezog ze Troppow, Heinrich
Graf ze wilnow, der alt vnd der Jung Heinrich von der
Lypen, Peter von Rosemberch, wilhelm von Landstein, vlrich
von dem niwen House, wocke vou Crawarn vnd Thyme von
Colticz, veriehen offentlich mit disem Brife, das wir der Sune,
