Javascript seems to be turned off, or there was a communication error. Turn on Javascript for more display options.
— 514 —
530. Pacis unio inter Boemiam et Moraviam ex
una et Ungariam atque Austriam parte ex altera.
1364, 10. Februarii.
Wir Karl, von gots gnaden Romischer keyser, czu allen
czeiten merer dez Reichs, wir Wentzsla, auch von gots gnaden
kunig ze Behem und marggraff ze Brandenburch, des ieczunt
genanten unsers lieben herren und vatters keyser Karls sun,
und wir Johanns, von derselben gots gnaden marggraf cze
Merhern, desselben unsers herren, des keysers, bruder, vor uns
und vor alle unser erben, sunn und tochter an ainem tayl, und
wir Ludwig, von gots gnaden kunig ze Ungern, und wir
Rudolff, Albrecht und Leupolt, auch von gots gnaden her-
czogen ze Osterreich, ze Steyr und ze Kernden, herren ze
Chrain, auf der Windischen March und Portenaw, grafen ze
Habspurch, ze Tyrol, ze Phirt, und ze Kyburg, marggraffen
ze Purgow und lantgrafen in Elsazzen, vor uns vnd vor alle
unser erben, sun und tochter, von unser besunder puntnuzze
wegen an dem andern tayl.
Verriehen, bekennen und tun kunt offenlichen mit disem
brief allen den, die in sehent, lesent oder horent lesen, daz
wir auf itwedrem tayl, nach guter vorbetrachtunge, wizzent-
leich, mit rate unser getrewn geistlicher und weltlicher fursten
und lantherren, die unsers gesworn rats sein, durch teydunge
und hende der durchleuchtigen hochgeborn erberm und weisen
Kathrein von Behem, unsers des vorgenanten keyser Karls
tochter, und unser des egenanten hertzog Rudolffns von Oster-
reich eliche Wirtin, auf den spruch, den furmals die hoch-
geborn fiirsten, her Kazimir zu Polen und hertzog Bolko von
den Sweydniez, ezwischen uns getan hant, uns beidenthals
mit einander, vor uns und alle unser freunt, helfer und diener
vereyniget, verrichtet und gesuent hant, freuntlich und gutlich,
aller der stózz, missehellunge und widerwirtichkeit, die wir
under einander mit worten, werken und geberden umb dhai-
nerlay sache unez auf disen heutigen tag gehabt haben.
Und sullen auch genezlich ab sein all die ansprach und
vorderunge, die unser dweder teyl zu dem andern umb seine
